بطه ولا لانوس ولا اكسنت

[classboy]

السلام عليكم ورحمه الله وبركاته

انا دلوقتي الاختيار بالنسبه ليا علي 3 عربيات لانوس وناس كتسر قالولي ان عيبها في العفشه ومش ثابته ومش عمليه وضعيفه وابعد عنها ده كلام الصنايعيه مع اني انا مقتنع بيها جدا

العربيه التانيه البطه : وده لاني معيش تمن الكرستاله قالةلي دي أحسن من الانوس بكتير وثابته وياباني وعربيه قويه

والعربيه التالته هيه الاكسنت : وقالولي أحسن من الانوس

ده كلام الصنايعيه مش عارف بيقولو كده عن الانوس ليه مع اني شايف انها منتشره وكويسه فياريت تفدني ياباشا

اياريت الي يرشحلي يكون جرب العربيتين أو ذو خبره لأني هاخد بكلامكوا

وياريت يوضح اسباب الاختيار وكمان عيوب العربيه الي تم ترشيحها وشكرا

[Terrible_DaRsH]

لو البطة حالتها نظيفة توكل على الله .

لكن لو ملاقتش حالة نظيفة يبقي هات لانوس لانها هتكون موديل احدث ..

[M.almaghraby]

حاول تزود شوية و تجيب كريستالة...

او بروتون ويرا موديل حديث هيا هيا البطة بالظبط

[yahiahelaly]

بطها موديل اديم يا اكسنت 1500
يا لانوس وسيبك من الفتي العربيات شغااااااااله زي الفل وصيانتها وقطع غيارها مرميين

[MaZaGAngeE]

لو البطة حالتها نظيفة توكل على الله .

لكن لو ملاقتش حالة نظيفة يبقي هات لانوس لانها هتكون موديل احدث ..

11111111111111111

[romeo_6887]

هي فعلا اللانوس عفشتها زفت ( معايا لانوس هاتش باك ) و الاكسنت برقبتها في رأيي

[د.محمود صلاح]

أي واحده فيهم حالتها حلوة توكل على الله واشتريها

[faron525]

الانوس طبعا اشيك و صالونها واسع واعتقد انها قوية وحمالة اسية

[تامر.محمد]

السلام عليكم ورحمه الله وبركاته

انا دلوقتي الاختيار بالنسبه ليا علي 3 عربيات لانوس وناس كتسر قالولي ان عيبها في العفشه ومش ثابته ومش عمليه وضعيفه وابعد عنها ده كلام الصنايعيه مع اني انا مقتنع بيها جدا

نعم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اعذرني بس الصنايعي اللي قال لك كده - ايا كانت العربية اللي هاتجيبها - ما تتعاملش معاه لأنه مش فاهم حاجة
ابسط دليل , انا راكب اقدم موديل في اللانوس , و مش عايز اقول لك انا اكتر من مرة يجي لي واحد عايز يشتري العربية و انا واقف في محطة بنزين بامون
و يا سلام بقى لو عديت بس من اي حتة قرب سوق العاشر يوم الجمعة

بص يا باشا , عيب اللانوس الأساسي , فرامل ضعيفة ( لكن لو انت من اللي بيمشوا بعقل مش هاتفرق معاك اصلا , هي بتفرق بس مع اللي بيلزق لزق في العربية اللي قدامه ) , و طرمبة البنزين لو بتسيب خزانك يفضى كتير بتبوظ , و تسارعها اقل من عربية زي الفيرنا

اما بالنسبة للثبات , خش قسم الدايو و اسأل , هي مش سيراتو , بس انا عربيتي كتير اوي باجري بيها على 140 و مش باحس خالص انها بتطير ولا بترجرج

و مش فاهم بصراحة ضعيفة من ناحية ايه , موتور ولا صاج ولا ايه

اللي يقول لك غير كده يبقى العيب يا في عربيته يا في الميكانيكي بتاعه ( و انا جربت عك الميكانيكية في أول ما جبت العربية بالذات ) , يا اما يبقى بيجيب قطع غيار صيني , و طبيعي يبقى اداء عربيته مش قد كده

انما مش اعتمادية , ده كلام مش مظبوط , و تعال نشوف كام مرة شفت عربية لانوس عطلانة على الطريق , انا عربيتي بقى لها سنة و نص معايا , عطلت بيا مرتين بالعدد , مرة كان فيه مشكلة في ماستر الدبرياج و انا اهملتها فترة , فطبعا الدبرياج قفش , و مرة طرمبة البنزين ضربت , و طلع المالك السابق كان جايب لها طرمبة صيني ب150 جنيه

على فكرة , انا لما جيت اشتري عربية من سنة و نص , عملت نفس المقارنة دي , و رسيت على اللانوس , و مش ندمان

[classboy]

[quote=د.محمود صلاح;3872575745]أي واحده فيهم حالتها حلوة توكل على الله واشتريها
[/quote

هههههههههههههههههههه علي فكره الرقم الي انته عاملو في التوقيع ده رقم عربيتي

شـكرا علي ردك

[classboy]

