إعـــــــلان

Collapse

.

,
See more
See less

إلى الخبراء بيجو 405 رؤا ولا شاهين

Collapse
X
 
  • Filter
  • الوقت
  • Show
Clear All
new posts

  • إلى الخبراء بيجو 405 رؤا ولا شاهين

    أولا المنتدى ممتاز و الأعضاء كمان
    المهم انا بفكر اجيب سيارة جدبدة لان عندي فيت 132 مطلعة عيني و محتار بين بيجو 405 رؤا و الشاهين رغم فارق السعر طبعا
    ياريت الخبراء يوضحو مقارنة المواصفات الفنية و المساحة و خلافه مع قطع الغيار و تجارب الأستخدام كمان أيهم أفضل من حيث البيع بعد الأستخدام بحيث الواحد لما يفكر يغير مايخسر كتيير.
    أو تنصحو بأي سيارة تاني ما تزيد عن 75000 جنيه مصري
    وتحياتي

  • #2
    طبعا بيجو 405

    من البديهي البيجو تكسب علشان المقارنه مش مناسبه ,
    بالنسبه للشاهين :-
    المزايا :-
    1- اقتصاديه في استهلاك البنزين .
    2- اقتصاديه في قطع الغيار .
    3- سهل اعادة بيعها بشرط الحفاظ علي الحاله .
    4- سهلة الصيانه .
    العيوب :-
    1- مقارنة بالبيجو 405 تعتبر الشاهين سياره شعبيه .
    2- غير عائليه لانها ديقه من الكنبه الخلفيه .
    3- اعطالها كتير لما تفتح .
    4- معامل الثبات غير متوفر تماما ( الاتزان علي السرعات العليه ).
    بالنسبه للبيجو 405 بصفة عامه باختصار عربيه مالهاش حل وفوق النقد ( من وجهة نظري )
    [url]http://www.shbab1.com/2minutes.htm[/url]

    Comment


    • #3
      اشكرك على النصيحة

      اشكرك جدا على النصيحة بس 405 رؤا مكتب هنا عنها في المنتدى أن جزء كبير منها إيراني هل ده يعمل فرق عن الفرنسي
      تحياتي

      Comment


      • #4
        اشكرك جدا على النصيحة بس 405 رؤا مكتب هنا عنها في المنتدى أن جزء كبير منها إيراني هل ده يعمل فرق عن الفرنسي
        تحياتي
        فعلا عشان كده انا عايز اروح اشوفها بنفسي
        اتأكد اذا كان الموتور بيجو فعلا ولا لا
        [CENTER]الحرية[/CENTER]
        [CENTER]الحرية تنبع من الاختلاف[/CENTER]
        [CENTER]و عدم اعترافي بالاخر لا يعني بانه غير موجود[/CENTER]
        [CENTER]انا انت الاخر كلنا احياء في مكان واحد[/CENTER]
        [CENTER]الحرية[/CENTER]
        [CENTER]فلا يوجد الصواب المطلق ولا الخطأ المطلق[/CENTER]
        [CENTER]-------------------[/CENTER]
        [CENTER][EMAIL="only_ahmed101@hotmail.com"]only_ahmed101@live.com[/EMAIL][/CENTER]
        [CENTER]Just Add Me[/CENTER]
        [CENTER]:cool:[/CENTER]

        Comment


        • #5
          العربية الروا شهدت مناقشات كتير جدا على المنتدى هنا وفيه اختلافات كتير جدا عليها ، لكن فى النهاية تبقى بعض الحقائق الهامة:

          الروا لا علاقة لها بال 405 القديمة سوى فى الشكل الخارجى وشكل الصالو، اما ميكانيكيا فهى مختلفة تماما وبالتالى لا تعتمد على وجود ال405 القديمة فى السوق وتتوقع ان وجودها سيدعم وجود الروا من حيث قطع الغيار وسعر اعادة البيع، لا علاقة لهذة بتلك والعلاقة بينهاما هى نفس علاقة الشاهين بالريجاتا، تشابه الشكل الخارجى فقط واختلاف الميكانيكا بشكل كلى وجزئى، ولو حضرتك راجعت موقع الشركة المنتجة فى إيران هتلاحظ فروق ادائية كثيرة بين البيجو 405 التقليدية والبيجو 405 روا

