جيتا ولا بى ام ؟

[horas3000]

انا متفق مع الاغلبية (الي الان) ان الجيتا p3 و بالامكانيات دي تعتبر احسن من البي ام. بس كنت عايز استفسر عن حاجة هي ال 316 تجميع مصري و لا الماني.
و شخصيا شايف ان ال 316 بتدي قيمة اقل من سعرها لانك من الاخر بتشتري الاسم. و علي المدي الطويل الجيتا هتقف ارخص عشان تكاليف الصيانة و قطع الغيار

[ghazy12]

يا جماعه ده الألمان نفسهم عندهم ثوابت و ده من كلام الألمان مش كلامي و هي....

المرسيدس: سياره تديك قد ما تدفع فيها و ممكن اكتر

بي ام دبليو: سياره تديك اقل من اللي هتدفعوا فيها..!!!

الفولكس فاجن: سياره تديلك قد ما بتدفع فيها او اكتر

يعني الألمان نفسهم شايفين ان البي ام عموما اللي احنا طالعين بيها سابع سما عربيه عاديه جداا
و المرسيدس (طبعاً) افضل منها جوده و أداء, و الفولكس بردو افضل جوده و أداء و خصوصاً
بعد الموتور الـtsi و الجير بوكس الـdsg, و اللي هما افضل ما صنعت فولكس و واخدين
برائة اختراع, لأنهم فعلا من أفضل الاختراعات في عالم السيارات و بشهادة كل الخبراء...

أنا مش بقول ان البي ام عربيه وحشه, لكن بالمقارنه مع منافسيها, في رأي هي الأقل
في موديلات كتيير...

لكن خلينا نتفق ان الترتيب دائما هيكون بدايته (مرسيدس) و هنختلف على الثاني و الثالث
على حسب السياره و الفئه و التجهيزات في بلدنا...

احنا شايفين ايه بقى..!!! و هل معقول وجهة نظرنا عكس دي..!!!!

[3ateef]

يا استاذ غازى متتعبش نفسك...
هوكابوكا ده عامل نفس الموضوع عن تويوتا وتقريبا نفس الكلام..
والله اعلم ايه غرضه من كده...

[zico900]

كمان في تويوتا؟! عايز الناس تحرق دمها و خلاص! ال هو معا عربيه اه بقا علشان يحكم الجيتا تعبانه ولا لا؟

[EgyptianTune]

بالنسبة لى ومجرب كل الألمانى ما عدا المرسيدس ( عواجيزى ) وموديلات حديثة فوق بالترتيب :

أودى أحسنهم على الإطلاق (باشاواتى ومش أى حد يقدرها)
فولكس فاجن
بي إم

وديه وجهات نظر ودايماً بأختار العربية اللى أحب أسوقها مش اللى الناس اللى دايما تقول إركب العلامة ، علامة إية ما أنا جربت البى ام 320 2009 واللهى بعتها بعد 2500 كم وما عجبتنيش

[yasserelsayad]

انت مش عاجبك الدفع الخلفي لو تعرف ان افضل السيارات في العام دفع خلفي مرسيدس بي ام فولفو جاجوار رولز رويس فورد موستانج دودج تشا رنجر لان تكلفته عاليه جدا ونسيبه الثبات والامان في الدفع الخلفي اعلي من الا مامي لانه بيو زع الحمل علي الربع عجلات 25 بل المائه المامي توصل النسبه 65 امامي و 35 خلفي الكلام ده للي يعرف يقدر يعني عربيه دفع خلفي او رباعي ما ينفعش تقارن ال بي ام بل الفو لكس اانما انت لو مش مقدر حاجه زي دي وتعرف قيمتها برا حتك

لو انت مش واخد بالك انا عندى بى ام وعارف يعنى ايه دفع خلفى كويس :)
بس انت اكيد ممكن تضحى بالدفع الخلفى اللى هو مش امن من الامامى ولا حاجة هو اكثر متعة بس مش اكتر الكلام اى انت بتقوله دا على الدفع الرباعى اللى مش فى الـ 316

بس انا فى رائى باردوا انت الجيتا ثابتة جدا ومع كمالياتها والرفاهية اللى فيها تتفوق على الـ 316 بمراحل و ياريت متعممش الموضوع و تدخل كل العربيات الخلفى والامامى فيه لان احنا بتقارن عربية بعربية تانية كمجمل مش حتة حتة

[yasserelsayad]

انا متفق مع الاغلبية (الي الان) ان الجيتا p3 و بالامكانيات دي تعتبر احسن من البي ام. بس كنت عايز استفسر عن حاجة هي ال 316 تجميع مصري و لا الماني.
و شخصيا شايف ان ال 316 بتدي قيمة اقل من سعرها لانك من الاخر بتشتري الاسم. و علي المدي الطويل الجيتا هتقف ارخص عشان تكاليف الصيانة و قطع الغيار