نعم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اعذرني بس الصنايعي اللي قال لك كده - ايا كانت العربية اللي هاتجيبها - ما تتعاملش معاه لأنه مش فاهم حاجة
ابسط دليل , انا راكب اقدم موديل في اللانوس , و مش عايز اقول لك انا اكتر من مرة يجي لي واحد عايز يشتري العربية و انا واقف في محطة بنزين بامون
و يا سلام بقى لو عديت بس من اي حتة قرب سوق العاشر يوم الجمعة

بص يا باشا , عيب اللانوس الأساسي , فرامل ضعيفة ( لكن لو انت من اللي بيمشوا بعقل مش هاتفرق معاك اصلا , هي بتفرق بس مع اللي بيلزق لزق في العربية اللي قدامه ) , و طرمبة البنزين لو بتسيب خزانك يفضى كتير بتبوظ , و تسارعها اقل من عربية زي الفيرنا

اما بالنسبة للثبات , خش قسم الدايو و اسأل , هي مش سيراتو , بس انا عربيتي كتير اوي باجري بيها على 140 و مش باحس خالص انها بتطير ولا بترجرج

و مش فاهم بصراحة ضعيفة من ناحية ايه , موتور ولا صاج ولا ايه

اللي يقول لك غير كده يبقى العيب يا في عربيته يا في الميكانيكي بتاعه ( و انا جربت عك الميكانيكية في أول ما جبت العربية بالذات ) , يا اما يبقى بيجيب قطع غيار صيني , و طبيعي يبقى اداء عربيته مش قد كده

انما مش اعتمادية , ده كلام مش مظبوط , و تعال نشوف كام مرة شفت عربية لانوس عطلانة على الطريق , انا عربيتي بقى لها سنة و نص معايا , عطلت بيا مرتين بالعدد , مرة كان فيه مشكلة في ماستر الدبرياج و انا اهملتها فترة , فطبعا الدبرياج قفش , و مرة طرمبة البنزين ضربت , و طلع المالك السابق كان جايب لها طرمبة صيني ب150 جنيه

على فكرة , انا لما جيت اشتري عربية من سنة و نص , عملت نفس المقارنة دي , و رسيت على اللانوس , و مش ندمان

شكرا ياباشا علي ردك

أنا بردو شايف كده بس الناس ما بتقولش كده مش عارف ليه

[تامر.محمد]

انا عن نفسي باكلمك من واقع تجربتي , و هاحكي لك الاجمالي

و الله يا باشا انا مش هافتي لك في العربيتين التانيين , خصوصا البطة لأني ما اعرفش عنها حاجة خالص , بس انا عارف العربية اللي انا راكبها , و بصفة عامة , المشكلة الأساسية في اي عربية مستعملة , انك تختارها كويس , انا و انا باجيب عربيتي كان معايا واحد شاف اساسياتها و قال زي الفل , لكنه ما كانش فاهم ميكانيكا و ما عرفش ان المالك السابق ما كانش بيعمل صيانة للعربية كويس , و كمان لما اضفنا ده لأني ما كنتش اعرف ميكانيكية فرحت لأي حد و طبعا فتوا لي في العربية لما شبعوا لحد ما رسيت مؤخرا , و لو اضفنا كمان ان دي اول عربية ليا و انا ما كنتش فاهم حاجة خالص فعكيت شوية في الصيانة بالذات , كانت النتيجة ان العربية بهدلتني شوية في الاول , و برده قلت لنفسي العربية وحشة , و بعدين اكتشفت ان الميكانيكي هو اللي اي كلام , بعدين بقى العربية استقرت و بقى ادائها كويس الحمد لله و مشاكلها قليلة جدا

الخلاصة ان المعادلة
1- لو مش منشن على موديل معين يبقى الفيصل حالة العربية

2- يوم ما تنوي على عربية , خد معاك ميكانيكي و سمكري ثقة , لو ما تعرفش حد ادخل القسم بتاع الماركة اللي انت ناوي عليها و هايدلوك اكيد على ميكانيكي و سمكري كويسين , و لازم يدققوا كويس و يشوفوا العربية دي بالتقريب هاتعوز تصرف عليها قد ايه , فيه نصيحة نصحهاني واحد معرفة و انا ما عملتش بيها , قال لي لما تيجي تشتري , زود كام الف و هات نفس العربية موديل احدث لو تقدر, هو ما قاليش ليه , بس انا فهمت , كل ما الموديل كان احدث كل ما قطع العربية هاتكون لسه ما خلصتش عمرها الافتراضي و حالتها احسن , و العربية القديمة لو مش متصانة كويس هاتصرف الكام ألف دول في صيانة العربية

3- مواظبة على الصيانة و اي اصلاحات للعربية تبقى بقطع غيار اصلي مش مضروبة

[Eng.Geo]

في حالة تساوي الحالة :
1 بطة
2 لانوس
3 اكسينت
في حالة اختلاف الحالة :
يبقي تختار افضل حالة مع اعتبار الترتيب السابق

[Ahmed Galal]

1-لانسر بطة بس تكون كويسة بجد لو معدية كيلومترات كتييييير و شكيت فيها لحظة أنقل على 2 على طول
2-لانوس
3-أكسنت

و كله شغال و قطع غيار موجودة و عربيات عمالة تهرس ليل و نهار و الصيانة الدورية تفوق أى عربية و أهمالها يموت أجدع عربية