محتار بين السوبارو والبرافو

[A. Ibrahim]

السوبارو ضيقة جدا , قطع غيار استيراد قليلة . موتور ضعيف وتسارع خانق, شكلها من قدام وحش قوي

البرافو 150 مانوال بس , بنزين 95 بس , التعليق الخلفي مش مستقل , الصدمات الامامية مكلفة أكتر إن السوبارو

دي عيوب الاتنين في نظري

البرافو 120 أوتوماتيك هاي لاين هتكون صفقة رابحة ليك وماتنساش فرق الفخامة والكماليات الحديثة زي بلو مي وحساسات الضوء والمطرو الباور الكهربائي وغيره وغيره في البرافو ومش في السوبارو

الله ينور جبت من الاخر:b4_282:

[raheeb]

السوبارو ضيقة جدا , قطع غيار استيراد قليلة . موتور ضعيف وتسارع خانق, شكلها من قدام وحش قوي

البرافو 150 مانوال بس , بنزين 95 بس , التعليق الخلفي مش مستقل , الصدمات الامامية مكلفة أكتر إن السوبارو

دي عيوب الاتنين في نظري

البرافو 120 أوتوماتيك هاي لاين هتكون صفقة رابحة ليك وماتنساش فرق الفخامة والكماليات الحديثة زي بلو مي وحساسات الضوء والمطرو الباور الكهربائي وغيره وغيره في البرافو ومش في السوبارو

على فكرة انا سوقتها فى التوكيل سوبارو موديل 2009 هى
مختلف معااك انها ضيقة هى كويسة من جوا الشنطة الهاتش باك صغيرة قوى
متفق معاك قطع الغيار وكيل بس
التسارع بطئ علشان awd لو مانيوال هاتتغلب على الموضوع ده
الشكل وحش او حلو دى اذواق يا باشا ومش مختلف ومش متفق معاك
نيجى للبرافو فعلا لو صدمات امامية الفانوس لواحده 5000 جنيه وده انا شايفه عيب مقارنة بالسوبارو 1500 جنيه بعد كده انا متفق معاك ان كماليات البرافو افضل من كماليات السوبارو
بس العربيتين مش سهل البيع بتاعهم
انا شايف اوكتافيا فانتازيا احسن منهم واحسن من السيات كمان

[DONALD66]

مبدئياً ياجماعة اللى بيقول ان السوبارو ديقة يبى ممكن مخدش بالو كؤيس بس تانى حاجة الاعتمادية بتاعتها فوق الممتازة طبعاً ثبات و تعليق و عفشة فوق الممتازة تصميم موتور مختلف بيخلية كلة مغمور فى الزيت ( كل 2 اسطوانة قصاد بعض ) تقفيل و خامات ممتازة و قطع غيار معمرة جدا جدا جدا انما السحب مش قوى بس مش ضاااايع يعنى !!! يا جماعة متحسسونيش ان الراجل بيتكلم على 128 لو العربية دى بتنزل بالموتور كانت بقت روعة علشان الشد والسحب مش كدة اكننا بنتسابق مش بنقارن عربيتين ببعض !!

[yoko]

بص موتور البرافو
كماليات البرافو
أمان الإتنين
الثبات الإتنين وال١٥٠ حصان فيها esp يعني لو عملت إيه إنسا إنها تعرض منك على الطريق
أسعار قطع الغيار مش فرق كبير لكن حكايه الفنوس الي ب٥٠٠٠ ألاف ده عشان زينون وبيتحرك يمين وشمال مع الدركسيون وكمان مفيش كاوت للزينون كله مدمج جوه الفانوس!!!
الخامات والتابلوه أنا شايف البرافو -بس ممكن ناس تشوف العكس-
إستهلاك بنزين لصالح البرافو بقفارق كبير لكن لازم ٩٥
عارف لو كانت السوباروا ال٢٥٠٠ سي سي بتاعت بره كنت هقولها هي أكيد لكن ال١٥٠٠ في مصر على awd على عربية بالوزن ده بجد حرام وظلم ليها

[ahmedelkadi75]

بصراحة يا جماعة انا بفكر ولا فى سوبارو ولا فى برافو وهاقولوكم السبب انا حاليا من تدويرى جيدا الأحسن منهم اوكتافيا فانتازيا مانيوال
البرافو شديدة والأوبشن اللى فيها موجودة فى الأوكتافيا ماعدا esp وطبعا الأوكتافيا مش محتاجه ليه وفيها asr + انها ألمانى مع انى مش بحب اذكر بلد المنشأ لأن كل واحد ليه مزاياه وليه عيوبه
يبقى لو جبت اوكتافيا هاطلع من عيب بنزين 95 اللى فى برافو + الفانوس الأمامى مش هايبقى 5000 جنيه :) يبقى فيه عيب واحد هى التسارع تقريبا تسارعها زى السوبارو وطبعا احنا طرقنا مخنوقة لوحديها تانى حاجة ساعتها هابطل اشد واحرق على الغيارات
تانى حاجة لو قارناها بالسوبارو هاتفرق عنها فى الكماليات وسعر البيع المستعمل وقطع الغيار والتسارع هما قريبين من بعض طبعا انا بتكلم ان المقارنة دى فى المانيوال فقط محتاج ردكم علشان اعرف هل انا بتكلم واقعى ولا فى حاجة لفتت منى

[yoko]

انا بصراحة لو مكانك هفضل متمسك بالبرافو أما حوار الفوانيس فالتأمين هيشيل!!!
أما حكايه ال٩٥ فالبرافو في السواقة العاقله هتبقى تمن البنزين هيتعوض في الإستهلاك
ولو تحب تجيب ال١٢٠ الفول أوبشن وبنزين ٩٢ والفانوس ب١٣٠٠ جنيه تقريبا بس هتبقى سيمي أوتو ٥ نقلات ومن غير زينون وجنوط ١٦