ساعدوني في القرار من فضلكم

[Halahassan]

ده أول مشاركة ليه على الموقع و يا ريت حد يساعدني في أتخاذ القرار.
محتارة أشتري ايه، تيريوس gx أو هوندا سيتي؟؟
عاجبني في التريوس احساس العربية العالية،بس في نفس الوقت حاسة أن الهوندا أقوى , أفخم و أشيك من الداخل...
مع الوضع في الإعتبار أني قيادتي مش عنيفة ولا كتيرة،يعني بعمل بعربيتي في حدود 8000 كم في السنة، و أكتر سرعة ممكن أجيبها 120
أفيدووووووني أفادكم الله وشكرا

[zahaan]

بيتهيالى انى مقدرش افيد حضرتك لان ده من فئه و ده من فئه تانيه خالص فحتى مش حنعرف نقارن غير حاجه واحده وهى ان ده هوندا ود ديهاتسو ولو كده يبقى طبعا الهوندا تكسب بدون منافس يعنى بنقارن ماركه بماركه مش عربيه بعربيه

[د.محمود صلاح]

أرشح لكِ التيريوس بسبب العلو عن المطبات وكمان لايقة على السيدات وبالذات لو الالوان المبهجة اللي فيها .

مبروك انضمامك للمنتدى إن شاء الله تجدي فيه اجابات عن استفساراتك ومساعدة من الجميع

[romeo_6887]

هو ايه اللي جاب العربيه دي لدي ؟ عموما انا ارشح لحضرتك التيريوس لانها عاليه عن الارض و اعتقد انها هتكون مناسبه لحضرتك

[Halahassan]

والله يا جماعة أنا متشكرة جدا على رأيكم، أنا فعلا عاجباني أوي التريوس بس لما شفتها من جوه حستها فقيرة أو مش بقيمة عربية بالسعر ده

[Halahassan]

أجيب ايه حد يقوللي )):

الناس مش مقتنعة اني محتارة بين التريوس والهوندا سيتي... طيب بلاش، هوندا سيتي الشكل الجديد2010 ولا سيراتو كوبيه ولا مازدا 3 2010؟؟؟؟؟؟؟؟؟؟

[nab!l]

شكل وبرستيج
كوبيه طبعا

[yoko]

حضرتك إيه أكتر حجات تهمك في العربيه بالترتيب عشان نقدر نحدد معاك

[Halahassan]

الشياكة، الثبات والأمان،مع الوضع في الإعتبار اني سواقتي مش كتيرة بس اذا كان الطريق فاضي غالبا بجري بس عمري ما بجيب أكتر من 100،وأهم حاجة خدمة ما بعد البيع و أحس اني دفعت فلوس في مكانها .... هتقدروا تساعدوني

[yoko]

يبقى هوندا سيتي ويا باشا ١٠٠ دي مش جري واي عربيه هتبقى ثابته على السرعة دي
عموما
شكل: كوبيه
الثبات: سيتي - كوبيه
خدمة ما بعد البيع سيتي وكوبيه
بس الإعتماديه للسيتي
التريوس مش وحشه بس مبستريحلهاش في الملفات الحادة

[Halahassan]

أنا فعلا مرتاحة أكتر للسيتي، خصوصا بعد ما حسنوا شكلها ..واللي عجباني برضه الهيونداي i30.. أما التريوس بعد ما شفتها من جوة طلعت فقيرة جدا و مفبهاش أي انسيابية أو شياكة،
بجد شكرا على التعليقات و يظهر كده أني هبقي من معجبي الموقع

[yoko]

العفوا يا باشا بس عيب السيتي الوحيد إن توكيل الفطيم بيغالي في أسعار قطع الغيار والصيانه جدا لكن بما إن مشاوير حضرتك قليله فمش مشكله
بالنسبالي مصيبه (٢٥٠٠كم في الشهر على الأقل)

[Halahassan]

فعلا أنا سواقتي مش كتيرة، يعني أنا عاملة بعرابيتي 75500 كم من سنة 2001 لحد دلوقتي.. ف يمكن عشان كدة إن شاء الله مش هيكون عندي مشكلة في قطع الغيار،وبعدين أنا أسمع أن قطع الغيار الأصلية معمرة
.

[yoko]

فعلا معمرة جدا بس ممكن تلاقي قطع الغيار في هوندا سيتي أغلى من اللانسر مثلا بكتير!!!

[mohamedwahid]

هوندا عن تجربة للعربيتين