طلب النصيحة

[koko1512]

ارجو من اخواتى اهل الخبرة فى نايل موتورز توجية النصيحة انا محتار قوى فى الاختيار
قدامى 5 عربيات كل واحدة نوع ومش عارف اختار فان امكن ياريت المساعدة فى الاختيار اكون شاكر جدا وعلى فكرة العربيات دى كلها بسعر واحد تقريبا 25 الى25.5 ودول اللى معايا
1- شاريد سيدان 92 كاملة مانيوال
2-سكودا فيلشيا 96 فاضية
3- سوزكى سويفت 95 كاملة مانيوال
4- رينو رينبو 2000 كاملة مانيوال
5- فورد فيستا 97 كاملة مانيوال
ياريت تفيدونى بخبراتكم اكون شاكر ليكم جدا

[SAMEH_FOUAD]

شاريد وفورد فيستا ورينو قطع غيار نار وفيها حاجات نادرة
السوزوكى سويفت قطع غيار رخيصة سيارة كويسة بس مش واسعة خالص وقطع غيارها غير معمرة
فليشيا كويسة بس بدون اى كماليات

ارجحلك تويوتا كورولا 1990 بتعمل فى حدود 26-28
هيونداى اكسيل من 25 الى 30 الف بالماتور 1500

[د.محمود صلاح]

أرجح السويفت والفليشيا , الأفضل انتشاراً وكقطع غيار

[romeo_6887]

شاريد سيدان 92 كاملة مانيوال

قطع غيارها مش متوافره و اسمع انها غاليه

سكودا فيلشيا 96 فاضية

بتسخن جامد في الصيف و دي حاجه معروفه عن العربيه دي

سوزكى سويفت 95 كاملة مانيوال

هي الاختيار الافضل بس لو عرفت تلاقي حاجه نضيفه تبقي محظوظ

رينو رينبو 2000 كاملة مانيوال
فورد فيستا 97 كاملة مانيوال

الاتنين دول قطع غيارهم خلاص تقريبا بطلت و كمان غاليه و في حاجات مش موجوده

[koko1512]

مشكورين ياجماعة

شكرا على الاهتمام وسرعة الرد وربنا يخليكو لينا شباب

[kempel]

حكاية ان الفورد فيستا قطع غيارها مش موجودة الكلام ده مش صحيح قطع غيارها متوفرة استيراد وجديد والرينو الاوبتيما الرينبو قطع غيارها امتداد للرينو 9بالنسبة للشارريد مارشحهاش عربية ناعمة بس ضعيفة ودائما علب الشاسيه بتاعها أغلبها بيبقى فيها شروخ والكلام ده عن تجربة لأنى كنت بأدور على واحدة الفليشيا عربية ممتازة مابتسخنشى الا لوكان فيها حاجة بايظة وده طبيعى بس خشنة فى سواقتها شوية السوزوكى عربية ممتازة بس لو نظيفة يعنى حالة متميزة بالنسبة للأختيارات كمتعة قيادة
فورد فيستا
الرينبو
سوزوكى
فليشيا
الحقيقة الشاريد ماسقتهاش فما أقدرشى أحكم عليها

[ahmedelshahawy]

السويفت ناعمة و حجمها صغير يعنى بتسلك فى الزحمة و كفاية انها يابانى و قطع غيارها متوفرة

[abdoelkot]

انا افيدك فى الرينبو لانها قعدت معايا 10 سنين العربيه عمليه جدا قطع غيارها معمره لأبعد ما تتخيل ورخيصه جدا ومتوفره جديد واستيراد وسعرها مناسب يعنى انضف عربيه منها مش هتزيد عن 31 الف لما يبقى تكيفها تلاجه وماتورها ناعم

[mohammed3973]

الفيستاااااااااااااااااااااااااااااااااااااااااااا اااااااااااا
اقسم بالله عن تجربه ممتعه جدااااااااااااااااااا
وقطع غيارها بالمقارنه بالعربيات الكامله بنفس
الركوبه التحفه دى ببلاش ومعمره جدا