نيو سيراتو ولا نيسان تيداا ارجو المقارنة بموضوعية

[PoweRPassioN]

من كل النواحي ::::ما عدا الشكل و الكماليات طبعا ::::
التيدا الافضل بس تصميمها سيء إذا ما قورن بالتصميم الانيق للنيو سيراتو وكماليات السيراتو بتعمل جو في العربيه مفقود بالتيدا

لو انت عايز حاجه عمليه وماتتحسدش
Go 4 the TIDA

[mameen]

خد بالك ان التيدا بتتجمع في مصر والسيراتو مستوردة بالكامل
وكمان خد بالك من ان قطع غيار التيدا غالية جدا وسعر اعادة بيعا مش زي الكيا
انت لو مش فارق معاك الماليات واسعار قطع الغيار وسعر اعادة البيع يبقى التيدا
ولو تفرق معاك الحاجات دي يبقى السيراتو

[Hosam_Optrawy]

خد بالك ان التيدا بتتجمع في مصر والسيراتو مستوردة بالكامل
وكمان خد بالك من ان قطع غيار التيدا غالية جدا وسعر اعادة بيعا مش زي الكيا
انت لو مش فارق معاك الماليات واسعار قطع الغيار وسعر اعادة البيع يبقى التيدا
ولو تفرق معاك الحاجات دي يبقى السيراتو

التيدا تقفيل اليابان مش مصر

الصنى هى اللى مصرى

[Cutevampire]

من كل النواحي ::::ما عدا الشكل و الكماليات طبعا ::::
التيدا الافضل بس تصميمها سيء إذا ما قورن بالتصميم الانيق للنيو سيراتو وكماليات السيراتو بتعمل جو في العربيه مفقود بالتيدا

لو انت عايز حاجه عمليه وماتتحسدش
go 4 the tida

+1111111111111111111
الراجل جابلك من الاخر
الشكل اذواق ... بس انا بشوف شكل التيدا الاسوء في فئتها .. رغم انها كعربية راااائعة

[mameen]

التيدا تقفيل اليابان مش مصر

الصنى هى اللى مصرى

لا يا باشا خلاص كان زمان
دلوقتي التيدا وا الاكس تريل كمان بتتجمع في مصر

[ghost1900]

لا يا باشا خلاص كان زمان
دلوقتي التيدا وا الاكس تريل كمان بتتجمع في مصر

لا يا زعيم التيدا يابانى، الاكس تريل والصنى تجميع مصرى.

[mameen]

لا يا زعيم التيدا يابانى، الاكس تريل والصنى تجميع مصرى.

ممكن حضرتك تقرا خبر الاحتفال بمرور خمس سنوات على انشاء مصنع نيسان مصر وحتلاقيهم بيتكلمو على ال3 موديلات دول
بالاضافة ان لي 2 اصحابي بيشتغلو في المصنع

[Ahmed.TV]

يا جماعة واحدة واحدة بس وبلاش نسمع كلام الجرايد , والكلام اللى بيتقال ان التيدا بتتفل فى مصر ده ولازم نتاكد من الناس اللى معاها العربية وكمان من الناس اللى دايمة المرواح والمجى على التوكيل وعارفة الاخبار

الحاجة التانية , اى عربية اذواق وكل واحد وهو حابب محتاج ايه لروحه ,واللى يناسب فكره وحياته , هل كماليات على حساب خامات , هل شكل على حساب حاجة اخرى , هل ثبات , لانه من هواه الجرى بعد ال 160 فى شوارع مصر الجميلة !!

بالنسبة ليه انا , وبعد فترة كبيرة من التدوير على عربية عشان اقتنيها واكون مرتاح فيها ومطمن معاها فى كل حاجة وبعد تدوير اكتر من سنة , استقريت على التيدا بلس

التيدا خامات داخليةةةةةةة جيدة جداااا وانا معايا التيدا الجلد الطبيعى فيها بنسبة 85 % فى الطابلوه والابواب والبلاستيك مش موجود الا فى النص عند الكاست ومن النوع الممتاز كمان

التيدا احسن عربية فى فئتها فى استهلاك البنزين , ومش بحس باى تاثير كمان فى السحب وانا مشغله وتلجججججججججججج

التيدا سحبها فى الجرى والشد بسم الله ماشاء الله على الكيك دون بتعها فظيع بجد

التيدا الجنط وحط ميت علامة وخط تحت كلمة جنط دىىى جنتطها يابانى مش صينى ولا كورى , والكاوتش اللى راكب فيها بريدج ستون وانزل براحتك يامعلم فى اى مطب من غير خوف

التيدا ثابتها على فى الملفات لغاية 120 كمان , عاوزين ناخد ملف عل كام كمان !! واسالو ناس كانوا معايا من المنتدى ولما قولتلهم انا واخد الملف على 110 لقتهم قالو احنا مش حاسين بحاجة

التيدا من جوة واسعه جداااااااااا واللى بيقعد بيقعد مرتاح فيها 3 جنب بعض

التيدا كمان تجميع الماتور بعد ال 170 سهل جدا وكانت بتجيب معايا بسهولة لان كمان عدد لفات الماتور على 4000 ولسه بيقول , بس ثبات العربية بيقل بعد 170 لانها ساعتها محتاجة لجنط 16 , وانا بطبيعتى مش بحب اجيب اكتر من 140 فى السرعة , ولما جبت ال170 كان عشان تجربة

التيدا باور كهرباء وتقيل على السرعات المنخفضة وبيتقل اكتر على السرعات العاللية بعد ال120 بالظبط

