الأكسنت ؟ و لا الفيرنا ( أكسنت برضه) ولا اللانوس ؟؟ ناوي اشترى

[wael_ghreez]

السلام عليكم

انا ناوي اشتري يا جماعة فياريت نصيحه بضمير لأخوكم اللي معاه 45000 تقريبا و محتار اشترى ايه , بس الحاجه اللي متأكد منها اني عايز اشتري كوري لاني كرهت الاوروبي اللي حراره الصيف بتولع في مواتيره بجد مافيش احسن من السيارات الاسوية , فايه رأيكم ؟؟

أكسنت ؟؟

ولا فيرنا ؟؟

و لا لانوس ؟؟

و ياريت مزايا و عيوب كل عربيه رجاءا و شكرا ليكم جميعا

[romeo_6887]

انا ليا رأيين :

الاولاني انك تشتري زيرو بالمبلغ ده و ممكن يجيبلك سوزوكي التو 800 سي سي من غير كماليات او تقسط و تجيب لوجان او ساجا او حتي فيرنا

التاني انك تشتري مستعمل بالمبلغ ده زي مثلا لانوس موديل حديث بس تستحمل مقالبها ( معايا لانوس ) او تشتري فيرنا موديل حديث برضه و شوفلك حاله نضيفه

و شوف برضه اراء باقي الشباب

[تامر.محمد]

سلام عليكم
الفيصل الأساسي بالنسبة للمستعمل طبعا هي الحالة
في حالة ان الحالة تساوت
يبقى اللانوس احسنهم سواء جديد ( فيرنا او لانوس ) او مستعمل ( اكسنت او فيرنا او لانوس )
رخص و انتشار قطع الغيار كلهم كويسين
سعر اعادة البيع كلهم كويسين

كخامات و تابلوه , اللانوس (دايو و ليس شيفروليه - ماعرفش تابلوه الشيفروليه لانوس احسن ولا الفيرنا بس احسنهم الدايو لانوس )
كتوكيل , اللانوس (دايو و ليس شيفروليه )

تتفوق الفيرنا على اللانوس في التسارع ( و على عربيات كتير , التسارع هو ميزة الفيرنا الوحيدة تقريبا كعربية في رأيي ) , ثبات اللانوس احسن , موتورها في المقابل معمر اكتر , نعمومتها على الطريق احسن

عيب الفيرنا الأساسي , ثبات سيء جدا و فرامل مش قد كده
عيب اللانوس الأساسي , فرامل مش قد كده برده بتبان على السرعات العالية

و بص عموما على المقارنة اللي عاملها المهندس سبعاوي بين الفيرنا و اللانوس

[shiko85]

بص على المقارنة اللي عاملها المهندس سبعاوي بين الفيرنا و اللانوس

* * * * *

مخالف للقاعده 3
ممنــوع الاقتباس دون أي تعليق او إضافة

15/4/2010
12:30 am

مشرف 12 ب

[wael_ghreez]

انت ليه بتقول مخالفه ؟؟؟

اولا انا مش معقول هادور على موضوع زي دة في الـ 104 صفحه يعني

أنا مش فاااااااااضي

كان الافضل تحط اللينك بتاع موضوع المهندس سبعاوي بدل ماتقولي منقول و توقف الموضوع بقلة زوق

و عموما شكرا

[تامر.محمد]

يا باشا انا مش عارف بتكلم مين , بس المخالفة الوحيدة اللي انا شايفها هنا محطوطة عند shiko85 لأنه نقل جملة بدون اي تعليق ...

و اولا بالنسبة لمقارنة مهندس سبعاوي هي موضوع مثبت في اهم موضوعات القسم و لو بصيت فيها كنت لقيتها و لو حضرتك سألت كان اي حد هنا قال لك , عموما اتفضل http://www.nilemotors.net/Nile/670-a.html , و خد بالك دي مقارنة مع الفيرنا ال1500 مش ال1600

ثانيا , انا مش عارف الموضوع اتنقل منين , بس الاغلب انه كان في قسم تاني و اتنقل قسم المقارنات , ده مكانه الصحيح فعلا , و الموضوع ما اتوقفش ولا حاجة , بدليل انك شخصيا كتبت فيه

ثالثا , كون حضرتك مش فاضي ده مش معناه ان فيه حد فاضي و شغلته انه يجيب لحضرتك المقارنة حتى لو لازم هاتدخل البحث عشان تلاقيها , احنا كأعضاء هنا ما دفعناش فلوس نظير الاشتراك او اشترطنا و احنا داخلين ان مشرف المنتدى يخدمنا

صح ولا ايه ؟
:)

[mmelg]

ارجوا ان تحترس

نصيحة مهمة

اخي العزيز ابعد عن الانوس لو عايز حد خبير لية بقي انا هشرحللك انا حاليا بجدة بالسعودية هنا حقيقة العربيات بتظهر لان الحر بيموت العربية والعربية المعمرة هي الهيونداي احسن من الدايو بكتيرررررررررر
بس هيونداي كوري اللي هي اكسنت لان مفيش عربية اسمها فيرنا غير في مصر وانا سقت هنا الاكسنت اللي تسمي الفيرنا في مصر بصراحة غير بتاعت مصر عربية ثابتة ومحترمة وجميلة
انما كل السيارات الدايو بانواعها والافيو مش محبوبة بالسعودية الاوبترا محبوبة شوية فالوممكن تدور علي فيرنا خليجي او الكوري مش التجميع بس تكون حالة حلوة انت الكسبان واتمني اكون افدتك

[romeo_6887]

نصيحة مهمة

اخي العزيز ابعد عن الانوس لو عايز حد خبير لية بقي انا هشرحللك انا حاليا بجدة بالسعودية هنا حقيقة العربيات بتظهر لان الحر بيموت العربية والعربية المعمرة هي الهيونداي احسن من الدايو بكتيرررررررررر
بس هيونداي كوري اللي هي اكسنت لان مفيش عربية اسمها فيرنا غير في مصر وانا سقت هنا الاكسنت اللي تسمي الفيرنا في مصر بصراحة غير بتاعت مصر عربية ثابتة ومحترمة وجميلة
انما كل السيارات الدايو بانواعها والافيو مش محبوبة بالسعودية الاوبترا محبوبة شوية فالوممكن تدور علي فيرنا خليجي او الكوري مش التجميع بس تكون حالة حلوة انت الكسبان واتمني اكون افدتك

+9999999999999999999999999999999999999