مساعده لاختيار الافضل المانى ولا يابانى وليه؟؟؟

[zezo_163]

بسم الله الرحمن الرحيم ... من فضلكم انا عايز اعرف اى العربيات التاليه افضل كمستعمل (اوكتافيا, فكترا,استرا,لانسر,كورولا, مازدا3) , طبعا انا هقولكم حدود امكانياتى وهى الا تزيد عن 100 الف والوديل مش يقل عن 2006 ومطالبى منها يعنى عايزها عربيه قويه وتستحمل وقطع غيارها تكون فالمعقول وطبعا اساسى تكون اوتوماتيك و1600 سى سى وبالنسبه لسعر اعاده البيع اظن مش هيكون مهم اوى لان نناوى احتفظ بها لفترة طويله اكتر من 6 سنين تقريبا ويمكن اكتر , طبعا انا عارف ان الالمانى له اليد العليا فى الصناعه بالنسبه للعربيات الموجوده هنا فمصر يعنى اللى راكب اوكتافيا مثلا هيكون احسن من اللى راكب تويوتا ده من حيث الراحه والثبات اقصدلكن اليابانى معروف عنه انه اعتمادى واقتصادى وده سر المقارنه الابديه بين الصناعتين .. انا اسف انى صدعتكم بس عايز اوصل لافضل اختيار قبل اتخاذ القرار النهائى ان شاء الله وشكرا .

[M.Alaa92]

يا اوكتفيا يا فيكترا
ده لو عايز فخامة و عربية جامدة بس قطع الغيار غالية و اعادة البيع انا معرفش بصراحة
لانسر
فيها كل المميزات ديه بس البومة احتمال ما تنزلش بغد 2011
الكورولا
حبوة جدا بس موديلات 2007 غالية جدا
المازدا
شبابية و كويسة بس قطع الغيار و اعادة البيع بطيءة جدا

[romeo_6887]

هو في اوكتافيا 2006 ب 100000 جنيه ؟

[zezo_163]

اعتقد يا باشا لو انهاa4 ممكن تجيب السعر ده, بس المهم يا ريس فين رايك وتحليلك زى الاخ mido كده .وياسلام بقى لومقارنه بين سعر قطعتين واحده فى عربيه يابانى والتانيه فى اختها الالمانى رغم ان اللى اعرفه ان عمر القطع الالمانى بيكون معمر شويه يعنى تمنه فيه , دى طبعا وجهه نظرى ومش عارف صح ولا غلط!!!!!!!!!!!

[zezo_163]

شبابنا انتم فين؟؟؟ انا دلوقت نفضت للفكترا والمازدا وبقى مزقزق فى دماغى حاليا لانسر واوكتافيا وكورولا وبصراحه فى كل واحده منهم حاجه بحبها فياريت مقارنه صغيرة بينهم فى اهم الحاجات اللى ذكرتها مسبقا.... واسف للازعاج وعقبال لما نقارن فى يوم من الايام بين مرسيدس وبى ام , قولوا امين

[عبد الرحمن اسامه]

١- اوكتافيا
٢- لانسر