لانسر - ياريس - اوبترا ايهما افضل يا اهل الخبره

[Abonora]

اريد شراء سياره و كل من سألتهم رشح لى اليابانى
لكن اطمع فى مساعدتكم:
لانسر 1300 مانيوال :
السياره قريبه من الارض و نصحونى لحل هذه المشكله بوضع كاوتش او ما شابه مع المساعدين لتزيد من ارتفاع السياره
و اصبح سعرها الان 96 الف
و بدون كاست
و الصاج كباقى السيارات ورق


الياريس مانيوال :
يقال ان مشكلتها الرئيسيه فى ان الموتور فى منتصف الكابوت + الرفارف صغيره
فأى خبطه اماميه تكون فى الموتور
و ايضا اكصداماتها فيبر و الصاج ورق ايضا
و يابانى و سعرها 87 الف
و اريد ايضا ان اسأل هل موتورها نفس موتور الكورولا من حيث الكفاءه ام لا

الاوبترا :
كورى و نصحونى بها حيت انها 1600 سى سى
واسعه و سعرها 87 الف ايضا


فما رأيكم يا اهل الخبرة

و لو كنتم ترون سياره افضل من هؤلاء الثلاثه و السعر حتى 90 فأرجو التوضيح

و شكراااااااااا

[fahd_628]

و اريد ايضا ان اسأل هل موتورها نفس موتور الكورولا من حيث الكفاءه ام لا

محركها يا باشا هوة نفس محرك الكورولا

و بصراحة انا عن نفسى استبعد الانسر لأن سعرها عالى اوى

الياريس ممتازة بس عيبها زى ما انت قولت ان الأكصدامات فايبر و ابعادها صعبة فى الاول بس بعدين حتاخد عليها

و الأوبترا كمان ممتازة

فا انا رأى انك تشوف الأوبترا او الياريس

الأوبترا محركها اقوى و عفشتها انشف و اقل توفيرا فى البنزين من الياريس

الياريس محركها اضعف من الاوبترا و لكن موفر فى البنزين و عفشتها ناعمة و مريحة

و العربيتين واسعين على فكرة

و لو ممكن تلقى نظرة على الجين 2 لو عربية شبابية و لو تحب تعرف عنها اكتر قولى العربية كمالياتها اكتر من كل الى انت مختارهم و ثبات احسن منهم كلهم و محرك اقوى منهم كلهم :) فا شوف لو عجبتك فكر فيها و سعرها 84 الف و صورتها فى توقيعى :)

[limo]

معلش سؤال هيه الانسر دلوقتى 1300 عاده مواصفات مصر بقى سعرها 96 الف جنيه ؟؟؟؟؟؟؟؟؟؟؟؟؟

[TAG_Turbo0]

انا أرشحلك الاوبترا عربية واسعه تصميمها حلو
وأسسها معروف وهو النوبيرا
يعنى قطع الغيار متوفرة
وتوكيل أكتر من محترم

[أبو عبدالله]

الياريس
اللانسر
الاوبترا

من حيث الكفاءة والعمر الأفتراضي والضمان

[Sharky]

ياريس
لانسر
أوبترا

على فكرة التلاتة إكصدامتهم فيبر
الياريس أأمن واحدة فيهم واخدة 5 درجات فى إختبارات التصادم بتاعة EURONCAP

[fahd_628]

السلام عليكم

بصى حضرتك انا واحد صاحبى معاه ياريس العربية بصراحة جميلة جدا جدا و تقريبا مفيهاش اعطال خالص و توكيلها محترم و محركها ممتاز و موفر فى البنزين و عالية عم الأرض و ناعمة جدا جدا بس هية فيها مشكلة صغيرة انك حتحسى انها صعبة جدا فى القيادة فى الاول لأن لا الكابوت ولا الشنطة بيبانو خالص فا حتحسى انك سايقة حاجة و مش عارفا اخرها فين ( و دة بيحصل فى الأول بس بعدين حتتعودى ) بس هية بجد ممتازة وواسعة و مريحة و يابانى 100 %

و لو حضرتك عاوزة عربية صغيرة برضة و يابانى 100 % و توكيلها لسة جديد و ممتاز انا برشحلك السيريون و صورتها اهية



العربية فى حجم الكورسا تقريبا و صغيرة و سهلة الركن و المناورة و القيادة و امنة ( اخدت 4 نجوم فى اختبارات الأمان الاوروبية من 5 ) و لو حضرتك حتجيبى الاوتوماتيك فل اوبشن ( لأن فية منها موديل مانيوال هاف اوبشن و اوتوماتيك هاف اوبشن ) حتاخدى ABS و جنوط سبور و سبويلر و الكاسيت الأصلى ( لأن التانيين مش بينزلو بالكاسيت الأصلى و الكاسيت الأصلى فى رأى مهم جدا لأنة Built in فى التابلوة ) و لكن حكاية انها عالية فا علوها متوسط متقلقيش و توكيلها كويس جدا و العربية جديدة

اسعارها

1300 سى سى مانيوال 76500 ( هاف اوبشن )
1300 سى سى اوتوماتيك 81000 ( هاف اوبشن )
1300 سى سى اوتوماتيك 86000 ( فل اوبشن )
1500 سى سى اوتوماتيك 89900 ( فل اوبشن و 1500 سى سى مش 1300 )

