جيتا ولا بى ام ؟

[ghazy12]

Mercedes C180 K...

Number of cylinders: 4 (16 V)
Total Displaecment (cc): 1597 (1600 cc)
Rated output (hp at rpm): 156\5200
Rated torque (Nm at rpm): 230\3000-4500
Transmission: 5 Auto
Top speed (km/h): 230
Acceleration, 0-100 km/h (s): 9.5
Combined fuel consuption (l/100 km): 7.1-7.7


BMW 316i...

Number of cylinders: 4 (16 V)
Total Displaecment (cc): 1595(1600 cc)
Rated output (hp at rpm): 115\6000
Rated torque (Nm at rpm): 150\4300
Transmission: 6 Manual
Top speed (km/h): 206
Acceleration, 0-100 km/h (s): 11.6
Combined fuel consuption (l/100 km): 10.4


VW Jetta 1.6L MPI...

Number of cylinders: 4 (8V)
Total Displaecment (cc): 1595(1600 cc)
Rated output (hp at rpm): 102\5600
Rated torque (Nm at rpm): 148\3800
Transmission: DSG 7 Shifts Auto
Top speed (km/h): 183
Acceleration, 0-100 km/h (s): 12.2
Combined fuel consuption (l/100 km): 8.2

[ghazy12]

أنا كده عملت اللي عليا, و قدامك المقارنه كامله و الاختيار ليك, و مقارنه مواتير مش كماليات...

لكن أعلاهم كماليات.... الجيتا
اعلاهم في الأداء...... المرسيدس C180 طبعاً
أعلاهم بريستيج.......... المرسيدس بردو

و لو رتبناهم في رأي من 1-3 هيبقى الترتيب كالاتي من وجهة نظري الشخصيه...

1- مرسيدس C180
2- فولكس فاجن جيتا
3- بي ام دبليو 316

و الجيتا رقم 2 علشان الكلام الكتيييير اللي انا كاتبه فوق, و قبل كده, مش علشان الـCD player...!!!

[M.almaghraby]

البي ام دبليو فعلا تتركب من 320 او 330

بس هيا كبراند اكيد اكيد اعلي من الفولكس واجن كتير..

و ككماليات وراحة الجيتا احلي من ال 316

يعني الموضوع اذواق مش اكتر.....

و دا لا يمنع ان اسم بي ام دبليو ليه بريق مميز اوي

و بردو لو قارنت العلامه بس دي بـدي, بردو الفولكس مش قليله و مش اقل من البي ام

كلامك كله 10 علي 10 م.غازي و انا استفادت من حضرتك

لكن اسمحلي اختلف معاك فالنقطة دي بس..... "وانا عارف انك بتحب الفولكس جدا "

[horas3000]

مين اللي قالك كده يا حورس باشا..؟؟؟

جيتا 2010 التابلوه و الطاره و الجير بوكس اتغيروا تماما..

التابلوه بقى بينور أبيض زي الجولف, و الطاره بردو الرياضيه الجديده زي الجولف

و الجير بوكس هو الـdsg الجديد 7 سرعات أماميه و 1 خلفيه...

تقدر تتأكد من المعلومات دي بنفسك يا باشا...

تقبل تحياتي

و الله يا زعيم ده من موقع فولكس مصر
مش عارف ده صحيح و لا كالعاده هما في الطراوة و معملوش تعديل للمواصفات
انا شفتها هنا في الكويت بالفعل و عارف انها نزلت بيه و بالداش بورد الجديد بس انت عارف العالم كوم و مصر كوم لوحده فمرضيتش افتي

[ghazy12]

و الله يا زعيم ده من موقع فولكس مصر
مش عارف ده صحيح و لا كالعاده هما في الطراوة و معملوش تعديل للمواصفات
انا شفتها هنا في الكويت بالفعل و عارف انها نزلت بيه و بالداش بورد الجديد بس انت عارف العالم كوم و مصر كوم لوحده فمرضيتش افتي

يا باشا انا عارف والله.... بس سيبك من الموقع لأنهم مش بيعملوا Update
الا لما حاجه جوهريه تتغير للأسف... حتى البروشور نفس الكلام على فكره

بس انت عارف... ان مصر من الدول المتقدمه تكنولوجيا عن ألمانيا بكتييييير
فعادة مش بيحتاجوا لا ويب سايت, ولا بروشور.... الكلام مافيش اسهل منه و ببلاش :))

تحياتي يا باشا...

