انا محتار وياريت تساعدوني في الاختيار

[mzda]

انا بفاضل بين اربع عربيات وخلاص قربت اضرب وعايزكم تساعدوني

1- نيسان تيدا اول فئه اتوماتيك ايرباج واحده + abs

وبصراحه عربيه ممتازه وواسعه جدا بس انا خايف من عدم انتشارها وقطع الغيار واعاده البيع

2- السيراتو sx ايرباج 2 +abs +...حاجات كتير وشكل شيك ومكسره الدنيا وواسعه جدا

بس مش عارف برده حاسس ان عفشتها ناشفه اوي وكمان مش مقتنع ان كل الكماليات دي بالسعر ده مع كواليتي عاليه

3- لانسر بومه هاف سبورت ايرباج 2 +ABS +عتب +فوانيس شبوره

عربيه غنيه عن التعريف سعرها ماسك نفسه اخر حاجه وعفشه متميزه وشكلها حلو باانسبه ليا واسعه

4- لانسر شارك خليجي اول فئه ايرباج واحده مفيهاش ABS عربيه جديده وواسعه والجيل الجديد من الانسر

بس قطع الغيار نار واعاده بيع اقل واحده فيهم

[fouady]

أنا أختار يا شارك يا تيدا

[mido_soliman]

انا رائى الشارك احسن وشكلا اجمل من كل اللى موجود فى المقارنة ( ازواق طبعا )

[د.محمود صلاح]

شايفك ميال اكثر للبومة ,,

[SAMEH_FOUAD]

*التيدا كويسة وعربية عائلية من الدرجة الاولى وقطع غيارها فعلا غالية بس عادى يعنى زيها زى بقية اليابانى بس كتمشى شبابى مانصحكش بيها لانها اخرها فى الثبات لحد 130 وبعد كدة بتخف ,طبعا عشان شكلها مش قد كدة ,تكيفها كويس استهلاك بنزين قليل صوتها هادى حتى مع الشد ,واسعة بالنسبة للمسافة مابين الارجل وظهر كرسى السائق والمسافة مابين الرأس والسقف لكن كمافة عرض يعنى انها تاخد تلات افراد ورا مستريح لأ التالت هيبقى مزنوق جدا
* السيراتو :دية بقى انا شايف انها عربية واخدة سمعتها عشان شكلها وابشنها على السعر بتاعها يعتبر احسن سعر مقابل الكماليات بس قصاد دة عفشة ناشفة ومرهقة والكل بيكرة دة فعلا ,ماتور مش قد كدة 125 حصان ولا ليهم لزمة اخرها معايا 100 حصان ,صوت ماتورها عالى فى السرعات الهادية ,وبيعلى اوى بعد 120 ,الثبات طبعا مش عاجبنى عشان على تعليق غير مستقل فبيخلى الثبات مش حلو فى الملفات
*اللانسر البومة :انا فى نظرى انها سيارة كويسة بس ماتفكرش فيها لانها خلاص خلصت جابت اخرها بمعنى اصح شكل بينزل من 2004 لحد دلوقتى هيجى عليها يوم وتقع ,دة غير بردة انها فيها عيوب كتيرة شوية
زى فتحة السقف اللى بتعلق ,صوت الرياح والضوضاء والعزل الغير مريح اثناء السفر ,نشوفية العفشة ,ماتورها مش قد كدة بس كويس لان تجميعها مش حلو بعد 140 وكويس قبل كدة نوعا ما ,تابلوة بلاستيك وقعدة غير مريحة للسائق الامامى وعلى فكرة مشتركة فى العيب دة مع الصنى
*الشارك :مش هفيدك فيها اوى بس ماتورها مش قد كدة وصاجها ضعيف

[just_magdy1]

لو مش هاتبيع بسرعة هات التيدا ...لو بتغير كتير هات لانسر بومة او شارك دى ليها مميزات ودى ليها مميزات

[mzda]

شايفك ميال اكثر للبومة ,,

انتا كده كشفتني يادكتور بس للامانه انا بفاضل بين التيدا والبومه اكتر.....