المحرك ال 1500 سى سى دة مجرد قوة زيادة لو حضرتك مش محتاجاها خليكى فى ال 1300 ممتاز و موفر فى البنزين و انا رأى ان حضرتك تروحى تتفرجى عليها فى ال Showroom بتاع دايهاتسو فى سموحة بس مش عارف فين بالظبط و ان شاء الله العربية حتعجبك و عالى فكرة العربية واسعة من جوة جدا مش زى ما يوحى شكلها من برة و زى ما قلت لحضرتك يابانى 100%

انا بالنسبة للجين 2 فهى تبع ماركة بروتون PROTON و هية شركة ماليزية و لكنها تملك شركة لوتس LOTUS العالمية الكبيرة التى تصنع سيارات السباق و هى تتدخل فى صناعة المحركات و تحسين الثبات و لكن انا رأى انها مش حتبقى مناسبة لحضرتك ( بس برضة ممكن تشوفيها و تعجبك ) و لو عوزتى اى حاجة عنها انا تحت امرك لأنى بمووووووووووووت فى الجين 2 :)

و فى النهاية انا رأى انك تشوفى الياريس او السيريون و تشوفى انهى الى حتعجبك اكتر و توكلى على الله

و لو فية اى استفسار اخر انا تحت امرك !

و على فكرة حضرتك لاغية الرسائل الخاصة فا مش عارف ابعت لحضرتك

[Abonora]

معلش سؤال هيه الانسر دلوقتى 1300 عاده مواصفات مصر بقى سعرها 96 الف جنيه ؟؟؟؟؟؟؟؟؟؟؟؟؟

اااااااااااااااااااااااااااااااااااااااه
ما انا حتجنن خلاص - كان سعرها 92 الف
و كنت حشتريها استنيت اقل من شهرين لغايه ما بعت عربيتى
ارجع الاقيها 96 الف
فبقيت فى موقف انى مش عارفه اشترى ايه
اجيبها و لسه حجيب لها كاست و فرش و معرفش ايه
يعنى وصلت ل 100 الف
و خوفى من ان بعد ما يتوقف انتاجها ينزل سعرها جدا فى حاله انى عزت ابيعها لان الكل حيكون عايز يشترى الشكل الجديد

[Abonora]

اشكركم جميعا عن ردودكم و حسن تعاونكم

لكن استفسار لو سمحتم بالنسبه للياريس
بالنسبه لموضوع الموتور و ان الرفارف صغيره فأى خبطه بتكون داخله عالموتور
ده حقيقى و لا لا

وشكرا

[Abonora]

اخى فهد :

انا فعلا رحت شفت السيريون فى سموحه امام مسجد على ابن ابى طالب
بس وشها وحش معرفش ليه
الكورسا ارق كتير

و غير كده تعتبر سعرها عالى
او بنفس السعر او ازيد قيلا ممكن اجيب عربيه سيدان مش كده

و ايه رايك هل الياريس حتستحمل شوارعنا و انت بتقول عفشتها ضعيفه و لا ايه

و الاوبترا مجبتش سيرتها خالص ليه
معلش دوشتكم بس الموضوع صعب

[WaelSalim]

ياريس
أوبترا

[fahd_628]

و ايه رايك هل الياريس حتستحمل شوارعنا و انت بتقول عفشتها ضعيفه و لا ايه

السلام عليكم

لا عفشة الياريس كويسة و ناعمة جدا و حتستحمل المطبات بتاعتنا ان شاء الله

و انا شايفك ميالة ليها و هية فعلا عربية ممتازة انا رأى تتوكلى على الله و تجيبيها

الأوبترا انا متكلمتش عنها لأنى مجربتهاش انا بس جربت الياريس :) بس احسن ناس يفيدوكى فيها هما اصحابها و ان شاء الله يردو عليكى

السيريون فعلا ممكن شكلها ميعجبش ناس و مادام مش عاجباكى خلاص بلاش :)

و توكلى على الله و هاتى ياريس بجد عربية ممتازة و مش حتندمى انك اشتريتيها :)

[Abonora]

اخر خبر بالنسبه للياريس
قريت موضوع فى المنتدى عن تغيير الدبرياج بعد حوالى 6 الاف كم لاكثر من عضو من ملاك اليارس
اتصلت بالتوكيل و سألته
بصراحه مشكور قالى ابعدى عن المانيوال و هاتى اوتوماتيك و ابعدى عن المشكله دى

يعنى 98 الف للاوتوماتيك و نفس الصاج الورق و نفس الاكصدامات الكرتون

المشكله ان ده حال كل العربيات
كله ورق
الله يعينا ؛؛؛؛؛

[tmz9111]

الأوبترا ممتازة

[hazem_khidr]

الياريس احسن الاختيارات دي.
و علي فكره انا جايب ياريس مانيوال برضه بقالها اسبوع و سالت كتير جدا جدا قبل ما اشتري لكن ماحدش قالي علي العيب دا خالص و مع صحابي بقالها كتير و متجربه و مافيهاش مشاكل.
لما جيت اشتري كنت حاطط 8 موديلات امامي منهم الاوبترا و اللانسر و الماتريكس و النيو اكسنت.
لكن لقيت ان الياريس افضل عربيه فيهم من حيث:
الشكل(جديد) الموتور( موتور كورولا). التسارع(مذهل بالنسبه لفئتها او لفئه اعلي منها)
عيبها بالنسبالي الوش الفيبر لكن كل الجديد كده و الموتور مش حيضر اوي زي ما الناس فاكره.
ابعادها مش مريحه في الاول لكن انا باخدها كل يوم بالليل في الروقان و اتعود عليها لحد و الحمد لله بقيت بعدي بيها في مزانق دلوقتي اعرض من العربيه ب 10 سنتي بس!!!!!!!!!