[horas3000]

ما انا توقعت كده يا زعيم
بس انا بحب كلامي يبقي موثق او عن تجربه

[EgyptianTune]

يا زعيم انا ما قارنتهايش بالجيتا
انا كنت بقول الحاجات اللي مش فيها
و هي بتنزل بدون جنوط راجع كده مكتوب steel wheel
يعني جنط حديد

اما موضوع الكار كت ده حضرتك اللي طرحتة و قلت ان البي ام فيها و ان الجيتا بتاعها مش شغال مش كده برضه
الجيتا فعلا مفيهاش كار كيت لان ده بينزل في الباسات بس
ادي مواصفات الجيتا p3
volkswagen egypt

ملحوظة لاستاذ غازي : الجيتا لسه مبتنزلش بالجير ال dsg



خلينا بقي نجيب من الاخر
الجيتا اصلا فئة اقل من البي ام
اللي بتنافس الفئة التالته تبقي الباسات مش الجيتا
حاجة تانية معظم مبيعات الجيتا من الفئة p2 اللي ب 180 الف ال p3 مش بنفس الانتشار و اغلبية الموجود منها في الشارع يبقي خليجي لان التوكيل كان منشف دماغة و جايب مواصفات اقل و لما لقي الناس بتطفش منه عرف ان الله حق و راح جايب نفس مواصفات الخليجي لانها هي اللي بتنزل بالجنط ال 17 و الستارة الخلفيه
يعني كده كده الجيتا بعيد عن نطاق البي ام الا الفئة ال p3 و دي اللي هيجيبها هتبقي عشان علي مزاجة و هيبقي مستعد يدفع فيها

معايا في الكلام ده. نيجي بقي للبي ام
ال 316 مش وحشة و لا هنقول عليها تعبانه زي ما انت وصفت الجيتا
الفكرة زي ما استاذ غازي قالك البي ام 3 من 320 و انت طالع عشان تعرف تسمتع بيها
بس هو ده اللي عايزين نوصلهولك لكن تحاملك الغير مبرر علي الجيتا هو اللي خلي الكل ياخد موقف دفاعي و يرد هجومك و السلام

اتمني تكون وجهة نظري وضحت
و اسف للاطاله

تصحيح للمعلومة الجولف فى نفس فئة الفئة الأولى والجيتا فى نفس فئة الفئة التالته والباسات فى نفس فئة الفئة الخامسة والفايتون فى نفس فئة الفئة السابعة

[ghazy12]

كلامك كله 10 علي 10 م.غازي و انا استفادت من حضرتك

لكن اسمحلي اختلف معاك فالنقطة دي بس..... "وانا عارف انك بتحب الفولكس جدا "

كل التقدير و الاحترام لوجهة نظرك يا د.مغربي, بس صدقني أنا بحب البي ام بردو :)

هو أنا طبعا من عشاااااق فولكس فاجن, لكن أنا قلت رأي بدون أي تحيز في الموضوع ده

بس لو مثلا كان قال 318, كنت قلت ماشي, لكن الـ316 والله مش زي ما انتوا
فاكرين خااااااااااالص... أنا مش عارف ليه لسه بتنزل في مصر لحد اللحظه دي!!
لغوها من بره خلااااااص, و أولنا في البي ام الفئه الثالثه 2000 سي سي...

بس لو مثلا انا قدامي 318, و جيتا... هجيب 318 أكييييد :))

بس لو 318, و باسات...... يبقى باسات أكيييييييد

طيب لو 320, و باسات.... كده ممكن افكر, بس هجيب 320 في الاخر :))

دي مقارنات من وجهة نظري مش كلها محسوم لصالح الفولكس, بمعنى ان حبي
لفولكس فاجن مش أعمى, او مجرد حب للبراند او العلامه و خلاص... لأ والله

بس كده يا دكتور... و ارجع و اقول ان فولكس من اعرق البراندات في عالم السيارات

تقبل خالص احترامي و تحياتي يا باشا...

