نيسان صنى و لا كيا كارينز من حيث الكفاءة فقط

[Bishoy.Girgis]

أحلي منتدي في يوم ضربت في دماغى اني اجيب كيا كارينز و كنت خلاص هبيع العربية و الغريبة اني لاقيت المشتري كان هيخدها بـ 85000 جنيه عربية اي اكس اوتوماتيك 2009 زي ما كنت عايز ابيعها .
المهم انا لما لاقيت الراجل موافق علي السعر ..... انا رجعت تاني افكر ... لأني خفت اني اخسر عربيتي .... مش مهم الفلوس لكن العربية جميلة
عشان كده انا حبيت اعمل استطلاع الرأي ده عشان اعرف ارائكم
شكرا جزيلا

[khela]

لازم يكون حد جرب الاثنين علشان يقدر يقارن بس هى عموما الكرينز عملية وجميلة

[mohamedhamam]

لو سؤالك من ناحية الكفاءة فقط فالصنى أفضل و كل ما هو يابانى أفضل و الصناعة الكورية من أسرار تفوقها أنه تعمل من خلال المواصفات القياسية اليابانية و لذا أثبتت الصناعة الكورية بمختلف منتجاتها الكفاءة و التميز على مستوى العالم فما بالك باليابانى الأصلى لعلى أكون عبرت بدقة عن وجهة نظرى و لكن الكارينز عربية شيك و عملية و عائلية

[hugan]

حسب الحاجه الكارينز عائليه اكتر من الصني مش هيا 7 مقاعد ولالاءلو مش 7 مقاعد تبقي الصني افضل

[MoToMaN]

الكارينز افضل في التقفيل و الراحه و اكبر في الحجم و اوسع
النيسان افضل من حيث الموتور و الثبات نسبيا
و عموما هما فئتين مختلفتين لا يجوز المقارنه بينهم بالمطلق .ز لكن دي بتتميز في حاجات و العكس صحيح