          صفحة البيجو 405 التقليدية



          صفحة البيجو RD التى تباع فى مصر باسم ROI



          (ياترى خدت بالك من القدرة الحصانية لمحرك البيجو RD ال 1600، 66 حصان فقط، وده راجع بشكل اساسى الى انخفاض رقم نسبة الإنضغاط compresion ratio ، ونفس الكلام ينطبق على اقصى عزم ، 110 نيوتن متر ، على فكرة هذة الأرقام اقل من ارقام محرك الشاهين 1400، واقل كثيرا جدا من ارقام محرك الشاهين 1600

          برضه ممكن تبص على الصفحتين دول

          صفحة معاملات اداء محرك الشاهين 1400 (دى صفحة المحرك1400 الإنجكشن الموجود حاليا، الروابط الأخرى فى الصفحة لمحركات قديمة) 82 حصان و 113 نيوتن متر
          This website is for sale! new-car-model.com is your first and best source for all of the information you’re looking for. From general topics to more of what you would expect to find here, new-car-model.com has it all. We hope you find what you are searching for!


          صفحة معاملات اداء محرك الشاهين 1600 (دى صفحة المحرك1600 الإنجكشن الموجود حاليا، الروابط الأخرى فى الصفحة لمحركات قديمة)96 حصان و 132 نيوتن متر
          This website is for sale! new-car-model.com is your first and best source for all of the information you’re looking for. From general topics to more of what you would expect to find here, new-car-model.com has it all. We hope you find what you are searching for!






          الروا مستقبلها لا يزال غير واضح فى مصر خصوصا ان مبيعاتها، وان كانت لا بأس بها، لكنها لم تحقق انتشار يضمن لها مستقبل آمن

          انا بالمناسبه لا اعيب فى الروا ولست ضدها ، لكن انا فقط احب ان تأخد حجمها الحقيقى، فهى ليست صفقة تدفع فيها 75 ألف جنيه وتحصل على سيارة قيمتها 120 الف جنيه، هى صفقة تدفع فيها 75 ألف جنيه وتحصل على سيارة تعادل هذة القيمة لا اكثر

          وبالتالى فانا ارى ميزة الروا امام الشاهين هى منظرك امام الجيران والأقارب انك راكب 405، لكن الواقع والأرقام تقول ان العربية شبيهة ال405 التى تباع فى مصر اقل ادائيا من الشاهين

          فعلى ذلل لو هامك المنظر العام يبقى الروا، لو بتدور على الحل العملى تبقى الشاهين


          انا شخصيا لا هشترى دى ولا دى لكن هشترى فيرنا 1600 اوتوماتيك ب 73 ألف جنيه
          [SIZE=5][COLOR=navy]سبعاوى[/COLOR][/SIZE]
          _______________________________________________

          Comment


          • #6
            أولا نشكر المهندس أحمد و ياريت تروح لو أمكن
            اما بالنسبة للمخضرم المحترف الأخ سبعاوي فإنك مشاء الله زي ما بيقولوا جبت من الأخر بس
            انا شخصيا لا هشترى دى ولا دى لكن هشترى فيرنا 1600 اوتوماتيك ب 73 ألف جنيه
            مش عارف ليه انا مش ظبطة معيا الفيرنا هل ممكن حل تاني في حدود السعر ده و بالمناسبة الرؤا كنت مختارها عشان المساحة الداخلية أوسع شوية او ده إعتقادي خاصة في حالة وجود عائلة
            عموما مشكورين كتييييييييير على الردود و تحياتي

