محتااااااااااااار ..... Punto ولا logan !!!؟؟؟؟؟

[M.Radwan]

بصراحة مفيش مقارنة بين العربيتين!
اللوجان عربية عائلية درجة أولي
سيدان- موتور أكبر وأقوى - مرتفعة عن الأرض - عفشة ناعمة - ثبات جيد
كماليات ممتازة مقارنة بالسعر - شنطة واسعة جداا
بس شكلها مش شبابي، خصوصا من الأمام. بالإضافة إلى الأماكن
الغريبة لأزرار الزجاج وخلافة.

البونتو شبابي درجة أولى
شكل جذاب- موتور أصغر (توفير في البنزين)- هاتشباك
كماليات جيدة ولكن اللوجان كماليتها أكتر

شوف بقى على حسب استخدامك هيتحدد اتجاهك في الشراء
ونصيحة أخوية، متشتريش حاجة غير لما تنزل تعاينها على الطبيعة
وتجرب القعدة جواها.

[fouady]

فعلا عربيتك كان طالع عينها
وقابلت النهارده أحمد هشام لقيت واحد بيبونتو بيجري ورايا ببص جنبي لقيته

أنا عربيتي كان طلع عنها آه بس كانت أسد وكانت ماشية زي الفل وأحمد هشام مش ناوي يجيب صور المقبلة ده بالها سنه هيهيهيهيه ولسة بيجري برده

[yoko]

أنا عربيتي كان طلع عنها آه بس كانت أسد وكانت ماشية زي الفل وأحمد هشام مش ناوي يجيب صور المقبلة ده بالها سنه هيهيهيهيه ولسة بيجري برده :pointiy2[2]:

فعلا بس في الشد مكنتش قد كده عشان كان فيها بليه دبرياج تقريبا وفعلا ضرب على الصور هحاول أخدها منه بكرة

[amir]

البونتو طبعا
مع احترامي للوجان و اصحابها
بس البونتو تكسب تماما
للاسف اوماترا بيستهبلو شويه في موضوع اعاده انزالها من غير جنوط و فوجات
ماكانت ب 65 الف فوجات و جنوط
ليه العك السعري ده؟

[M.Osman]

اللوجان لازم تنزل تفتح تانك البنزين بالمفتاح !!


الصورة من موضوع زميل المنتدى نادر نبيل عن اللوجان

بصراحة حاجة منفرة جداً من العربية في رأي الشخصي

و برضه المقارنة غير عادلة ..دي عربية هاتشباك شبابية و موفرة في البنزين و دي عائلية سيدان كبيرة ذات موتور اقوى

[احمد عزت]

مع احترامى للاتنين

ابعد عنهم وهاتلك اى حاجة اوتو ماتيك...........هاتندم لو جبت عربية مانيوال فى 2010....صدقنى انا عملت زيك واقعدت احسوك وجبت نيو اكسنت ب 76 فى شهر واحد اللى فات وقولت اوفى ال 6 الف بتوع الاوتوماتيك علشان ما ادخلش فى فئة تانية وكلام اهبل كدة .........بس بجد اى حاجة اوتو ماتيك احسن بكتير من بى ام مانيوال ....وصلى استخارة كتير

[M.Radwan]

اللوجان لازم تنزل تفتح تانك البنزين بالمفتاح !!


الصورة من موضوع زميل المنتدى نادر نبيل عن اللوجان

بصراحة حاجة منفرة جداً من العربية في رأي الشخصي

و برضه المقارنة غير عادلة ..دي عربية هاتشباك شبابية و موفرة في البنزين و دي عائلية سيدان كبيرة ذات موتور اقوى

يعنى معتقدش حضرتك إني هقرر أشترى العربية أو لأ بسبب ان التانك
بيتفتح بالمفتاح!!!

[ahmedbasto]

الصراحة افضل البونتو مع احترامى للوجان

[sarawe511]

طب ازاي ي جماعة البونتو 1300 ...62 حصان تجيب 170 مش عارف لية حاسس انها صعبة شوية ممكن تفهموني . و لو العربية محملة 5 اشخاص و شنط اة اقصي سرعة ممكن تجيبها (طبعا بدون التكيف)و شكر ل اخواتي ( انتو طبعا)

[yoko]

طب ازاي ي جماعة البونتو 1300 ...62 حصان تجيب 170 مش عارف لية حاسس انها صعبة شوية ممكن تفهموني . و لو العربية محملة 5 اشخاص و شنط اة اقصي سرعة ممكن تجيبها (طبعا بدون التكيف)و شكر ل اخواتي ( انتو طبعا)

كانت قدام عيني مرتين مرة واحد بس الي راكب والمره التانيه ٢

[fouady]

كانت قدام عيني مرتين مرة واحد بس الي راكب والمره التانيه ٢

أنا معايا فيديو بتكسير el-180 لو حد عاوز يشوف

[CryptonX]

خلو بالكم ان فيه بونتو كلاسيك 2004 و 2003 بالشكل الحالي و محركها كان 16 صمام 83 حصان زي محرك سيارتي الحالي .

بس عامة انا سيارتي بتوصل ل 180 بس طبعا المحرك مش بيعيط .. ولا بيصوت ! ده بيبقى في حالة استنفار و ردح و صريخ يسمع طريق العين السخنة كله ان فيه طيارة هليكوبتر ماشية !

--
رجوعا للموضوع .

بصراحة انا لو منك ... مش حشتري لا دي ولا دي ..
صدقني خليك في سيارة اوتوماتيك .. انا حموت الان على تغيير الى سيارة اوتوماتيك وي سلام لو مانوال و اوتو مع بعض .

بس صدقني .. في مصر .. السواقة المانوال خلاص فقدت متعتها تماما .

بالنسبة للسيارتين , انا شايف ان اللوجان اختيار " عملي " اكثر مش شرط تكون السيارة الاحسن .

و لكنها الاوسع بدون شك في كل شيء ( مساحة الارجل و الجلوس و المساحة الخلفية ) .

كماليات نسبيا اكتر لو اني بكره فيها بعض الاشياء ( مفاتيح الزجاج الي في الكونسول و الكاسيت الي عايز الحرق ) بس على الاقل فيها بعكس البونتو.

قطع الغيار و انا مغمض اللوجان حتكون ارخص !

ممكن بقى حتى الثبات و الشياكة و الشكل الخارجي و جودة التقفيل تتفوق فيه البونتو بجدارة .. مهما كانت دي سيارة ايطالي و دي سيارة تقفيل مغربي .. يعني مش حيفرق حاجة عن التقفيل المصري .

--

بس انا مازلت مصر انك تسبي الاتنين و توشف حاجة اوتوماتيك .. ان شاءالله حتى فرنا اوتوماتيك ! انا شخصيا مستعد ابدل :)

[احمد عزت]

بيكانتو او اى 10 اوتو ماتيك ....او جيتز او نيو اكسنت اوتو ماتيك احسن بكتييييير

[M.Osman]

يعنى معتقدش حضرتك إني هقرر أشترى العربية أو لأ بسبب ان التانك
بيتفتح بالمفتاح!!!

عندك حق

بس فيه حاجات بتضايق ناس من العربيات الواحد مش بيكتشفها غير لما يشتري

و أنا بالنسبة لي الحكاية دي غريبة جداً ... ابقى راكب عربية 2010 و لازم انزل احط المفتاح في غطا التانك كأني راكب حاجة من ايام الـ80ــنات ...

و على فكرة ان مع الشباب اللي بيقولوا خليك في الأوتو ...

[zkralla]

لو حضرتك متجوز وعندك عيله يبقى لوجان
لو لسه خليك فى البونتو