نيسان تيدا ولا هوندا سيتي

[ahmed895]

انا فعلا محتار بين التيدا الهاتشباك و الهوندا سيتي
السعرين قريبين من بعض
يمكن الفرق في تمن قطع الغيار
لكن انا ما اعرفش الفرق في مستوي التوكيلين و في اعادة البيع والاستهلاك و ما الى ذلك

ممكن الافادة من خبراء نايل موتورز مع العلم انها لاختي

[romeo_6887]

ايه المتطلبات من العربيه ؟

[Hegazio]

معلش عشان باكتب م الموبايل
هوندا احسن

[ahmed895]

استععمال بنت عادي بس طبعا كل ما تكون العربية ناعمة و تستحمل و قطع غيرها ارخص ومعامله التوكيل دي كلها حاجات مهمة
اينعم هوندا كماركة اكيد اعلى
لكن تكاليف الاستهلاك برده مهمة

[ahmed895]

مع العلم هي عاجبها شكل التيدا اكتر بس احنا بنسال على الامكانيات

[Hosam_Optrawy]

رأيى التيدا انسب

والأوبشنز تقريبا واحده

التيدا : باور - سنتر لوك - تكييف - 4 زجاج كهربا - مرايات كهربا - سى دى - 1 ايرباج للسائق - ايموبليزر - فرامل Abs Ebd

سعر الهاتش باك 119

السيتى : باور - سنتر لوك - تكييف - 4 زجاج كهربا - مرايات كهربا - سى دى - 2 ايرباج - فرامل Abs Ebd

السعر 120 الف

[romeo_6887]

خلاص بقت رسمى الدورى للأهلى

1000 مبروك ليك و لكل الاهلاويه بس الموسم الجاي للزمالك بعون الله

[abou_ruqi]

يا جماعة المقارنة دي اتعملت 3 مرات قبل كده !!!!

[ahmed895]

طب لو المقارنة دي اتعملت قبل كده ممكن تديني اللينك و أطلع ع البيانات
بس طبعا لو المقارنة بين الموديلين 2010

[Ahmed.TV]

بالنسبة ليها كبنت الافضل التيدا , وغير كدا التيدا منتشرة شوية عن الهوندا سيتى , وعن تجربة التيدا مواتير رائعة وقوية وخصوصا كمان فى استهلاك البنزين , والنعومة اللى فى ادائها , التيدا يا جماعة السمع حاجة والتجربة حاجة تانية خالصصصصصصصص
وانا ياما سمعت عن كل العربيات وجربت كتير وسوقت كتير ولما سوقت وجبت التيدا حاجة تانية بسم الله ماشاء الله
واللى مش مصدق يجى واخليه يجرب عشان يتاكد بنفسه

[M.ABDEEN]

تيدا وهاتشباك كمان ولون احمر او فضي

[ahmed895]

بالنسبة ليها كبنت الافضل التيدا , وغير كدا التيدا منتشرة شوية عن الهوندا سيتى , وعن تجربة التيدا مواتير رائعة وقوية وخصوصا كمان فى استهلاك البنزين , والنعومة اللى فى ادائها , التيدا يا جماعة السمع حاجة والتجربة حاجة تانية خالصصصصصصصص
وانا ياما سمعت عن كل العربيات وجربت كتير وسوقت كتير ولما سوقت وجبت التيدا حاجة تانية بسم الله ماشاء الله
واللى مش مصدق يجى واخليه يجرب عشان يتاكد بنفسه

متكر أوي ع الرد
لكن ممكن تقولي ايه عيوبها من وجهة نظرك ومعامله التوكيل اخبارها ايه؟؟

وايه ال نزل جديد في موديل 2010 عن موديل السنة ال فاتت؟
وايه رايك في اللون
لانها لبنت في الهاتش باك
الليلاه في فرش أسود ولا الاسود في فرش اسود
الاحمر حلو بس هو لون منتشر اوي في كل العربيات في مصر

[ahmed895]

تيدا وهاتشباك كمان ولون احمر او فضي

مرسي يا لورد على إفادتك بس انت مش معايا ان الاحمر ده لون منتشر عموما في مصر زيادة ع اللزوم؟

[mahamedaraby]

انا الصراحه مركبيتش الهواند فمش هقدر اقارن

لكن نظريا بين العربيتن التيدا افضل

موتور وتوكيل واعاده بيع وسعر قطع غيار ونعومه ويابانى واوسع

فعلشان كده افضل

وبالنسبه ان ماركه هواند اعلى ازاى نيسان دى متحالفه مع رينو وحاليا ديلمر ده غير فرع السيارات الفارهه انفيتى بتاعها نيسان ماركه عريقه بس كانت مش واخده حقها فى مصر شوف عربيات الدفع الرباعى وافضلهم هتلقيهم نيسان واسف انى خرجت عن الموضوع

[Ahmed.TV]

متكر أوي ع الرد
لكن ممكن تقولي ايه عيوبها من وجهة نظرك ومعامله التوكيل اخبارها ايه؟؟

وايه ال نزل جديد في موديل 2010 عن موديل السنة ال فاتت؟
وايه رايك في اللون
لانها لبنت في الهاتش باك
الليلاه في فرش أسود ولا الاسود في فرش اسود
الاحمر حلو بس هو لون منتشر اوي في كل العربيات في مصر

بص موضوع الالوان ده اذواق , وانا شايف ان اللون الاحمر بتاع التيدا حلو عليها وكمان الفضى ,
العربية معايا وتمام وزى الفل بس انا معايا السيدان مش الهاتش باك , ماتور قوى وناعم فى نفس الوقت زى ما قولتلك قبل كدا , وعايز اقولك بالنسبة للعزل , انسى تسمع حاجة بره او صوت ماتور , او حتى تلاقى سخونة فيها , والعفشة ولا ناعمة ولا ناشفة فى النص , ويمكن تكاد تكون قريبة الى النعومة بس مش قوى
وبعدين البور بتاع العربية تحفةةةةةةةةةةةةةةةةةةةةةةةةة واللى يقولك اصل البور الكهرباء خفيف
انا اتحدى بمليون جنية على كلامه , ويجى ويجرب بعربيتى انا تحت امره
البور بتاع التيدا كهرباء وماسك نفسه وتقيل على كل السرعات حتى اللى اقل من 100 كمان
, بصراحة مش حتندم ابدا انك جبت تيدا , عربية تستاهل
والتوكيل محترم ومراكز الخدمة بتعته عالية جدا فى التعامل مع الناس , سواء كان السبع او مودرن , وهما دول اللى اتعملت معاهم
وتحت امرك فى اى حاجة