فيرنا وبيكانتو

[badawy2]

هي مقارنة غريبة شوية بين البيكانتو والفيرنا وعايز اعرف من اهل الخبرة اي سيارة افضل من حيث من حيث :
1- قوة التحمل ؟
2- الشكل ؟
3- السيارة الاسهل في القيادة ؟
4- جودة خامات التقفيل

[badawy2]

انتم فين يا جماعة لية مفيش رد ؟

[ICE_MAN]

هي مقارنة غريبة شوية بين البيكانتو والفيرنا وعايز اعرف من اهل الخبرة اي سيارة افضل من حيث من حيث :
1- قوة التحمل ؟ الفيرنا
2- الشكل ؟ مسالة نسبية ترجع لحضرتك لان دى ازواق
3- السيارة الاسهل في القيادة ؟ الاتنين سهلين
4- جودة خامات التقفيل الفيرنا تخسر فى النقطة دى بالذات مع اى عربية تانية

ملحوظة : هذا التقييم تم بناء على رايى الشخصى و بعد تجربة سنتين مع الفيرنا و تجربة البيكانتو مع واحد صحبى لمدة سنة تقريبا.

[A.Saad]

قطع غيار الفرينا ارخص
لكن استحمال يبقى البيكانتو
ولو ممكن تدخل اللوجان فى حسبانك

[M.Osman]

قطع غيار الفرينا ارخص
لكن استحمال يبقى البيكانتو
ولو ممكن تدخل اللوجان فى حسبانك

موافق ان الفيرنا قطع غيارها ارخض
بس مش موافق ان الإستحمال للبيكانتو

[Ahmed Galal]

العربيتين فى فئتين مختلفتين يعنى واحدة هاتشباك صغيرة و التانية سيدان صغيرة و كل واحدة لها زبون المهم عن تجربة مع البيكانتو بالنسبة لقطع الغيار معقولة و بتعييش كويس العربية لو ركبت فيها خمسة غير ما تركب فى الفيرنا خمسة الاصلح للفيرنا الشنطة فى البيكانتو اضيق و بتعوض ده بتنى الكنبة السحب فى البيكانتو و الجرى ابطا من الفيرنا شوية الثبات معقول لحد 120 فى البيكانتو و بتبقا ارسى من الفيرنا شوية القعدة فى الفيرنا اريح و رجلى بتوجعنى شوية من البيكانتو لو سقتها كتير عشان الدواسات بس ديه يمكن حاجة شخصية
اللف بقا جوا البلد و الركنة لصالح البيكانتو تركنها فى اى حتة بسهولة و دركسيونها كهربة و ممتاز لما ييجى يشتغل فيها صنايعى البيكانتو هاتكون مزنوقة شوية و هاتضايقه حبتين
الخلاصة البيكانتو ما تنفعش قوى سيارة عائلية لكن الفيرنا تنفع عنها و طبعا فيه خيارات تانية فى الفئة السعرية بتاعت العربيات ديه

[badawy2]

طيب كاول عربية ليا يبقي الافضل بيكانتو ولا فيرنا ؟

[mido_soliman]

بيكانتو سواقتها سهلة ابعادها قريبة وسهل تتعلم عليها السواقة
كمان من جوة العربية خامتها افضل وشكلها متميز جدا فى رائى الشخصى عن الفيرنا اللى ملت الدنيا وناقص نلاقيها فى بيوتنا

[mragh]

لو بتقارن بين العربيتين دول بس يبقى البيكانتو بس رأيي تبص على اللوجن

[ahmedegypt]

فيرنا طبعا

[د.محمود صلاح]

جودة الخامات في صالح البيكانتو

بس الفيرنا عربية تمنها فيها

[badawy2]

واخر كلااااااااااام ؟
انا احترت شوية يقولو فيرنا وشوية بيكانتو؟؟؟؟؟؟؟؟؟؟؟؟

[M.Osman]

واخر كلااااااااااام ؟
انا احترت شوية يقولو فيرنا وشوية بيكانتو؟؟؟؟؟؟؟؟؟؟؟؟

راجع لإحتياجاتك يا باشا من العربية...
عايز حاجة لداخل المدينة من غير سفر كتير و موفرة اكتر في البنزين تبقى البيكانتو احسن و هكذا ...