الـ 316 المانى

[hugan]

لو انت مش واخد بالك انا عندى بى ام وعارف يعنى ايه دفع خلفى كويس :)
بس انت اكيد ممكن تضحى بالدفع الخلفى اللى هو مش امن من الامامى ولا حاجة هو اكثر متعة بس مش اكتر الكلام اى انت بتقوله دا على الدفع الرباعى اللى مش فى الـ 316

بس انا فى رائى باردوا انت الجيتا ثابتة جدا ومع كمالياتها والرفاهية اللى فيها تتفوق على الـ 316 بمراحل و ياريت متعممش الموضوع و تدخل كل العربيات الخلفى والامامى فيه لان احنا بتقارن عربية بعربية تانية كمجمل مش حتة حتة

ماشي يا باشا افحمتني بردك العلمي

[hokaboka]

هو الموضوع بالنسبه ليك اسامي و علامه بس, ولا عربيه ككل, و كماليات, و رفاهيات و قبلهم الأداء!!!

الجيتا (التعبانه) دي... 1600 سي سي, 102 حصان, mpi, عزم 148 نيوتن.متر
البي ام (الجامده قوي).. 1600 سي سي, 115 حصان, و عزم 150 نيوتن.متر

حد شايف فرق في المواتير..!!!!!!! الاتنين واحد و مايغركش عدد الاحصنه الزياده..!!

خد عندك بقى الـp3 في الجيتا فيها ايه... و هقولك على الحاجات المميزه بس, مش كل حاجه كمان

1- 7 سرعات اوتوماتيك dsg
2- زينون
3- جنوط سبور
4- فتحة سقف
5- فرش جلد
6- cd-mp3 touch screen 510 ( و ده لوحده خراااافي )
7- مثبت سرعه
8- كمبيوتر سياره كامل مع عداد سرعه ديجيتال الى جانب العداد العادي
9- سينسور بارك امامي و خلفي (على شاشة السي دي)
10- 6 اير باج

البي ام فيها ايه من الكلام ده....!!!!!!! مانيوال, مثبت السرعه و جنوط و ممكن زينون و شكراا..!!

يبقى ازاااااااااااي البي ام 316 احسن من الجيتا اللي هي ارخص بـ 20 ألف جينه..!!!!!!

اجيب البي ام لييييييه أصلا..؟؟؟؟؟؟

مع احترامي لأراء الجميع, و للبي ام كبراند... البي ام ماتتركبش اقل من 320-330 و انت طالع

ده رأي الشخصي المتواضع بكل بساطه...

شكرا استاذ غازي علي الرد، بس معلومة البي ام 316 الجديد فيه كل الكماليات اللي فوق وكمان اتوماتيك ما عدا فتحة السقف والشاشة التاتش (موجود عداد ديجيتال جديد في التابلوه كمان) ولو جبيت طارة مالتي السعر بيزيد حوالي 10 الاف وطبعا فيه كار كيت حقيقي مش مجرد منظر زي اللي في الجيتا! ويزيد عن اللي حضرتك قلته نظام كامل للامان في الفرامل مع اي بي اس و4 انظمة امان اخري.

[hokaboka]

كمــــــــــــــــان......!!!!!!!!!!!!!!

طيب يا استاذ هوكابوكا....

قوللي بالله عليك في ايه في البي ام يخليك تقول على جيتا (تعبانه)..!!!!!!!!!!!!!

لو عجباك بشكل خاص كعربيه... طبعا دي حريه شخصيه, و اذواق...

لكن تقارنها بالجيتا, و كمان الجيتا هي اللي تعبانه..!!!! طيب ازاااااااااااي بس...!!!

استاذ غازي الجيتا عربية محترمة مفيش كلام والتعبان هنا زي ما وضحت في العنوان هو سياسة التسعير وزي ما وضحت الكماليات قريبة قوي.. انا واحد من الناس معاه غربية بفتحة سقف ومش بستعملها والكاسيت التاتش في رأي مش عشانه اقرر اشتري عربية.

[KHALED AYMAN]

شكرا استاذ غازي علي الرد، بس معلومة البي ام 316 الجديد فيه كل الكماليات اللي فوق وكمان اتوماتيك ما عدا فتحة السقف والشاشة التاتش (موجود عداد ديجيتال جديد في التابلوه كمان) ولو جبيت طارة مالتي السعر بيزيد حوالي 10 الاف وطبعا فيه كار كيت حقيقي مش مجرد منظر زي اللي في الجيتا! ويزيد عن اللي حضرتك قلته نظام كامل للامان في الفرامل مع اي بي اس و4 انظمة امان اخري.

