أجو المساعدة على وجه السرعة ..

[tefafathy1]

ده اول موضوع ليا على المنتدى , و يمكن اول مشاركة ليا على اى منتدى على الأنترنت ,, و اللى دفعنى بجد للإشتراك ثقتى فى آراء السادة الأعضاء و إحساسى إنهم مش بيتكلموا و خلاص , لأ بجد ناس فاهمة و عارفة هما بيقولو ايه ,, فعشان كده أنا طمعان فى مساعدتكم ليا ..

أنا محتار جدا فى شراء سيارة بس الفكرة إنى كان معايا كيا سيفيا , و مقدرش أنكر إنها سيارة فعلا جميلة و إستحملت كتير اوى معايا , بس بصراحة انا لما ركبت يابانى حسيت بفرق كبير اوى..

عشان مطولش عليكم اكتر من كده . انا عاوز أجيب عربية فى متوسط سعر من 120ألف الى 135ألف بس بصراحة مش مشجع المستعمل اوى الا لو حاجة كسر زيرو و بردو أكيد هكون قلقان لأن الزيرو زيرو .. يعنى راحة بال ..

أنا كان كل تفكيرى حاليا فى نسيان تيدا هاتش باك أو سوبارو إمبريزا أو أوبل كورسا الجديدة , بس لما شوفت كلام بعض الأعضاء إتشديت شوية للفيات بونتو و برافو , و رغم إعجابى بالفلوانس بس قلقان بصراحة عشان سمعت مشاكل كتير اوى من الكمبيوتر بتاع معظم سيارات رينو .. و أعطالها و مشاكلها كتير و مركز الخدمة بتاعها غالى اوى .. أنا بصراحة مش عارف مدى صحة الكلام ده ..
بالأضافة الى ان واحد أعرفو عنده فلوانس قالى انها حلوة بس العفشة خفيفة و حاسس انها بتتفكك بسرعة ..

هكون سعيد اوى بمساعدتكم و إقتراحتكم لأنى فعلا مش عارف اعمل ايه و الموضوع بالنسبالى محير جدا جدا ..

و جزاكم الله كل خير على مساعدتكم ..

[toptraction]

mazda 3 or nissan tida

[د.محمود صلاح]

لانسر سام كسر زيرو في حدود 95 الف ويبقى ما خسرتش كثير ...

رينو فلوانس بس اعلى فئة عشان تستمتع

[elassar2010]

لانسر سام كسر زيرو في حدود 95 الف ويبقى ما خسرتش كثير ...

رينو فلوانس بس اعلى فئة عشان تستمتع

+999999

[tefafathy1]

mazda 3 or nissan tida

انا كان نفسى فى مازدا بس سمعت عن مشاكل قطع غيارها و أسعارها و توكيلها فا بصراحة قلقت منها اوى .. وللا انا معلوماتى عنها غلط ؟؟
انا مسمعتش حد بصراحة أشتكى من التيدا و سمعت انها حلوة .. بس انا حاسسها عادية فى شكلها ..

لانسر سام كسر زيرو في حدود 95 الف ويبقى ما خسرتش كثير ...

رينو فلوانس بس اعلى فئة عشان تستمتع

مش هحس بصراحة إنى جبت عربية لو ركبت لانسر سام و كمان مستعمله .. و الرينو أعلى فئة دى أغلى من الرينج اللى حاطه للعربية .

أنا متشكر جدا على ردودكم بجد لكن مازلت فى الحيرة نفسها :(

[toptraction]

new polo 1.6

[powerofhelll]

البرافو
البرافو
دي عربيه ملهاش حل بجد تحفه فنيه بس التوكيل لسه عايز ينتشر في مراكز الخدمه

[tefafathy1]

new polo 1.6

أنا مش عارف مواصفاتها ولا سعرها , بصراحة ماجاتش فى بالى خالص يمكن عشان ماشوفتهاش ..

البرافو
البرافو
دي عربيه ملهاش حل بجد تحفه فنيه بس التوكيل لسه عايز ينتشر في مراكز الخدمه

شكلها تحفة بس اعتقد ان اللى فى حدود إمكانياتى اللى هيا اول فئة اتوماتيك هتكون ضعيفة شوية ؟؟ أنا شوفت عالنت انها 90hp و بصراحة مش عارف بقى ده حقيقى وللا غلط , بس لو كده أعتقد يكون الموتور ضعيف شوية ( مقارنة بالتيدا )

انا اعتقد ان فى مراكز الخدمة و قطع الغيار و قوة الموتور التيدا هتكسب ..

أنا عارف إنى زهقتكم بس انا بجد مش قادر أخد قرار ..

جزاكم الله خير على محاولتكم مساعدتى و ردودكم ..

[fouady]

أنا مش عارف مواصفاتها ولا سعرها , بصراحة ماجاتش فى بالى خالص يمكن عشان ماشوفتهاش ..



