طلب عاااااااااجل .. فلوانس ولا بومه و لا سيتى؟؟

[abdomalek]

السلام عليكم جميعا
ان شاء الله خلال الاسبوع القادم هنزل اتفق و ارتب لشراء اول عربيه ليا باذن الله
من فتره ليست بقصيره و انا متابع للمنتدى باغلب اقسامه و بستدل بيه للمساعده فى اتخاذ قرار الاختيار .. لكنى وصلت لمرحله وجدت نفسى محتاج بالفعل للمشوره .. لذلك لم اتردد فى كتابه الموضوع ده لما لمسته من روح طيبه بين اعضاء المنتدى و عدم تقاعسهم عن مساعده بعضهم البعض

بعد مقارنات عديده توصلت الى مرحله تتطلب الاختيار ما بين:

1-رينو فلوانس .. الفئه اللى ب 125000 (هتكون ب 128000 لو فورى علشان مش هقدر استنى الحجز)
2- لانسر بومه سبورت .. الى ب 127000
3- الهوندا سيتى الهاى لاين .. الى ب 129000

مع الاخذ فى الاعتبار طبيعه العمل اللى بتتطلب السفر باستمرار و طبعا كلكم عارفين الطرق الجميله بتاعتنا اللى مليانه مطبات و حفر فيفضل عربيه تكون عمليه فى النقطه دى .. و مش شاغل دماغى بحكايه اعاده البيع (على الرغم انها عامل مهم فى اختيار العربيه) لانى من النوع اللى لو ارتبط بعربيه مش هغيرها بسهوله طالما هى اصيله معايا

ان شاء الله ان متابع الردود خلال اليومين القادمين و هيكون عليهم عامل كبير فى الاختيار نظرا لثقتى فى كم الخبرات المتواجده فى هذا المنتدى الرائع

[fouady]

انا هقول ل حضرتك اللي دايما بقوله الفلونس احسنهم ك عربية بس وكل حاجة ليها تنزلت فـإنت هتتنزل عن اعدت البيع و قطع غير أغلى من اللنسر مثلا بس فـال مقابل معاك عربية برستيج وامكنيات مرضية جدا وأداء على الطريق السريع حلو جدا ده بالنسبة للفلونس اللانسر مش هتكلم عليها علشان معروف كل حاجة عنها السيتي نفس الكلام باتع الفلونس بس مطور اصغر وعربية اصغر وامكنيات قال بس كده وزي مقولة لا حضرتك لازم هتتنزل عن حاجة فـده ترجع لا حضرتك

[Ralliart]

اكيد احسنهم الفلوانس بس هتتنازل عن قطع الغيار والبيع وعن انك تركب هاي لاين (بتفرق مع ناس)
اللانسر حمالة اسيه ممكن تمشي بيها في اي حته مبتقولش لأ وقطع غيرها موجوده في اي محافظه في مصر باسعار رخيصه (مع ان سعرها مبالغ فيه لقدم الموديل) بس دي احسن عربيه في اعادة البيع في مصر ،فدي ميزه ممكن تعوض فرق التمن لانها بتحتفظ بتمنها جامد
السيتي حلوه بس قطع غيارها مبالغ فيها بالنسبه لعربيه المفروض انها اقتصاديه ،يعني ممكن ادفع فلوس كتير في قطع غيار الفلوانس بس مدفعش في السيتي نظراً لفرق الحجم والموتور والفئه

[M!SHO]

فلوانس
بومه
سيتى

[just_magdy1]

فلوانس لو مش هاتبيع بسرعة وعندك المقدرة لتكلفة صيانتها ... لو لا
هات سيراتو او النترا

[abdomalek]

[overline]اشكركم على سرعه الرد[/overline]

انا هقول ل حضرتك اللي دايما بقوله الفلونس احسنهم ك عربية بس وكل حاجة ليها تنزلت فـإنت هتتنزل عن اعدت البيع و قطع غير أغلى من اللنسر مثلا بس فـال مقابل معاك عربية برستيج وامكنيات مرضية جدا وأداء على الطريق السريع حلو جدا ده بالنسبة للفلونس اللانسر مش هتكلم عليها علشان معروف كل حاجة عنها السيتي نفس الكلام باتع الفلونس بس مطور اصغر وعربية اصغر وامكنيات قال بس كده وزي مقولة لا حضرتك لازم هتتنزل عن حاجة فـده ترجع لا حضرتك

اكيد احسنهم الفلوانس بس هتتنازل عن قطع الغيار والبيع وعن انك تركب هاي لاين (بتفرق مع ناس)
اللانسر حمالة اسيه ممكن تمشي بيها في اي حته مبتقولش لأ وقطع غيرها موجوده في اي محافظه في مصر باسعار رخيصه (مع ان سعرها مبالغ فيه لقدم الموديل) بس دي احسن عربيه في اعادة البيع في مصر ،فدي ميزه ممكن تعوض فرق التمن لانها بتحتفظ بتمنها جامد
السيتي حلوه بس قطع غيارها مبالغ فيها بالنسبه لعربيه المفروض انها اقتصاديه ،يعني ممكن ادفع فلوس كتير في قطع غيار الفلوانس بس مدفعش في السيتي نظراً لفرق الحجم والموتور والفئه

فلوانس
بومه
سيتى

اقدر استنبط من ارائكم حتى الان: ان الفلوانس على الرغم انها فئه تفتقد كماليات قد تبدو مهمه لبعض الناس مقارنه بالفئه الاعلى , تظل هى الافضل كاداء و امان و راحه داخل السياره مقارنه بالبومه و السيتى ..