ههههههههههه
يا باشا ...
انت جبت معلوماتك دى عن الجيتا منين ؟؟
هى لعبه صينى فيها زراير منظر ؟
مين قال ان المالتى فيها منظر ؟
و مين قال ان مفيهاش نظام امان كامل فى الفرامل ...

[hokaboka]

ههههههههههه
يا باشا ...
انت جبت معلوماتك دى عن الجيتا منين ؟؟
هى لعبه صينى فيها زراير منظر ؟
مين قال ان المالتى فيها منظر ؟
و مين قال ان مفيهاش نظام امان كامل فى الفرامل ...

استاذ خالد المعلومات دي من التوكيل، ارجو حضرتك تكلمهم بكرة وتتاكد بنفسك، الcar kit مجرد منظر ومش شغال في الجيتا ولازم تدفع 4500 جنية عشان يشغوا النظام واؤكد لحضرتك ان نظام امان البي ام يفوق بمراحل الجيتا وان حنشر بكرة هنا تفاصيل النظامين للاستفادة.

[ghazy12]

استاذ غازي الجيتا عربية محترمة مفيش كلام والتعبان هنا زي ما وضحت في العنوان هو سياسة التسعير وزي ما وضحت الكماليات قريبة قوي.. انا واحد من الناس معاه غربية بفتحة سقف ومش بستعملها والكاسيت التاتش في رأي مش عشانه اقرر اشتري عربية.

يعني انت سبت كل كلامي اللي قلته, و مسكت في السي دي التتش و هو اللي مش
هتحدد عليه اختيارك للعربيه....!!!!!!!!!!!!!!!!! هو انا قلت كده اصلا!!!

و بعدين مين اللي قال لسعادتك ان الجيتا زراير الكاركت اللي فيها منظر..؟؟

و بعدين لو بالنسبه ليك السي دي و فتحة السقف مالهومش لازمه, فاحب اقولك
اني بكره حاجه اسمها كاركت اصلا, و لو معايا عربيه فيها كاركت مش هستخدمه

يعني في الاخر هي استخدامات و متطلبات, لكن كأداء و كماليات بشكل عام
انا شايف ان البي ام ماتزيدش الهوا عن الجيتا, بالعكس, الجيتا اللي تزيد عنها
و تزيد كتييييييير كمان, و كفايه الـdsg و الـسينسورز و الاير باجز...

ولا دول كمان مالهومش لازمه يا باشا..؟؟؟

عموما هي وجهات نظر و في الاخر انت صاحب القرار و انت حر...

لكن لو عايز عربيه رياضيه بجد من فولكس, يبقى من الاخر كده...

-باسات cc
-شيروكو
-جولف

و الثلاثه مالهومش حل اصلا, كأداء, و ثبات, و امان, و رفاهيات.......

عايز بي ام, يبقى معاك من أول الـ320 و الـ330... اقل منهم, مالهاش لازمه عندي

و هتبدأ تدخل في مقارنات مع المرسيدس, و المرسيدس تكسب بس السعر عالي

و دي وجهة نظري, و في الاخر انا مش بهتم باسم البراند قد ما بهتم بالأساس

تقبل تحياتي...

[islamaboelnaga]

انا مش عايز اتكلم خاااالص علشان محدش يقول متحيز !!

[horas3000]

الـ 316 المانى

شكرا يا زعيم علي الرد

شكرا استاذ غازي علي الرد، بس معلومة البي ام 316 الجديد فيه كل الكماليات اللي فوق وكمان اتوماتيك ما عدا فتحة السقف والشاشة التاتش (موجود عداد ديجيتال جديد في التابلوه كمان) ولو جبيت طارة مالتي السعر بيزيد حوالي 10 الاف وطبعا فيه كار كيت حقيقي مش مجرد منظر زي اللي في الجيتا! ويزيد عن اللي حضرتك قلته نظام كامل للامان في الفرامل مع اي بي اس و4 انظمة امان اخري.

بعد اذن حضرتك المواصفات دي ايه مصدرها
موقع بي ام مصر مفيهوش ولا حاجة من اللي انت بتقول عليهم
حسب الموقع
العربية مانيوال بس
بدون idrive
فرش قماس مش جلد
تكيف مانيوال مش تتش
طبعا طاسات مش جنوط
مفيش اي سيرة عن الكار كت

ده لينك الموقع
و المواصفات في PDF file
BMW AG : 3 Series Sedan : All the facts : Prices