تشتري إيه اللي يعجبك و لا اللي يعجب الناس ؟

[MaZaGAngeE]

عايز تشتري عربية ؟
ده حقك طبعا ...... بس هتجيب عربيه إيه ؟
على ذوقك و ر على ذوق المدام و الأولاد ؟
و لا هتاخد رأي أصحابك و زمايلك في الشغل ؟
طيب هتاخد برأي المنتدى و أعضاءه يالذات الأعضاء اللي عندهم العربية اللي بتفكر فيها ؟
و ر هتشتري العربية اللي هتعرف تبيعها بسهولة في السوق ختى لو كانت مش داخلة دماغك قوي ؟


قولنا رأيك

[yoko]

هجيب الي يعجبني بعد ما أعرف عيوبه من ملاك العربيه!!!
وأكبر دليل اللينيا وكمان الموبيل سوني إركسون x1 وحجات تانيه كتير

[M.Osman]

اللي يعجبني طبعاً

بس عمري ما هشتري صيني
لأني بكره الصين و الشعب الصيني

(و ايوا هفضل اقول الكلمتين دول كتير)

[Hosam_Optrawy]

هاشترى اللى يعجبنى وعلى ذوقى

والحمد لله الواحد اخد خبرات من المنتدى واعضاءه تخليه يقدر يختار بنفسه بنسبة 90 %

ويستشير اعضاء المنتدى والاصدقاء والاهل بنسبة 10 % عشان برضه لو فى حاجه لسه ميعرفهاش

[amr5500]

اكيد حاشتري اللي يعجبني واكون مقتنع بيه

[yasserelsayad]

هاشترى اللى يعجبنى وعلى ذوقى

والحمد لله الواحد اخد خبرات من المنتدى واعضاءه تخليه يقدر يختار بنفسه بنسبة 90 %

ويستشير اعضاء المنتدى والاصدقاء والاهل بنسبة 10 % عشان برضه لو فى حاجه لسه ميعرفهاش

+1

[pro_samir]

كـل اللي يعجبك ... واركب اللي يعجبك برضو

بس لو ناوي علي بيع قريب يبقي هترتبط باللي ماشي في السوق

[Eng.Sameh]

عشان تشتري اللي يعجبك .. لازم تتجاهل تماما نقطة اعادة البيع ، وبرضو تكون ليك رؤية وفاهم ازاي تختار وفاهم كويس في العربيات عشان يكون فعلا بتختار باقتناع مش بتشري مثلا بالشكل وخلاص ، يعني لو بتفهم وركيب وعارف بتشتري ايه ومش بشتشري لغيرك ( اعادة البيع ) يبقى اشتري اللي يعجبك ، لكن لو بتشتري عشان تركب وخلاص وملكش قوي في العربيات ، يبقى خليك ماشي ورا الناس احسنلك ،

أنا عن نفسي بشتري اللي يعجبني واقتنع بيه حتى لو طوب الرض قالي لأ

[elmadawy]

طبعا حشتري ال يعجبني مش ال يعجب الناس لانهم مش حيدفعولي الفلوس انا ال حدفع طبعا

[د.محمود صلاح]

المثل بيقول كل اللي يعجبك والبس اللي يعجب الناس .. فلو العربية للمنظرة زي اللبس يبقى اركب اللي يعجب الناس , اما لو العربية للتعايش في الحياة يبقى اركب اللي يعجبك زي الأكل !!

[hero_hamada]

اكيد العربية وسيلة من وسائل الترفيه فى مجتمعنا
او المنظرة من الاخر
يبقى هتركب الى هيعجب الناس او تحس انه افخم قدام الناس

[eng.octooo]

لا هاشترى الى يعجبنى ولا هايعجب الناس !!!

هاشوف الاول شوية خطوط لازم تكون موجودة فى العربية

1- وسائل الامان .

2- عربية اعتمادية ومتجربة من حد ثقة .

3- تكون مناسبة لمشاويرى ...مش اكون فى العاصمة واجيب حاجة اوف رود ( لا مؤاخذة الى بيعمل كدة علشان المنظرة
).

4-يكون مصاريفها على قدى ( يعنى مش اجيب حاجة 5000 سى سى واقول البنزين غالى !!! ) .

5- العربية ليها مركز صيانة قريب منى ومشاكلة قليلة .

6- العربية يكون ليها سوق فى بلدى ( يعنى فى الصعيد والاقاليم البيجو والمرسيدس القديم بيفضلوهم عن العربيات الجديدة ).

7- شكل مناسب وما اكنش متدايق منة .

بس كدة ....

[M!SHO]

لا هاشترى الى يعجبنى ولا هايعجب الناس !!!

هاشوف الاول شوية خطوط لازم تكون موجودة فى العربية

1- وسائل الامان .

2- عربية اعتمادية ومتجربة من حد ثقة .

3- تكون مناسبة لمشاويرى ...مش اكون فى العاصمة واجيب حاجة اوف رود ( لا مؤاخذة الى بيعمل كدة علشان المنظرة
).

4-يكون مصاريفها على قدى ( يعنى مش اجيب حاجة 5000 سى سى واقول البنزين غالى !!! ) .

5- العربية ليها مركز صيانة قريب منى ومشاكلة قليلة .

6- العربية يكون ليها سوق فى بلدى ( يعنى فى الصعيد والاقاليم البيجو والمرسيدس القديم بيفضلوهم عن العربيات الجديدة ).

7- شكل مناسب وما اكنش متدايق منة .

بس كدة ....

+111111111111111
متفق معاك تماما

[karioky]

هجيب الي يعجبني بعد ما أعرف عيوبه من ملاك العربيه!!!
وأكبر دليل اللينيا وكمان الموبيل سوني إركسون x1 وحجات تانيه كتير

معلش سؤال بر الموضوع أية نظام sony ericsson x1 علشان ناوى اجيبو بس مش لأى حد أسئلو عليه

[etsh1413202]

المثل بيقول كل اللي يعجبك والبس اللي يعجب الناس .. فلو العربية للمنظرة زي اللبس يبقى اركب اللي يعجب الناس , اما لو العربية للتعايش في الحياة يبقى اركب اللي يعجبك زي الأكل !!

طول عمرك باشا في ردك ....... الكلام ده مضبوط ..يعنى لو شاب وجايب العربيه عشان الكليه والوز والمنظره وكده يبقى هات الى يعجب الناس .... اما لو عربيه تقضي بيها مصلحتك يعنى شغل مشاوير سفر ...يبقى هات الى يعجبك ويريحك اى كان عجبك ليه سواء استشرت اصحابك او من المنتدى او اى وسيله تانيه
وفي مثال على الموضوع ده حصل مع واحد صاحبي .. اول ما دخل الجامعه وكده راح خلى ابوه جابله هيونداى كوبيه اوى ما نزلت .... خلص بيها الجامعه وظبط حاله وعاش ايامه وبعد اما بدأ يشوف حياته بقى وشغله راح باعها وقتي وجاب سيفيك ...