في حد يقدر يعملي مقارنه سريعه بين الأفيو هاتشباك و سيريون؟

[MarMarZain]

أنا إن شاء الله ناويه أشتري عربيه وعيزه تكون إمكانياتها كويسه وشكلها كويس بس مش عارفه أقارن اﻷحسن مين, اﻷفيو ولا سيريون, وكنت بفكر أجيبها تقسيط.
وبرضه لو حد يعرف عن التوكيل بتاعهم وقطع الغيار وإستهلاك البنزين

وشكرا.

[3ateef]

انا ركبت الافيو وسوقتها....وارشحلك السيريون....
وانا ولا ركبتها ولا سوقتها....
:)

[MarMarZain]

طب إزاي بترشحها وانت مش جربتها ؟؟؟

[romeo_6887]

الافيو دي من اسوأ العربيات في العالم ( بص بصه في قسم الشيفروليه ) و الهاتش باك منها ملهاش موديلات 2010 اما السيريون هي عربيه ممتازه بس بلاش ال 1000 سي سي عشان 3 سلندر فخليك في ال 1300 سي سي او ال 1500 سي سي او ممكن تقولنا معاك قد ايه و نرشحلك عربيه تانيه خالص

[3ateef]

عشان رافضها جدا....

[MarMarZain]

إن شاء الله معايا في حدود 75000

[MarMarZain]

بس أنا عيزه عربيه تستحمل عشان هسافر بيها على الاقل مرتين في الاسبوع مسافه فوق 150 كيلو
وشكرا للإفاده

[أشرف العدوي]

أزاي يعني أفيو و سيريون
الأفيو دي تقارنها بسكوتر من عند أبو الجوخ و تبقى ظلمت الأسكوتر كمان

[د.محمود صلاح]

أزاي يعني أفيو و سيريون
الأفيو دي تقارنها بسكوتر من عند أبو الجوخ و تبقى ظلمت الأسكوتر كمان

حضرتك متحامل جداً على عربيتك ,, سكوتر !!

[yoko]

أبو اّسر عنده حق والأفيو كانت معايا لمده سنة ونص ومش حمل صفر خالص ولا هي عربيه أصلا

[MoToMaN]

السريون فيها ميزة الاستهلاك في البنزين قليل جدا و التجميع ياباني
بس العيوب بتاعتها هو اعادة البيع السعر بينزل و قطع الغيار مش متوفره بره بنسبه كبيره و الصالون اضيق من جوه

الافيو ظهر فيها مشاكل كتير فعلا لكن اغلبها في التجميع المحلي و صاحبي معاه الكوري 2009 و مش عامله معاه اي مشاكل
لكن لو هنقارن بين الاتنين السيريون و الافيو يبقي محسومه للسيريون
و ممكن تخللي المقارنه بين السيريون و الجيتس مثلا لأنها كده تبقي واقعيه اكتر