[QUOTE=semsem kane;3872666601]*التيدا كويسة وعربية عائلية من الدرجة الاولى وقطع غيارها فعلا غالية بس عادى يعنى زيها زى بقية اليابانى بس كتمشى شبابى مانصحكش بيها لانها اخرها فى الثبات لحد 130 وبعد كدة بتخف ,طبعا عشان شكلها مش قد كدة ,تكيفها كويس استهلاك بنزين قليل صوتها هادى حتى مع الشد ,واسعة بالنسبة للمسافة مابين الارجل وظهر كرسى السائق والمسافة مابين الرأس والسقف لكن كمافة عرض يعنى انها تاخد تلات افراد ورا مستريح لأ التالت هيبقى مزنوق جدا

الف شكر علي ردك المفصل لكل عربيه بس انا مش بتاع جري وشد وكمان بالنسبه للشكل هيا مش وحشه اوي من وجهه نظري ودي طبعا ازواق يا سمسم بس ما اعتقدش انها ضيقه من وره كعرض عشان ماتشيلش تلاته دي عرضها 170سم

* السيراتو :دية بقى انا شايف انها عربية واخدة سمعتها عشان شكلها وابشنها على السعر بتاعها يعتبر احسن سعر مقابل الكماليات بس قصاد دة عفشة ناشفة ومرهقة والكل بيكرة دة فعلا ,ماتور مش قد كدة 125 حصان ولا ليهم لزمة اخرها معايا 100 حصان ,صوت ماتورها عالى فى السرعات الهادية ,وبيعلى اوى بعد 120 ,الثبات طبعا مش عاجبنى عشان على تعليق غير مستقل فبيخلى الثبات مش حلو فى الملفات

+111111111111111111111111111111111111111

[SAMEH_FOUAD]

الف شكر علي ردك المفصل لكل عربيه بس انا مش بتاع جري وشد وكمان بالنسبه للشكل هيا مش وحشه اوي من وجهه نظري ودي طبعا ازواق يا سمسم بس ما اعتقدش انها ضيقه من وره كعرض عشان ماتشيلش تلاته دي عرضها 170سم



على فكرة العربية دية معايا وانا بقولك رائى فيها بمنتهى الصراحة واى حاجة عايز تعرفها انا تحت امرك وعلى فكرة هية بتبقى ضيقة عشان المسند اللى فى نص الكنبة بيبقى خارج عن الظهر نفسة ودة السبب الى بيخلى اللى فى النص مش مرتاح ,دة غير انها مافيهاش زرار او مقبض ليتم فتح بية الشنطة من الداخل ,فتح الشنطة بيفتح مع الريموت ودة انا شايفة عيب
بس عادى يعنى هتتعود علية مع الوقت
وطبعا الشكل ازواق مش هاقدر ادخل فية
شوف هية بالنسبة كعربية كويسة بس سعرها غالى عليها يعنى فعلا سعرها فول اوبشن المفروض مايعديش 115
لو انت مش غاوى شد وجرى يبقى توكل على الله وهاتها لانها كويسة جدا واعتمادية وموفرة فى البنزين ,بس سعر اعادة بيعها بينزل لو مس هتفكر تبيعها يبقى توكل على الله
وعلى فكرة تقفيلها كويس ماعادا طقة التابلوة ودة عشان بيتكون من ثلاث قطع ودية ميزة ان لاقدر الله لو حصل اى حادث والايرباج فتح مش هتضطر انك تغير التابلوة كلة

[dreslam]

التيدا لو هاتش باك حلوه
الشارك انا بحبها اوي بس مش عارف سوقها ماله
اللانسر بالنسبالي كفايه قوي كده

[mzda]

التيدا لو هاتش باك حلوه
الشارك انا بحبها اوي بس مش عارف سوقها ماله
اللانسر بالنسبالي كفايه قوي كده

انا معاك ان الهاتش باك شكلها احلي بس انا بفكر في عربيه عائليه فلازم تكون بشنطه

[ahmedegypt]

انا معاك ان الهاتش باك شكلها احلي بس انا بفكر في عربيه عائليه فلازم تكون بشنطه

طب حضرتك ماتفكر فالكروز بفئاتها المختلفة

و طبعا الشىء المشترك انها سيدان واسعة من جوة يعنى تناسب عيلة وشنطتها كبيرة

[SAMEH_FOUAD]

طب حضرتك ماتفكر فالكروز بفئاتها المختلفة

و طبعا الشىء المشترك انها سيدان واسعة من جوة يعنى تناسب عيلة وشنطتها كبيرة

الكروز مش واسعة ,السيراتو اوسع منها ,والتيدا اوسع من السيراتو

[fouaa]

يا شارك يا تيدا هو عمتا التيدا ماتورها اقوى وثباتها اقل شويه عن الشارك

[SAMEH_FOUAD]

يا شارك يا تيدا هو عمتا التيدا ماتورها اقوى وثباتها اقل شويه عن الشارك

التيدا اقوى من الشارك فى الطلعة لكن كسرعة قصوى الشارك تكسب لان التيدا مقفولة على 180 كم
ومن ناحية الثبات الشارك اثبت بمراحل التيدا ثباتها ضعيف بعد ال130

[nonopopo]

انصحك بالسيراتو انتشار جيد وكيل جيد كامليات كتير بسعر مناسب افضل من التيدا من حيث الانتشار وقطع الغيار انا منصحش بالشارك والبومه شكله قديم ومتغيرش