[horas3000]

تصحيح للمعلومة الجولف فى نفس فئة الفئة الأولى والجيتا فى نفس فئة الفئة التالته والباسات فى نفس فئة الفئة الخامسة والفايتون فى نفس فئة الفئة السابعة

لا يا زعيم
زي ما قلت الجيتا ليست منافس للفئة التالته لكن ده دور الباسات
و عشان تتاكد ارجع شوية بالزمن
مين اللي كان بينافس الفئة التالته الباسات و لا البورا
المشكله ان كل الشركات دابت تكبر في موديلاتها و هو ده اللي سبب اللغط

الفكرة كمان ان فولكس تمتلك اودي و ال A4 تعتبر منافس للفئة التالته و حيث ان فولكس مش عايزة طرازتها تنافس بعض كبرت الباسات شوية عشان تبعد عن ال A4 لكن مش لدرجة انها توصل لل A6 يعني ممكن تقول انها بين البنين.
نفس الكلام ده ينطبق علي الفيتون لما فولكس نزلتها كانت بالفعل بتنافس الفئة السابعة و ال S لكن دلوقتي اغلب مبيعات العربيتين دول بقوا الفئة الطويله LWB و مبقتش الفيتون تنافسهم و بقت برضوا بين البنين بين الفئة الخامسة و السابعة و بقت مهمه منافسه الفئة السابعة و ال S للاودي A8

اما تقنيا التلات عربيات ملهومش دعوه ببعض اصلا
الجيتا المفروض انها mid-size family car
الباسات full size family car
الفئة التالته compact exutive car

عشان تتاكد من الكلام ده قارنهم ببعض بس بالمواصفات العالمية مش المصرية
هتلاقي ان الجيتا ارخص من الفئة التالته بكتير و ان الباسات هي الاقرب ليها

[M.almaghraby]

كل التقدير و الاحترام لوجهة نظرك يا د.مغربي, بس صدقني أنا بحب البي ام بردو :)

هو أنا طبعا من عشاااااق فولكس فاجن, لكن أنا قلت رأي بدون أي تحيز في الموضوع ده

بس لو مثلا كان قال 318, كنت قلت ماشي, لكن الـ316 والله مش زي ما انتوا
فاكرين خااااااااااالص... أنا مش عارف ليه لسه بتنزل في مصر لحد اللحظه دي!!
لغوها من بره خلااااااص, و أولنا في البي ام الفئه الثالثه 2000 سي سي...

بس لو مثلا انا قدامي 318, و جيتا... هجيب 318 أكييييد :))

بس لو 318, و باسات...... يبقى باسات أكيييييييد

طيب لو 320, و باسات.... كده ممكن افكر, بس هجيب 320 في الاخر :))

دي مقارنات من وجهة نظري مش كلها محسوم لصالح الفولكس, بمعنى ان حبي
لفولكس فاجن مش أعمى, او مجرد حب للبراند او العلامه و خلاص... لأ والله

بس كده يا دكتور... و ارجع و اقول ان فولكس من اعرق البراندات في عالم السيارات

تقبل خالص احترامي و تحياتي يا باشا...

يا باشا كلامك بيزود الموضوع افادة والله

الكلام دا ميطلعش الا من واحد " فاهم بجد "

[horas3000]

كل التقدير و الاحترام لوجهة نظرك يا د.مغربي, بس صدقني أنا بحب البي ام بردو :)
هو أنا طبعا من عشاااااق فولكس فاجن, لكن أنا قلت رأي بدون أي تحيز في الموضوع ده
بس لو مثلا كان قال 318, كنت قلت ماشي, لكن الـ316 والله مش زي ما انتوا
فاكرين خااااااااااالص... أنا مش عارف ليه لسه بتنزل في مصر لحد اللحظه دي!!
لغوها من بره خلااااااص, و أولنا في البي ام الفئه الثالثه 2000 سي سي...
بس لو مثلا انا قدامي 318, و جيتا... هجيب 318 أكييييد :))
بس لو 318, و باسات...... يبقى باسات أكيييييييد
طيب لو 320, و باسات.... كده ممكن افكر, بس هجيب 320 في الاخر :))
دي مقارنات من وجهة نظري مش كلها محسوم لصالح الفولكس, بمعنى ان حبي
لفولكس فاجن مش أعمى, او مجرد حب للبراند او العلامه و خلاص... لأ والله
بس كده يا دكتور... و ارجع و اقول ان فولكس من اعرق البراندات في عالم السيارات
تقبل خالص احترامي و تحياتي يا باشا...

