اول مشاركة ليا وعايز مساعدتكم وخبرتكم

[hero_hamada]

السلام عليكم ورحمة الله وبركاته
ازيكم يا اعضاء نايل موتورز
بصراحة اانا بتصفح المنتدى ده بقالى شهور
وعاجبنى جدا لان فيه ناس كتيرة بتحب المساعدة وفاهمة ومبتبخلش على اى حد باى معلومة
وده الى شجعنى انى اخد رايكم فى حاجة بسيطة
وهى ان عمى عايز يشترى عربية وهو معندوش اى معلومات خالص عن العربيات فقالى عن متطلباته
وهى انها تكون شبابية وفى نفس الوقت عائلية يعنى واسعة من جوة وشكلها من برة شبابى
وكمان تكون بتستحمل لانه مشوايره كتير جدا وتكون كويسة فى السفر لانه بيسافر كتير كمان
وتكون طبعا اقتصادية فى البنزين ومريحة وقطع غيارها رخيصة مش غالية وكمان تكون سعر اعادة بيعها كويسة مش وحشة ويكون توكيلها كويس مش وحش واهم حاجة فى ده كله التحمل العام
وطبعا عايزها جديدة لانه نصحته انه بلاش مستعمل الجديد افضل برضه
(مع العلم ان ديه اول عربية زيرو هيركبها عنى )
وبصراحة عايزله عربية حلوة وعالية لان بابا قال هيجيب عربية زى بتاعة عمى بدور على مصلحتى بقئ هههههههههههههههههههههه
المهم اتفقنا على اربع خيارات وهما النترا - سيراتو - اوبترا - نيسان صنى
طبعا الالنترا والسيراتو الفئة الاولى المانيوال
عشان ده رنج الشراء الى وضعه عمى
الصنى لقيت كل الناس بتعيب عليها وتقول ان افضل حاجة فيها هى السوبر صالون غير كدة لا وبصراحة الشكوى ديه من ناس كتير جدا والسوبر صالون غالية فياترى الكلام ده صح ولالا
الاوبترا افضل عربية اتشكرلى فيها بعد الالنترا بس عن تجربة هى ممتازة بس بحسها فقيرة فى الامكانيات
السيراتو جميلة بس اول فئة فيها الى هى المانيوال بحسها فقيرة اوى وتقفيل وحش
الالنترا كتر عربية نالت اعجابى واعجاب كل ما سالته عنها باستثناء موضوع الثبات على السرعات العالية
فده بصراحة زاد من حيرتى وحيرة عمى
فياترى رائ اهل الخبرة ايه ؟؟
مع العلم ان العربية مانيوال عشان الاعطال اقل بكتير من الهيدروماتيك
يعنى يفضلها مانيوال
فياترى افضل حاجة فى دول ايه
ولو فى حاجة تانية فى نفس الرنج وهو 90 لحد 93
يبقى ايه ؟؟

[hero_hamada]

نسيت اقول صح ان عمى صحفى فى جريدة الجمهورية فعايز كمان شكل العربية تكون برستيج كدة وشكلها شيك
واسف مرة تانية انى بتعبكم معايا

[hero_hamada]

معلش اخر سؤال
ياترى ايه احسن لون فى العربية الى ممكن اختارها من الى فوق دول؟؟

[Dr Dido]

انا معايا النترا مانيوال 2007 والله العربية جميلة جدا فى كل حاجة :
-واسعة جدا
-موتورها قوى فعلا
-الوبشنز اللى فيها مش قليلة
-تقريبا مالهاش اعطال بس حافظ على مواعيد صيانتها خصوصا كل 10000 كم
-مريحة جدا لكل الركاب ودا راجع لعفشتها
-الاليكترونيك باور ستيرينج بتاعها وهمى مش حتعرف قيمته غير لو جربته
-واللى بيكلمك على انها مش ثابتة على السرعات مع احترامى له الكلام ده مش صحيح نهائى لان انا اصلا ما بعرفش امشى غير بسرعة ومرة فضلت ماشى على طريق العلمين ربع ساعة على سرعة 200 210 حتى صاحبى اللى كان معاه جيتا مكانش مصدق وقاللى انت عامل حاجة فى العربية دى لانه مكانش عارف يعدينى مع اننى والله م غيرتش اى حاجة فيها من ساعة ما جيبتها غير انى كنت محافظ على صيانتها حتى الجنوط ماغيرتهاش
اما عيبها الوحيد بالنسبة للعربيات اللى فى المقارنة انه لو اتنين ركبو ورا حتحك فى كل مطبات البلد والعيب ده ما لوش حل للاسف
- على فكرة انا سقت كل العربيات اللى فى المقارنة بس اوتوماتيك بس لو عايز رايي بعد الالنترا ييجى الاوبترا و بعديها اسيراتو وفى الآخر خالص الصنى

[Sanfour]

البروتون برسونا كامله اتوماتيك f/o سعرها 92000 ممكن تضيفها للمقارنة علشان دى عربية حلوة قوى وشكلها شيك و أدائها كويس جداً

[hero_hamada]

