Tweet
ارجو المقارنة بين شيفورليه سبارك و هيونداي اتوس و سبرانزا A113
السيارات الثلاثة من نفس الفئة مع بعض الفوارق في السعر. ارجو من يحدثني فنيا عن الفرق بينهم
السيارات الثلاثة من نفس الفئة مع بعض الفوارق في السعر. ارجو من يحدثني فنيا عن الفرق بينهم
-
-
السيارات الثلاثة يندرجوا تحت فئة الهاتشباك صغيرة الحجم.
المحركات:
الاتوس 1100 سيسي
السبارك 1000 سيسي
السبرانزا 1300 سيسي
طبعا بدون أي كلام الإسبرانزا أقوي محرك فيهم خصوصا علي البودي ده...مع العلم ان وزنها 980 كيلوجرام ...بس ده لا يمنع ان بقيه المحركات قوية و علي أحجام السيارات...
الشكل :
السبارك أسواءهم بجدارة.
الاتوس جميلة و أحسن من القديمة بكتير
الاسبرانزا مدية علي Mpv شوية ...يعني مره كانت واقفة جنب ماتريكس حسيت ان فيه شبه كبير مبينهم....بس مازالت محتفظة بكونها هاتشباك جميلة...و الفوانيس و شكل الخارجي متناسق كله معبعضه....
الحجم و الوسع الداخلي:
الاسبرانزا تتفوق علي الاتنين بمراحل من ناحية الوسع و الحجم الداخلي و تقريبا في نفس مساحة الجيتز ان مكانش أكتر....الكنبة مريحة جدا و واسعه و تشيل 3 بني أدمين مرتاحين جدا
و السبارك اعتقد اديقهم لأن هي هي الماتيز القديمة...بالإضافة لعرضها القليل.
الاتوس متوسطة بس حلوه و واسعة برده بس مش زي الاسبرانزا
الشنطة أعتقد كلهم هيبقوا واحد...بس برده السبارك أصغرهم...و إن كانت الاسبرانزا ينفع تتني الكنبة و تخليها نص نقل ورا.
الكماليات:
الاسبرانزا حدث ولا حرج...كل اللي بتحلم بيه هاتلقيه فيها....4 ازاز كهرباء..مرايات كهرباء...سي دي ام بي 3...فرامل Abs (شغالة فعلا:d)تكييف ...باور...سنتر...ريموت...وحدات رفع...فتح شنطة و تنك من جوة...باختصار مش هاتحتاج تركب فيها حاجة بعد متجيبها.
الاتوس و السبارك متواضعين في كمالياتهم..و ان كان بهم تكييف و باور و أعتقد سنتر
التوكيل:
افضل الثلاثة هو منصور طبعا...و ياتي غبور و أبو الفتوح في منطقة متساوية من حيث الطلسقة و الكروتة و عدم الاهتمام بالعميل...و مبدأ بيع العربية و انسي الزبون:d...بس ابو الفتوح تعاقد مع مرراكز جديده فا بقي مش لوحده اللي شغال فيها.
السعر:
طبعا اهم حاجة في الفئة دي هي السعر عشان دي فئة يا تشتري مستعمل و تستحمله يا تدفع مقدم و تقسط الباقي...الا بقي لو معندكش مانع تركب سيارة صغيرة...
الاسبرانزا 50900 جميع الكماليات
الاتوس 56000 فاضية
السبارك برده 56000 بس فيها ازاز كهرباء تقريبا
طبعا السعر محسوم برده لصالح الاسبرانزا
النتيجة...
معلش مش هاقول رأيي علشان تفكر بتمعن و تدرس كل حاجة بنفسك عشان تبني رأيي صحيح مبني علي اقتناعك الشخصي و ارتياحك.
انزل بص علي الثلاثة في المعارضو اقعد فيهم..و لو تعرف حد معاه جربهم
ياريت بقية الاعضاء يشاركوا بمعلوماتهم عن الاتوس و السبارك عشان معنديش معلومات كافية عنهم[CENTER][SIGPIC][/SIGPIC][/CENTER] -
بصراحة أجمل من السؤال ،،
ردك يا أ / نادر ،،،
اتمني يبقي كل الناس عندهم الموضوعية و التحليل المنطقي ده ،،،،،
أنا معنديش خلفيات بالثلاثة ،،
و لكن عاطفيا باستريح للسبارك اكتر بحسها اشيك و علامة شيفرولية عليها ليها بريق ،،
و ماديا و إمكانيات طبعا الإسبرانزا اعتقد سعرها يشفعلها ،،
يعني يوم متطلع مقلب كبير هتستحملها ثلاث سنين و هتبيعها بكام بعد كده ؟؟؟Comment
-
شكرا على الرد الوافي يا استاذ نادر. فعلا معلومات مفيده وتحليل هايل.
انا كنت مستريح للسبارك وحجزتها من غير ماشوفها بس لما شوفتها وجدتها صغيرة جدا و شكل المواد المستخدمة في الصالون مش متين. زيها زي الإسبرانزا يعني. يبقى الإسبرانزا احسن عشان السعر والحج والكماليات. ولا ايه؟
ايه رأيك ومقارنتك بين السيارات الثلاثة من حيث المتانة.
من الممكن الغاء حجز السبارك بس لازم أقرر بسرعة.Comment
-
بالعكس....خامات تابلوه الاسبرانزا نضيفة جدا...و متماسكة..متحسش فيها بشعور البلاستيك الهش...حتي التفاصيل الصغيرة معتني بيها كويس و متلاقيش حاجة مفارقة ولا زيادة في الكاوتش و البلاستيك....العيب الوحيد فس نظري هو فرش الأبواب القماش....هايتبهدل بسرعة قوي مع الاستخدام...بس أكيد له حل يعني...