            Comment


            • #7
              سبب اختيارى للفيرنا ان انا شايف ان هى الحل العملى فى الوقت الحالى لسؤال السيارة الأقتصادية

              لأن سيارات الدفع الخلفى حاليا تختفى تدريجيا من الساحة-برغم قوة ادائها-لكن قلة الموجود منها يضيق الخناق على مالكها فى مناورات ايجاد قطع الغيار لاحقا

              فعلى سبيل المثال : الشاهين حاليا لما بتبوظ الكورونا بتاعتها يمكن تركيب كورونا شاهين او 131 او 132 او حتى فولفو عليها مع بعض التعديلات، لكن بعد كام سنة مش هتلاقيلها كورونا استيراد خصوصا لو توقفت تركيا عن انتاجها

              يعنى انت بنفسك قلت ان ال132 مطلعة عينك، وده سببه الأساسى ان مثيلاتهات بقت قليلة فى السوق وبالتالى قطع الغيار مزعجة جدا وغاليه جدا

              لكن اللى معاه 128 موديل 71 مشدودة كويس زيه زى اللى راكب عربية عمرها 5 او 6 سنوات لأن نظامها نفس نظام معظم العربيات الموجودة وقطع غيارها فى منتهى السهولة

              الفيرنا ميزتها ان نظامها كله ميتسوبيشى، زيها زى الميتسوبيشى والبروتون وتلات تربع العربيات الصينى الموجودة فى مصر، ده بالإضافة الى ان قطع غيار هيونداى نفسها مظروطة فى السوق، يعنى دعم لا نهائى لقطع الغيار والصيانة

              البديل التانى المعقول هو الأفيو، والأفيو جنرال موتورز، يعنى من عيلة اللانوس والكورسا وبرضه الدعم المستقبلى لقطع غيارها غير مقلق

              انا ركبت الشاهين وحبيتها وعشقتها وخدت منى راقات، بس حاليا انا شايف ان شمسها فى مرحلة الغروب، اما الروا فاصلا شمسها مغيمة متعرفلهاش شروق من غروب،

              لكن النجوم الساطعة فى سوقنا حاليا هى نجوم ميتسوبيشى واتباعها الكوريون والماليزيون والصينيون، ونجم تويوتا واتباعها، ونجم جنرال موتورز والى حد ما نيسان ، ولذلك فأنا افضل عند الشراء فى الوقت الحالى ان احصل على منتجات اى مدرسة من هذة المدارس كنوع من انواع تأمين المستقبل، الذى هو فى النهاية بيد الله، لكننا نحاول الأخذ بالأسباب
              [SIZE=5][COLOR=navy]سبعاوى[/COLOR][/SIZE]
              _______________________________________________

              Comment


              • #8
                مش عارف أقول إيه بصراحة يا أستاذ سبعاوي
                بس بصراحة مشكوووور جدا عشان الواحد هيعيد حساباته من الأول تاني و المثل بيقول لا خاب من استشار مشكور تاني على المشورة
                في نقطة غاية في الاهمية
                سيارات الدفع الخلفى حاليا تختفى تدريجيا من الساحة-برغم قوة ادائها-لكن قلة الموجود منها يضيق الخناق على مالكها فى مناورات ايجاد قطع الغيار لاحقا
                انا ركبت جلنت و هي من عائلة المتسوبيشي فإديتني فكرة سيئة عن الجر الامامي على كبالن و لما تبوظ تدي صوت تكتة مزعجة إيه رأيك
                انا بفضل الجر الخلفي خاصة ان دوراناتي (عملية الإنعطاف في المنحنيات) بتكون خشنة شوية و بشد الدركسيون على الأخر ولا الكلام ده ملوش علاقة بنظام الجر

                خالص تحياتي

                Comment


                • #9
                  شكرا اخ سبعاوى بس ممكن اسأل سؤال انا عاوز المخطط بتاع الرؤا 405 الايرانى احصل عليه ازاى

                  Comment

                  Working...
                  X