السيراتو ولا الابترا

[salehgharib]

أنهو أحسن من حيث السعر والجوده وسعر إعادة البيع وقطع الغيار ومركز الخدمة

[Mshawky]

اوبترا مين والناس نايمين

[mameen]

هي وجهات نظر
انا رايي السيراتو بس خد بالك في فرق كبير في السعر

[Atrees]

طيب ازاي ؟؟؟؟؟؟

دول مختلفين تماما في كل حاجة

[salehgharib]

طيب ازاي ؟؟؟؟؟؟

دول مختلفين تماما في كل حاجة

فرق السعر يستاهل

كورى مع كورى
1600
عائلية
كماليات كثيرة مشتركة

[smartman]

انا ح اقولك على رأى بكل صراحة و اتمنى محدش يزعل ...انا بأرشح الأوبترا للآسباب التالية :-
1- اقل فى السعر بحوالى 16000 جنيه مبلغ باردوا مش قليل على الرغم ان الأثنين كورى
2- عفشة الأوبترا افضل بكتير عن تجربة
3- فيه حاجات متساويين فيها زى تقريبا الوسع الداخلى و الشنطة كمان اعادة البيع العربيتين متساويين و توافر قطع الغيار
يعنى انا فى رأى الأوبترا افضل و أوفر مبلغ 16000 جنيه

[romeo_6887]

لو منصور بقي معاه توكيل مرسيدس و بقي بيوزع عربيات مرسيدس ببلاش مش هاخد منه حاجه فاتمني ان الرساله تكون وصلت

[ALSHARIEF]

السلام عليكم و رحمة الله و بركاته .............

والله يا جماعة المسألة إختلاف أذواق و فنفس الوقت الموضوع متوقف على حاجات كتيرة زى :
1 - السعر اللى حضرتك ناوى تدفعه فى عربيتك ( فى ناس شايفة إن الأوبترا سعرها مناسب جدا و فيها إمكانيات حلوة سواء كانت الأوتوماتيك أو المانيوال ) و على فكرة واحد صاحبى معاه العربية دى بيشكر فيها جدا و بيقول إن العربية ده لو مع واحد فاهمها و فاهم إمكانيتها هينبسط بيها جدا و هتريحه أوى ........... وبعدين كفاية ياأخى إن منى زكى و أحمد حلمى عندهم العربية و مش بس كده دا ممكن يخسروا بعض و يضحوا بحب سنين كتير علشان خاطر عيون منصور و الأوب.....ترا . ( و على فكرة أعتقد إن أفضل شخص ممكن ترجعله فى موضوع الأوبترا هو البرنس الأستاذ الجميل : حسام باشا الأوبتراوى برنس الأوبترا )

2 - نيجى بقى للساحرة مالكة قلبى السيراتو و بجد مفيش و قت علشان قاعد أتغزل فيها و أوصفهالك بس بجد مهما قلت لحضرتك مش هأقدر أوصف زى الوصف اللى و صفوه أساتذتى و أحبائى السيراتووية اللى بجد أنا أتعلمت منهم و مازلت بتعلم و ربنا يا رب ما يحرمنيش منهم و لا من خبراتهم و بجد عربية من الأخر جامدة جدا و .............. من الأخر .

أسف على الأطالة و ربنا يوفقك لما فيه الخير و الرشاد لك .

[alzwawy]

ياباشا انت بتقارن عربيتين مينفعش يتقارنو اصلا مع بعض ايه الي جاب السيراتو للاوبترا
بص لو انت بتقارن ف اكيد السيراتو هتكسب من الاخر لو معاك حق السيراتو هاتها وانت مغمض

[PoweRPassioN]

لو منصور بقي معاه توكيل مرسيدس و بقي بيوزع عربيات مرسيدس ببلاش مش هاخد منه حاجه فاتمني ان الرساله تكون وصلت

لو ببلاش ومرسيدس هات لي 3

[yoko]

لو منصور بقي معاه توكيل مرسيدس و بقي بيوزع عربيات مرسيدس ببلاش مش هاخد منه حاجه فاتمني ان الرساله تكون وصلت

معااااااااااااااااااااااااااااااااك ١٠٠٪
أصلي ياما شوفت من منصور

[just_magdy1]

مع انى شايف انها مقارنة غريبة بس الطبيعى لو فرق السعر مش مهم اكيد سيراتو

[M7amD_7amDy]

طب قول سيراتو ولا ألنترا :)

بص ياباشا

المفيد , الأوبترا تعتبر خلاص بقت قديمة وخدت وقتها مع العلم انها عربية كويسة بس فى الأحسن منها وانا شايف السيراتو تكسب بجدارة

من الأخر أنزل وجرب الأتنين واللى تعجبك أتوكل على الله :)

[MOK3336]

و الله يا جماعة حكاية فرق السعر دي صاحب الموضوع هو ايلي يقررها عشان هو ايلي هيدفع
بس أكيد طبعا السيراتو شكلها أفخم بكتير من الأوبترا و ياسلام لو لونها أسود
ما علينا
انا كنت في نفس حيرتك دي و كنت محتار بين اللوجان و الأوبترا و أخيرا الحمد لله دفعت مقدم نيسان صنى
يعني لو أنت محتار بين الأوبترا و السيراتو و مش فارق معاك فرق السعر يبقي طبعا خليك في السيراتو
لكن لو فارق معاك فرق السعر ده
أرشحلك النيسان الصني 84000 أو 86500 بالأي بي أس
أو تدفع ثمن السيراتو في السوبر صالون

وياريت يا جماعة محدش يزعل من الكلام ايلي انا هقوله ده
أنا كنت و الله خلاص هدفع الفلوس في الأوبترا بس لقيت ان صجها ضعيف بطريقه غبية
يعنى جرب كده اضغط بإيدك علي الكبوت أو الرفارف هتلاقيها ضعيف جدا و بعدين كلها أخر السنادى و مش هيبقي في أوبترا خلاص
فأنا رأيى بلاش الأوبترا
غير كده العربية ماشاءالله
و فكر في النيسان صني وربنا يوفقك

[ramy01011]

اختار اية من العربيات دي

انا معايا في حدود 75 الف و عايز اشتري بيهم عربية ومحتار بين اكتر من نوع ممكن تساعدوني في الاختيار و جزاكم الله خيرا
1- شيفورلية اوبترا صالون واسع و عفشة محترمة
2- يارس اوتو عزمها قوي و مجربها
3- ماتريكس كبيرة من جوة
4- لانسر 1300 مانيوال علشان عزمها اقوي من الاوتو بس بحس انها عربية فقيرة من جوه هو فيه منها موديلات 2007 او 2008 بتنزل هاف اسبورت ؟
5- لانسر 1600 اوتو بس خايف من البنزين بتاعها
العربية عايزها تكون موديل 2006 او 2007 و عايزها تكون قطع غيار رخيصة و استهلاك بنزين جيد و طبعا سهولة صيانة عايز عربية لو عطلت بيا اي ميكانيكي يعرف يصلحها
طولت عليكوا بس يا ريت تساعدوني في حيرتي