فانتازيا ولا كورولا؟

[ahmed_aly_78]

إيه رايكم يا جماعة؟

سكودا فانتازيا 2010 أول فئة ستبترونيك (164 الف جنيه)
ولا كورولا 2010 1600 اوتوماتيك ادفانسد (160 ألف جنيه)

الفانتازيا عربية ممتازة ومليانة أوبشنز بس عافشتها ناشفة والكرسي بتاع أول فئة مش مريح أبدا
(أنا جربتها نص ساعة تعابتلي ضهري) وده قلقني منها
كمان في ناس بتقول إن الرؤية الخلفية فيها مشكلة (مناطق كبيره ميتة)

الكورولا كل الناس بتشكر في نعومتها وراحتها وبرضه مليانة أوبشنز
وأكيد طبعا كياباني التكيف ممتاز
المشكلة فيها الثبات بعد 140 (مشكلة شائعة في كل الياباني) بس مش عارف الكورولا الشكل الجديد ده إيه أخبار الثبات بتاعه.
الحاجة التانية برده المشاكل اللي ظهرت في عربيات تويوتا (طبعا مشكلة mmt خلاص لان الجديد اوتوماتيك ومشكلة عدم رجع دواسه البنزين دي متهيألي ماظهرتش في الموديلات اللي نزلت مصر)

فيإيه رايكم؟

[د.محمود صلاح]

تمتع بأعلى تجهيز في الكرولا ... ولا انصح بشراء سيارة بتجهيزات اقل

[الصيداح]

http://www.nilemotors.net/Nile/143545-a.html

[mido_soliman]

تمتع بأعلى تجهيز في الكرولا ... ولا انصح بشراء سيارة بتجهيزات اقل

+11111 وخصوصا لما تكون ب 164 الف ومن غير اوبشن (انا بتكلم فى المطلق مليش دعوة بانواع العربيتين ) الكماليات فى الزيرو حاجة تانية امال دافع فيها كل دة لية

[Ahmed Selim]

مع أحترامى للأراء اللى أتقالت......أنا بالنسبالى العربية ثبات و بعد كده كماليات

أنا معايا الكورولا 2010 فتيس أوتو فى الأمارات حالياً بس أيجار مستلمها عاملة 7 كيلو و عملت بيها حتى الأن أكتر من 7 ألاف كيلو بشوية.....تكييفها ممتاز....سحبها و أستجابة الفتيس جيدين جداً جداً بس للأسف مشكلتها الثبات بعد ال 120 و العزل بعد ال 100
العربية طول ما أنت ماشى بيها طوالى و مفيش هواء جاى من جنب الطريق أو مفيش عربيات تعدى من جنبك بسرعة العربية ثباتها كويس جداً لحد 160......بس مجرد ما حد يعدى من جنبك أو يكون فى هواء من جنب الطريق العربية بتلعب.

[د.محمود صلاح]

مع أحترامى للأراء اللى أتقالت......أنا بالنسبالى العربية ثبات و بعد كده كماليات

أنا معايا الكورولا 2010 فتيس أوتو فى الأمارات حالياً بس أيجار مستلمها عاملة 7 كيلو و عملت بيها حتى الأن أكتر من 7 ألاف كيلو بشوية.....تكييفها ممتاز....سحبها و أستجابة الفتيس جيدين جداً جداً بس للأسف مشكلتها الثبات بعد ال 120 و العزل بعد ال 100
العربية طول ما أنت ماشى بيها طوالى و مفيش هواء جاى من جنب الطريق أو مفيش عربيات تعدى من جنبك بسرعة العربية ثباتها كويس جداً لحد 160......بس مجرد ما حد يعدى من جنبك أو يكون فى هواء من جنب الطريق العربية بتلعب.

الكلام ده كان في الكرولا قبل ال 2008 ,, مازال موجود ؟؟!!

[Ahmed Selim]

الكلام ده كان في الكرولا قبل ال 2008 ,, مازال موجود ؟؟!!

أنا مسقتش اللى قبل 2008 على طريق سريع قبل كده

اللى معايا حالياً 2010 اللى كان بينزل فى مصر بالفتيس ال mmt بس على حد ما أنا فاكر القديمة.....ثبات الشكل الجديد أحسن من اللى قبله.

[mobmob2010]

انا مشيت بالكورولا 2009 mmt لغاية 180 بدون اي مشاكل ثبات

[ahmedegypt]

الفنتازيا بكل المقاييس احسن من الكورولا

[ahmed_aly_78]

مش عارف برده
موصلتش لقرار

المشكلة إني بمشي على طرق سريعة

ولمسافات طويلة

هاهاها

:)

فمحتاج حاجة مريحة وفي نفس الوقت ثابته

وكمان معرض للمرور من جنب سيارات نقل و معرض لهوا جامد (طريق القطامية العين السخنة)

وكمان عايز أعرف لو دخلت الفلوينس في المقارنة يبقى إيه الوضع؟

[الصيداح]

أعتقد الفانتازيا أفضل بكثيير
ولا نقلل أيضا من شأن الكورولا
لكن الأوكتافيا أفضل

هو بصراحة أنا مركبتش الأوكتافيا
بس الناس بتقول عفشتها ناشفة ومش مريحة بس أنا شايف أن ده مش سبب يخليك تغض النظر عنها

[Kareem_A]

http://www.nilemotors.net/Nile/133269-a.html

[محمد محمد]

جرب العربيتين وشوف هترتاح في اي واحدة منهم ...ممكن تأجر كل واحدة يومين مثلا وتجرب زي ما انت عايز.

[hosam2010]

أنا لو مكانك هجيب أوكتافيا لأنها أفخم حتى لو كمالياتها أقل الكورلا مفهاش مشكلة في الثبات أنا جربتها لحد ٢٠٠ و كانت كويسة لكن أوكتافيا أعتقد أثبت ، ممكن كمان تفكر في الفورد فوكس ثبات رائع و مريحة أوي و ناعمة و نفس الفئة السعرية

[ghazy12]

بصراحه لو مكانك, و مع ان ده ضد مبدأ اني بحب اجيب العربيه اللي هشتريها هاي لاين

لكن هعتبر دي حاله شاذه جداا, و مع احترامي لجميع الآراء...

أنا رأي المتواضع (( فـــانتــــازيــــا ))...

و السبب الرئيسي و في المقام الأول... الثبـــــــــــــات

الكورولا قليلة الاعطال, و كمالياتها اكتر... لكن الثبات نقطة ضعف

بشكل عام بقى... لا اثق في أي عربيه سيدان على تورشن بيم خلفي بدون esp

لهذا السبب انا رأي و لو مكانك... فانتازيا على طول

و لو ممكن هاتش باك, هفكر في سيات ليون, بنفس المبلغ او اقل كمان....

ربنا يوفقك للخير ان شاء الله...