اشكركم مره اخرى .. و ما زلت متابع باهتمام

[M.almaghraby]

انا مستغرب جدا جدا من ردود الناس :)

انا شايف مفيش اي مقارنة بين التلات عربيات

الفلوانس تكتسح يا جماعة

[abdomalek]

شكرا على الرد

فلوانس لو مش هاتبيع بسرعة وعندك المقدرة لتكلفة صيانتها ... لو لا
هات سيراتو او النترا

للاسف اختيارى للعربيه محدود بالعربيات الاوروبى و اليابانى فقط (سياسه الشركه اللى شغال فيها) .. الكورى غير مسموح بيه و لذلك الكيا و الهيونداى مستبعدين من دائره الاختيار

بالنسبه لنيه البيع لا اعتقد هتكون قبل 6 سنين اذا شاء الرحمن .. و بالنسبه لتكلفه الصيانه و اسعار قطع الغيار اذا كانت توازى القيمه و الاعتماديه اللى هستفيد بيها من العربيه و زى ما بيقولوا "الغالى تمنه فيه" فممكن اتأقلم مع هذا الفارق فى الاسعار لو تستاهل

اشكرك مره اخرى .. و متابع

[Dr Dido]

انا فى كنت حيرة زى حيرتك كدة بس المقارنة كانت بين اللانسر شارك و الشيفروليه كروز و السيراتو هاى لاين و الكروللا و المازدا 3 2009 و الكارينز و الحمد لله جبت فلوانس اكسبريشان أوتوماتيك (125000) بعد دراسة 4 شهور مستفيضة

[human]

المقارنه غير منطقيه

الفلونس تتقارن بالسيفيك

و البومه عربيه تكنولوجيا وشكل من 10 سنين

[elmadawy]

فعلا الفلوانس افضل واتوكل علي الله

[abdomalek]

انا مستغرب جدا جدا من ردود الناس :)

انا شايف مفيش اي مقارنة بين التلات عربيات

الفلوانس تكتسح يا جماعة

احب انا الردود القاطعه دى :)

سبب انى حطيت البومه و السيتى فى هذه المقارنه مع الفلوانس .. انى لاحظت ان هذه الفئه مفيش اقبال عليها زى الفئه اللى ب 135000 لافتقارها لكتير من الكماليات .. اضافه الى ذلك اذا فى فرصه لاستلامها اليومين دول هتكون ب over price حوالى 3000 جنيه يعنى 128000 .. و من هنا كان السؤال:
هل هذه الفئه بهذه الكماليات و بهذا السعر ما زالت (كقيمه مقابل سعر) افضل من البومه السبورت و السيتى الهاى لاين؟؟

جزاك الله خيرا .. و ما زلت معاكم متابع

[M.almaghraby]

البومة السبورت غالية اوي اوي اوي يا باشا و خلاص راحت عليها بالتمن دا

حرام يعني

والهوندا كويسة و تمنها مش وحش لكن مقارنة بالفلوانس ...... انا شايف ان الفئة حتي اعلي بكتير من السيتي...

باختصار الفلونس من العربيات الي حلال فيها الفلوس اوي good value for money

[abdomalek]

انا فى كنت حيرة زى حيرتك كدة بس المقارنة كانت بين اللانسر شارك و الشيفروليه كروز و السيراتو هاى لاين و الكروللا و المازدا 3 2009 و الكارينز و الحمد لله جبت فلوانس اكسبريشان أوتوماتيك (125000) بعد دراسة 4 شهور مستفيضة

ربنا يباركلك فيها و يديلك خيرها و يكفيك شرها ان شاء الله
اكون سعيد لو عرفت منك سبب ترجيح كفتها فى الاختيار .. و تقييمك ليها سريعا حتى الان

المقارنه غير منطقيه

الفلونس تتقارن بالسيفيك

و البومه عربيه تكنولوجيا وشكل من 10 سنين

اشكرك على ردك .. و ممكن يكون عندك حق من حيث عدم شرعيه المقارنه :) , لكن
سبب اجرائى للمقارنه هتجده فى مشاركتى السابقه و هو خاص بالفئه دى تحديدا .. لكن الفئه الاعلى من الفلوانس لو ترتيباتى تسمح كنت بكل تأكيد محطتشهاش فى هذه المقارنه من الاساس

يهمنى رأيك و بانتظار تعقيبك

[human]

عزيزى
لو عايز عربيه تبهدلها هات البومه و ماتفكرش حماره شغل طبعا بس اعتبر نفسك راكب 128 العقد اللى فات
لو عايز فخامه و رفاهيه و تبقى راكب عربيه بجد هات الفلونس

ماعرفش معلومات كافيه عن السيتى غير انها دائما مش موجوده فى السايت بتاع هوندا