انا معايا النترا مانيوال 2007 والله العربية جميلة جدا فى كل حاجة :
-واسعة جدا
-موتورها قوى فعلا
-الوبشنز اللى فيها مش قليلة
-تقريبا مالهاش اعطال بس حافظ على مواعيد صيانتها خصوصا كل 10000 كم
-مريحة جدا لكل الركاب ودا راجع لعفشتها
-الاليكترونيك باور ستيرينج بتاعها وهمى مش حتعرف قيمته غير لو جربته
-واللى بيكلمك على انها مش ثابتة على السرعات مع احترامى له الكلام ده مش صحيح نهائى لان انا اصلا ما بعرفش امشى غير بسرعة ومرة فضلت ماشى على طريق العلمين ربع ساعة على سرعة 200 210 حتى صاحبى اللى كان معاه جيتا مكانش مصدق وقاللى انت عامل حاجة فى العربية دى لانه مكانش عارف يعدينى مع اننى والله م غيرتش اى حاجة فيها من ساعة ما جيبتها غير انى كنت محافظ على صيانتها حتى الجنوط ماغيرتهاش
اما عيبها الوحيد بالنسبة للعربيات اللى فى المقارنة انه لو اتنين ركبو ورا حتحك فى كل مطبات البلد والعيب ده ما لوش حل للاسف
- على فكرة انا سقت كل العربيات اللى فى المقارنة بس اوتوماتيك بس لو عايز رايي بعد الالنترا ييجى الاوبترا و بعديها اسيراتو وفى الآخر خالص الصنى

الف شكر لحضرتك يا دكتور ديدو
يعنى ثبات الالنترا لو بالشكل الى حضرتك بتقول عليه ده تبقى جامدة جدا
بس عيبها الوحيد فى المطبات طيب استفسار شخصى هى لو حكت فى المطبات يعنى العربية هتتأذى كتير؟
وممكن لو الموضوع رسى على الالنترا يتركبلها رفاعات تقريبا او اسمها شدادات بتعلى العربية شوية
ايه راي حضرتك فيها؟

[hero_hamada]

البروتون برسونا كامله اتوماتيك f/o سعرها 92000 ممكن تضيفها للمقارنة علشان دى عربية حلوة قوى وشكلها شيك و أدائها كويس جداً

المشكة يا باشا ان توكيل البروتون سئ ومش كويس وكمان العربية منتشرة فده بيادى لارتفاع قطع الغيار وانخفاض سعر اعادة البيع

[Dr Dido]

الف شكر لحضرتك يا دكتور ديدو
يعنى ثبات الالنترا لو بالشكل الى حضرتك بتقول عليه ده تبقى جامدة جدا
بس عيبها الوحيد فى المطبات طيب استفسار شخصى هى لو حكت فى المطبات يعنى العربية هتتأذى كتير؟
وممكن لو الموضوع رسى على الالنترا يتركبلها رفاعات تقريبا او اسمها شدادات بتعلى العربية شوية
ايه راي حضرتك فيها؟

العفو يا جميل وبالنسبة لموضوع الشدادات انا فعلا سالت عليها فى التوكيل وواحد صاحبى مهندس مدير مركز خدمة فى الرحاب واجمعو على انها حتأثر على العفشة و حتاثر على الايرودايناميكس وبالتالى حتاثر على الاتزان خصوصا على السرعات العالية دى حاحة
الحاجة التانية ان العربية بئالها معايا اكتر من تلات سنين واتحكت فى نص مطبات البلد والحمد لله ما كانش ليها تاثير على اى حاجة
انا لية نصيحة اخيرة ان الالنترا الشكل الجديد حينزل تقريبا شهر 10 الجاى وشكلها حيبئى احلى وحيعالجوا كل العيوب الى فيها فا لو تفدر تستنى استنى....

[hero_hamada]

فعلا انا سمعت كدة
غير ان الشكل المعدل للالنترا الى بيتداول دلوقتى
فعلا علوا شوية عن الارض عشان خاطر موضوع المطبات ده
عموما الف شكر لحضرتك ياباشا

[hero_hamada]

صح نسيت اسال حضرتك
ياترى الالنترا الجديدة هتنزل بنفس الاسعار ولا كالمعتاد اغلى 30 او 40 الف جنية ؟

[ramy01011]

اوبترا و يكون لونها اسود عربية محترمة

[just_magdy1]

النترا او سيراتو

[Dr Dido]

صح نسيت اسال حضرتك
ياترى الالنترا الجديدة هتنزل بنفس الاسعار ولا كالمعتاد اغلى 30 او 40 الف جنية ؟

لاااااا اكيد حتبقى اغلى من الشكل القديم لان حينزل فيها اوبشنز زيادة زى السيراتو الجديدة + طبعا طمع غبور باشا
وده فيديو للالنترا 2011 :
YouTube - The All-New Hyundai Avante / Elantra 2011

[M.Akef]

لو يزود ل100 هتبقا لانسر 1.6 منيول بدون منازع
اما الانترا ثباتها منعدم يعني متمفعشي للسفر و موتورها قوي جدا و مغري للجري يعني كفانا الشر لو اشترتها هتكون شايل كفنك علي ايدك
السياراتو ولله هي حلوه لكن المنيول الخامات بتعته ضعيفه شويه و بردو ثباتها مش عالي اوي و جوده تصنيعها بردو مش عاليه دا غير ان طلع فيها مشاكل كتير
الاوبترا و الصني حلوين بس مش الافضل في فئتهم
لانسر 1.6 منيول ثباتها علي جدا و موتورها جبار و بتوصل لل220 بس عوزه سواق و تسارعها في 10 ثواني و وسعه و مريحه عربيه عائليه شبابيه من الدرجه الاولي

[hero_hamada]

الالنترا الجديدة ديه ياباشا
شكلها خرافة
ياترى ديه هتنزل بكام بقئ؟