عين العقل يا غازي باشا
و هو ده كلام الناس الفاهمه

و تاكيدا علي كلامك انا كنت النهارده في جولة مع صديق ليا برضة ليه في العربيات
و روحنا اتفرجنا علي السكودا السوبيرب الجديدة اكمنها نزلت.

و بعد مشفناها لفينا لفه و قارناها بالباسات العادية و ال cc الاتنين 1.8 tsi و البي ام 320 و ال c250 cgi و اللاودي a4 1.8 tfsi و مش هتصدقني لو قلتك ان السكودا طلعت اريح و اوسع و افخم واحده فيهم لانهم مكبرينها سنه عن الباسات و القعده في الكنبة الخلفية مريحة جدا و وسع غير طبيعي. ده غير انها ارخص من المرسيدس و الاودي و البي ام.

و انا و صديقي اتفقنا ان اللي يجيب اي عربية من ال 3 دول يبقي مغفل بصراحة و بيدفع فلوس عشان الاسم بس. ال3 بالمقارنه مع السوبيرب و الباسات ولا يسوا. ال 3 نازلين باقل مواصفات و اي اضافة بتمنها علي سعرها الغالي اصلا عكس السكودا و الفولكس فل اوبشن و دلع ز كمان ارخص.

و النتيجة ان شخصيا بين العربيات دي كلها اختياري وقع علي الباسات cc بينما صديقي مش قادر يشيل السوبيرب من باله و لان الوسع يهمه لان رب اسره. الي قهرنا ان الاتنين مينفعش ينزلوا مصر طبعا عشان الجمارك

[hugan]

انا با عتذر يا جماعه علي المداخله الضعيفه اللي انا شاركت بيها امس من الواضح ان منتدي ال بي ام والفولكس الفروض يكتب اعلاه مالكي الكور ي والصيني والماليز ي وعامه الشعب يمتنعون اصل بصراحه انتو بتتكلموا في حاجات جامده قوي ومن الواضح انها للصفوه ملاك الجيتا والبي ام وحسيت ان انا تايه وسطكم بعد الجير اللي مش عارف ايه والماتي فنكشن وعوامل الامان الخرافيه اللي تخلي عز رائيل يتراجع امام قوه سيارتكم فا اعزروني انا مش بققل من قيمه سيارتكم او بتريق علشان ما حدش يفهمني غلط

[M.almaghraby]

انا با عتذر يا جماعه علي المداخله الضعيفه اللي انا شاركت بيها امس من الواضح ان منتدي ال بي ام والفولكس الفروض يكتب اعلاه مالكي الكور ي والصيني والماليز ي وعامه الشعب يمتنعون اصل بصراحه انتو بتتكلموا في حاجات جامده قوي ومن الواضح انها للصفوه ملاك الجيتا والبي ام وحسيت ان انا تايه وسطكم بعد الجير اللي مش عارف ايه والماتي فنكشن وعوامل الامان الخرافيه اللي تخلي عز رائيل يتراجع امام قوه سيارتكم فا اعزروني انا مش بققل من قيمه سيارتكم او بتريق علشان ما حدش يفهمني غلط

انا حاسس اني بقرأ صيني

مش فاهم حاجة

[Kareem_A]

يا استاذ غازي , حضرتك لو دخلت على اللينك التالي:

http://www.nilemotors.net/Nile/143403-a.html

هتلاقي ان العضو hokaboka (صاحب الموضوع دة و الموضوع الفي اللينك) , بيتبع نفس الاسلوب مع الافنسيس الجديدة

بغض النظر عن التسعير و العربية تستاهل ولا لأ , و لكن الاستاذ hokaboka برده مش بيعجبه غير الارآء المؤيدة لرأيه , و لما حد يأيده يقوله الله اهه دة الكلام الموزون

مع اني برده سألته اسألة كتير زاى الحضرتك سألتهاله (زاى ما حضرتك هتشوف في اللينك) , و مردش على ولا واحد و الغريبة اني مش شايف عنده اي حجة مقنعة , غير ان ازاى اسيب الBMW , كأنها عربية نازلة من السما , مع انها اصلا عربية متنفضة !!!

و لكن لازم برده احييك على مشاركات حضرتك و الاستاذ حورس المفيدة جدا :)

[M.Osman]

بصراحة مدفعش اكتر من 100 ألف في عربية مانيوال !!