و علي فكرة قفلة الباب بتاعت الاسبرانزا حلوه جدا..مكتومة و تحس ان الباب تقيل مش بيرزع[CENTER][SIGPIC][/SIGPIC][/CENTER]Comment
-
شكرا استاذ نادر (بس لي ملحوظه وطلب)
اولا الملحوظه :
موضوع الاسعار دي مش صحيحه لاني سألت علي الاسعار لقيتها اعلي من كده - يعني الاسبرانزا عمله 57500 والتسليم حالا
والاسبارك عامله 55 الف والتسليم بعد 3 شهور او 58 الف والتسليم حالا
وانا معايا اصلا عربيه قديمه 124 فيات ومحتاج اجيب عربيه اول ما ابيع الي معايا علشان مينفعش لظروف شغلي ان استني 3 شهور التسليم
ثانيا الطلب:
محتاج المقارنه بنوع عربيتين كمان معاهم وفي نفس الفئة تقريبا
البيكانتو - زدي سعرها تسليم حالا : 60000 تكيف وكاسيت بس
وعربيه صبيني اسمها ايديا : ودي سعرها 49900 جميع الكماليات وتسليم حالا
ارجو الافادة والمساعدة وتصحيح الاسعار لو انا مش صح
شكرا
عمرو عادلComment
-
الاسعار صحيحة بالنسبة للاسبرانزا و ده سعر التوكيل الرسمي و الاستلام في خلال 3 شهور (يتبقي شهر و نصف )
لكن ال 57500 جه سعر تاجر حرامي أكيد..لأن سعر الفوري بيبقي مابين 53500 و 55000..
السبارك انا فاكر انها 55 و شوية عموما مش فارقة 1000 جنيه...
البيكانتو عربية جميلة جدا و من أكتر العربيات اللي بحبها في الفئة دي لكن لا سعرها و لا كمالياتها التعبانة يشجعوا علي شراءها أبدا
الايديا كويسة في ناس بتشكر فيها علي المنتدي هنا و ان كان في واحد بس ظهر معاه مشكله فيه...و كمان توكييلها ممش مضمون و مش معروف...بس هي انتشرت جامد و دي حاجة كويسة
أنا رأيي تدفع مقدم حجز العربية اللي عاجباك و تخلي ال 124 معاك لحد قبل ما تستلم باسبوع و اعرضها للبيع..و اول ماتبيع تاخد الفلوس و تكل بقيت المبلغ و تستلم العربية[CENTER][SIGPIC][/SIGPIC][/CENTER]Comment
-
شكرا استاذ نادر
شكرا علي الرد السريع بس محتاج من حضرتك لو تعرف تاجر كويس مش حرامي وعنده الاسعار الي حضرتك بتقولي عليها دي علشان اكلمه واشوف موضوع العربيه
بالنسبة لموضوع انتظار استلام العربيه انا عندي مشكلة وهي اني لما اشتريت العربيه دي انا جبتها عن طريق خالي وكنت واثق ان هو جايبلي حاجه كويسه بس قبلت مشاكل كتير فيها وقرفت منها خالص فلما قررت دلوقتي ابيعها انا عرفت بعد كده ان سعرها كان كتير عليها ملقيتش حد يخدها بالسعر الي انا جبته بيها من غير حتي المصاريف الي انا صرفتها فلقيت ان الي باعلي العربيه عن طريق خالي عايزه وبنفس السعر الي انا اخدتها منه فلازم ابيعه بسرعه علشان كده مينفعش استني 3 شهور
اردت التوضيح وشكراComment
-
حضرتك ممكن تراجع ملحق اهرام السيارات الجمعة الماضية في ناس زي (شاهر) عرضين الاسبيرانزا ب 55 علي ما اعتقدالمشاركة الأصلية كتبت بواسطة promise2008 مشاهدة المشاركة[CENTER]
[/CENTER]Comment
-
يا جماعه للعلم الأسبيرانزا فيها مشكله انا حضرتها فى التوكيل وكان العميل عامل مشكله كبيرة مع مدير الورشة لأن العربيه كان بقالها شهر واكتشف انها بتعوم بعد 100 كم[CENTER]My photo in this link[/CENTER]
[CENTER][URL]http://www6.0zz0.com/2008/06/03/17/724494123.jpg[/URL][/CENTER]
[CENTER][IMG]http://www.dupontregistry.com/Celebritycar/fall07/images/Fall07-p-DaveBatista-1.jpg[/IMG][/CENTER]
[CENTER][IMG]http://img702.mytextgraphics.com/sparklee/2008/03/11/7fd8941c8e39026b0869b277490175e0.gif[/IMG][/CENTER]Comment
-
عايز تفاصيل اكتر عن اسبرانزا 1300Comment
-
أنا وصلت امبارح لل 3 اختيارات دول برضه :)
بس استبعدت السبارك بيقولوا قطع غيارها غالية جدا .
السبيرانزا مغرية بامكانياتها و سعرها بس تقلق من المشاكل اللي حاصله مع الناس اللي جابتها و ال reselling كمان كام سنه هيعتمد إذا كانت اثبتت نفسها و لا لأ فهي مخاطرة.
اعتقد الاتوس هي الانسب معا اني لسه بشاور عقلي في الاسبرانزا :pComment
-
الافضل السبارك من جميع النواحى[url=http://www.postimage.org/image.php?v=aV1Q1oJA][img]http://www.postimage.org/aV1Q1oJA.jpg[/img][/url]Comment
-
الاتوس : بدون مشاكل-اقتصادية -قطع غيار متوفرة و معقولة -شكل احلى و بقى مطلوب-وسع داخلى حلو -سعر اعادة بيع جيد جداً-توفير بنزين هايل -مش هتحتاج التوكيل دايماًComment
Comment