شكلها تحفة بس اعتقد ان اللى فى حدود إمكانياتى اللى هيا اول فئة اتوماتيك هتكون ضعيفة شوية ؟؟ أنا شوفت عالنت انها 90hp و بصراحة مش عارف بقى ده حقيقى وللا غلط , بس لو كده أعتقد يكون الموتور ضعيف شوية ( مقارنة بالتيدا )

انا اعتقد ان فى مراكز الخدمة و قطع الغيار و قوة الموتور التيدا هتكسب ..

أنا عارف إنى زهقتكم بس انا بجد مش قادر أخد قرار ..

جزاكم الله خير على محاولتكم مساعدتى و ردودكم ..

ال كلام ده غلط مفيش برافو أصلا دلوقتي 90 كله 120 تربوا كمان وطبعا البرافو مش محتاجة كلام عربية جامدة جدا وال جراند برده بحبها جدا ممكن تجيب الكوبيه 120 تربوا وفيه أي اوبشن تتخيلو أنا رايه حاجة من دول هتكون مرضية لرغبتك الي قلت عليها

[toptraction]

Honda city cost about 130000 and service centers are very good

[tefafathy1]

honda city cost about 130000 and service centers are very good

أنا عاشق حاجة أسمها هوندا سيفيك بس لما ركبت السيتى حاستها بعيدة اوى عنها و صغيرة و كتير عليها بصراحة الثمن ده

ال كلام ده غلط مفيش برافو أصلا دلوقتي 90 كله 120 تربوا كمان وطبعا البرافو مش محتاجة كلام عربية جامدة جدا وال جراند برده بحبها جدا ممكن تجيب الكوبيه 120 تربوا وفيه أي اوبشن تتخيلو أنا رايه حاجة من دول هتكون مرضية لرغبتك الي قلت عليها

لو على كلامك يبقى أكيد حلوة اوى , بس مش عارف التوكيل بتاعهم و قطع غيارهم عاملة ايه ..
بس رأيك ان برافو أفضل من الميجان الجديدة ؟ و أفضل من الفلوانس ؟ و من السوبارو ؟

[ahmedegypt]

شيفروليه كروز توب لاين عربية رائعة عن تجربة حضرتك ممكن تروح اى معرض وتشوفها

[John_Samy_1]

بص على الSeat Ibiza لو عجبوك الPunto والLenea والBravo.العربيات ديه 10/10.والSeat عن تجربة عربية تحفة هندسية حقيقية. Seat نفسهم مبسوطين بيها اوي. وأحسن حاجة استنى اوتوماك وبص فيه برده.

[fouady]

لو على كلامك يبقى أكيد حلوة اوى , بس مش عارف التوكيل بتاعهم و قطع غيارهم عاملة ايه ..
بس رأيك ان برافو أفضل من الميجان الجديدة ؟ و أفضل من الفلوانس ؟ و من السوبارو ؟[/quote]
بص البرافو متفوقة على كل دول فـال مطور ب فارق محترم يعني مطور البرافو أجمد من دول ب كتير الشكل ده اذواق بالنسبلي البرافو احسنهم بس ده بالنسبلي ال كامليات بتهيألي هيبقى المجان أو الفلونس هم أعلى أوبشن فـال فئة ده توكيل فيات حلو فـما بعد البيع مش وحش الرينو تقولها حلو السوبارو مش عرف بصراحة علشان قليلا وقطع الغيار متقربا يعني مفيش واحدة يتقال عليها أغلى من التانية أو العكس بس كده

[tefafathy1]

انا متشكر جدا لمساعدتكم .. و مشاركتكم

بس للأسف مازلت فى حيرة أوى :(
ناس كتير اوى قالولى التيدا مش عربية أصلا و انها اى كلام و كتير عليها سعرها
الميجان عربية مشاكل
البرافو حلوة بس مش منتشرة و قطع غيارها غالية شوية
السوبارو قطع غيارها غالية شويتين ولو حصل عطلت ملهاش غير الوكيل و قطع غيارها مش متوفرة غير فى التوكيل..
الكروز بكل أسف مافيهاش abs غير فى أعلى فئة - مش فاهم أزاى كده لأن المفروض دى مش رفاهيات دى أساسيات-
المازدا حلوة بس نفس مشاكل السوبارو فى قطع الغيار و عدم توافرها بره التوكيل بالأضافة للمبالغة البشعة فى مصاريفها و صاينتها و غباوة توكيلها.
التيريوس لطيفة بس سمعت انها مش ثابتة بالأضافة ان التابلوه عادى او نقدر نقول مش حلو وبالأخص العدادات

هيا الفكرة انا عاوز عربية ثابتة على الطريق - قطع غيارها و وكيلها محترم و مش مبالغ فى أسعاره و قطع غيارها معمرة (الميكانيكية طبعا) و فى نفس الوقت أحس انى جبت عربية جديدة , يعنى مثلا اللانسر عربية محترمة بس مش هحس انى ركبت عربية جديدة لو جبتها .. عادية زيادة عن اللزوم ..