كل كلامى ده عن تجربة , وكمان اللى عاوز يجي ويتاكد من كلامى انا تحت امره

توكيل محترم بشهادة الجميع

قطع غيار اسعاره معقولة بالنسبة لليابانى واللى شايفها غالية , اقوله دى قطع غيار يابانى وده حال قطع غيار اليابانى لانها معمرة ومش حتغيرها ميت مرة

كمان العفشة بتعتها رياضية بتاعت البلس بس مش ناشفة اوى , وسحب العربية ناعم والعزل الصوت والماتور مش تسعمه ابدا الا بعد 130 ومش عالى اوى بازعاج

بصراحة انا جبت العربية البلس مستعملة عاملة حوالى 20 الف كيلو وكان بامكانى اجيب النترا زيرو او سيراتو خليجى اللى ب116 الف كمان , وفضلت اخد التيدا , بعد استخارة ربنا سبحانه وتعالى , وفعلا والحمد لله مبسوط جدااااااااااااااااااااااا بيها بجد ولو رجع بيه الزمن لورا تانى حتشريها

[AhmadKamal]

Tiida is a Japanese car,

This information is from Nissan Egypt

The cars assembled in Egypt by Nissan is: Sunny , X-Trail and the Nissan truck.

Please mention the correct information before saying misleading ones,

Thank You


Cheers

[م.محمد علاء]

ممكن حضرتك تقرا خبر الاحتفال بمرور خمس سنوات على انشاء مصنع نيسان مصر وحتلاقيهم بيتكلمو على ال3 موديلات دول
بالاضافة ان لي 2 اصحابي بيشتغلو في المصنع

tiida is a japanese car,

this information is from nissan egypt

the cars assembled in egypt by nissan is: Sunny , x-trail and the nissan truck.

Please mention the correct information before saying misleading ones,

thank you


cheers

تيدا إيه اللي بتتقفل فى مصر...
لا يافندم خالص..
زى مالبشمهندس أحمد بيقولك ....
التلت موديلات اللى حضرتك قصدك عليهم هما اللى إتقالوا فى مشاركته...
التيدا يابانى ميه الميه...
و ده مش معناه ان النيسان المجمعه محليا فى مصر وحشه...إطلاقا...
الفركه فى الصناعات المغذيه فى مصر عندنا على قد حالها...والحمد لله انهاعلى القد...فمنتجات المصريه الداخله فى السيارات المجمعه فى مصر محدوده..

[ahmed.mohy]

شكرا جدا على ارائكم ولى تعليق
- ان التيدا بلس فيها كماليات معقولة أقل بعض الشئ من السيراتو
- وأعتقد ان جمال أي عربية بيكمل بالأداء مش الشكل بس.

[caysersosaih]

التيدا ياباني 100%

[yahyazidan]

بصراحة انا معايا السيراتو لكن باحترم التيدا جدا جدا مادامت يابانى لكن اللى خللانى ماشترهاش هى تجربتى مع المازدا فاميللى وقطع غيارها المولعة والنصيحة اشترى السيارة الرائجة باسوق حتى لو اقل فنيا(حاجة بسيطة) عشان تديها حقها فى الصيانة وتعرف تبيعها وتمنياتى لك بالاختيار الصحيح

[Hacker5]

تيدا عن تجربة
سحب غير طبيعى
تكييف قوى جدا غير موثر على سحب السيارة
ابعادها واضحة و سهلة الحفظ
استهلاك بنزين ممتاز جدا
عزل صوت ممتاز مش هاتسمع اى حاجة برا العربية
يابانى 100 %
عمر افتراضى طويل
صالون مريح و خامات عالية جدا

[Ahmed.TV]

صدقنى عن تجربة عملية ومن شرائى كمان لعربية مش زيرو ومستعملة وهى التيدا ,اقدر اقولك حتاخد اداء على المد الطويل ولسنين لقدام هائل , وفعلا ابتديت اشوفها فى كذا مكان وعربية تستاهل كل قرش فيها
واذا كنت حابب تجرب وتحكم بروحك على الطبيعة انا تحت امرك
وعلى فكرة ولا واحد من ملاك التيدا الحمد لله اشتكى من عيب فى العربية فى الماتور او الفتيس او العفشة او اى شكوة فى الحاجات الاساسية فى العربية
وفعلا جمال العربية الفعلى فى ادائها وخصوصا ادائها على المدى الطويل
وبردوا اللى ترتاح فيها اشتريها على طول
بس اهم حاجة تعملها صلاة الاستخارة, لان ربنا سبحانه وتعالى الهمنى ويسر لى الطريق لاتجاة تانى , من كنت حشترى زيرو وكورى سواء كان النترا او سيراتو وكانت مزغللة عينى جامد وبردوا بحترمها الى يابانى ومستعمل كمان ,
وكمان كان ممكن بردوا اجيب زيرو يابانى وتيدا بس جبت كنت حجيب اول فئة فيها
وفى الاخر جبت التيدا بلس مستعملة , بسعر معقول , والحمد لله مفهاش الهواء
والاجمل بجد تحس فيها بكل حاجة يابانى فعلا , من اداء ,من خامات , من عفشة , من فتيس , من سحب , من تكيف
وعل العموم زى ما قولتلك متنساش صلاة الاستخارة , وهى اللى حتريحك وتوصلك الى الطريق السليم , سواء تيدا او سيراتو , لان فعلا بعد الاستخارة بتحس براحة نفسية كبيرة
وربنا يوفقك