كيا ريو او رينو سيمبول

[caroline_ramzy]

انا بفكر اشترى كيا ريو او رينو سيمبول بس بصراحة مش عرفه ايه احسن و ليه؟؟؟.. هى فعلن عربيه كويسه؟؟؟
و صناعتها ايه؟؟
و فيها abs؟؟
و سعراها فى مصر كام ( اتوماتيك \ مانوال)
و لو مش كويسه, ايه احسن بس يكون السعر 75,000

[zeyad_f]

والله انا كمان محتار زيك يا استاذ رمزي , بس انا الريو دي مش في حسباتي خالص علشان اتا كنت بقارن بينها وبين النيسان صني والسيراتو
علي العموم كان في واحد عمل مقارنة بين الريو و السيمبول هتلاقيها في الينك دة

http://www.nilemotors.net/Nile/129621-a.html

[attaromar]

نا ماعرفش كتيير عن الرينو سيمبول بس في القسم بتاعها هاتلاقي معلومات كتيير عن العربية و مش هاتلاقي كتيير اصلا راكبين الكيا ريو...
-عربية سوقها ميت و مش سهل اعادة بيعها
-الوكيل حقيقي محترم و اكيد قطع غيارها ارخص نسبيا من الرينو
-عربية موتور 1600 سي سي اتو 110حصان يكاد يكون استهلاكها للبنزين مقارب للسيمبول
-نفس اداء السيمبول و زيادة على كده ثبات السيمبول افضل
-علو شنطة الريو في تقديري عيب مش ميزة
-اصلا الريو 2010 ماشوفتش بني ادم راكبها لأن العيب الأساسي فيه ان ما فيهاش عداد حرارة
-طيب و النيو اكسنت بنت خالتها مافيهاش عداد حرارة...بس اعتمادية عالية ولو زعلت اي زبون فسعر اعادة البيع مش وحش
-الرينو سيمبول انتشارها في الشارع اكتر=اعتمادية اكتر=قطع غيار بتتوفر اكتر
-للأسف انا ماسوقتش الريو لأن ماحدش جايب 2010 ببساطةلأنها غالية جدا على الإمكانيات بتاعتها..وهي حرب بين غبور و نصير و غبور كسب الجولة في الأكسنت نسبيا و وقع نصير في الريو بس طلبات النيو اكسنت على غبور كتيير و ياريت يقدر يوفي
-الريو اقل وقت استلام من الوكيل 10 ايام و أغلى 5000 جنيه....لو افاضل بين الريو و السيمبول اختار طبعا السيمبول

[ahmedegypt]

بالسعر ده ممكن فيرنا اوتو زيرو او

صنى اوبترا يوزد

[mohamed hamdym]

السلام عليكم
أنا أخذت قرار شراء السيارة في أكثر من عام
وكنت حائر بين كيا ريو وهيونداي نيو اكسنت ثم استقريت على كيا ريو
لغاية ماشفت السيمبول مع صديقي وغيرت قراري 180 درجة في 3 أيام فقط وقررت شراء السيمبول اوتوماتيك
واستلمت من حوالي 10 ايام
عربية هايلة وغاية في الروعة بها بعض الامكانيات مش موجودة غير في الانترا وانت طالع (كمبيوتر رحلات - abs ـ ايرباج - تحكم في مستوى الاضاءة - نور ضباب - 3 حزام امان للكنبة الخلفية - شنطة كبيييييييييييييييييرة - 0000000000000000000000 الخ)
وفي نفس الوقت بحكم شغلي كمهندس مدني في المواقع فكل شوية الشركة بتغير العربيات اللي بنركبهاوالمقارنة بينها وبين اكسنت وريو من وجهة نظري لصالحها وعن تجربة
*صالونها الداخلي اوسع بمقدار 10 سم من اكسنت و 8 سم من الريو (عن مقاسات فعلية)
*الريو مافيهاش عداد حرارة
*موفرة جدا موتورها 1400 سيسي بس 16 فالف بقوة 98 حصان عند 5400 rbm
موتور اكسنت وريو 1600 سيسي 106 حصان عند 6000 rbm
موتور ريو 1600 سيسي 112 حصان عند 6000 rbm
*انا شخصيا قطعت بيها مشوار اسكندرية رايح جاي من غير تكييف بمعدل حوالي 8 لتر/ 100 كم (انا لسة بلين)
*العفشة في السيمبول انعم واريح وعن تجربة بشرط ضبط ضغط هواء الاطارات طبقا للكتالوج
*الوكيل واحد لرينو وكيا وهو الشركة المصرية العالمية للسيارات وتعاملهم واحد
لكن غبور اعوذ بالله اخويا معاه فيرنا مابقاش يروح الصيانة في التوكيل من الزحمة والتاخير وبقى يروح مراكز خدمة
*للاسف سعر اعادة البيع لصالح الاكسنت ثم الريو ثم السيمبول وده مش عيب في العربية ولكن هي دي ثقافة سوق السيارات في مصر
اسعار قطع الغيار اغلى ولكن معمرة اكتر وبالتالى تبقى ارخص
........ واخيرا لولا اختلاف الاذواق لبارت السلع
وربنا يهدي الناس كلها للخير

[fadymedhat]

أنا شايف ان الريو و السيمبول الاتنين ملهومش سوق فى مصر و الواحد يجيب العربية غالية و كل صيانتها فى التوكيل و ملهاش قطع غيار برة التوكيل و لما تيجى تبيع تخسر كتير و تبيعها فى سنة...فى عربيات كتير ب 75000 مثل:هيونداى نيو أكسنت-هيونداى جيتز-هيونداى فيرنا أوتوماتيك-شيفروليه لانوس-شيفروليه أفيو....

[tito_1980]

لا دي و لا دي
مع ان العربيتين كويسين جدا و التوكيل بتاعهم ممتاز
بس مش منتشرين خالص و سعر اعاده بيعهم ضعيف
فمن رأيي حضرتك ممكن تجيبي رينو لوجان كامله ب
69000 جنيه مانيوال ( عربيه ممتازه )