ليه فولفو مش بتدخل فى مقارنه خااااااااااااالص

[Dr.Ahmed_Taha]

السلام عليكم ورحمه الله وبركاته
اولا ازيكم جميعا يارب دايما بصحه وخير وسلام
انا حبيت اسال هو ليه فولفو مش بتدخل فى مقارنه خااااااااااااالص
مع انها سعرا قريبه من عربيات كتير
فممكن لو فرضنا ان فى فولفو 1600 تيبترونك
هل ينفع تتقارن بالجيتا والفانتازيا
ياريت حد يقولنا مميزات الفولفو ولو اتقارنت يبقى ايه النتيجه
وسؤال لاى حد معاه تمن الفولفو
انت ليه اشتريت غيرها وسيبتها او حتى مش فكرت فيها
ياجماعه انا عارف ان العربيه جميله جدا
ونفسى حد ياكد كلامى
ياريت نشارك وننصف العربيات المهضوم حقها دى
جزاكم الله خيرا

[shouk_1987]

عشان بكل بساطة يا عزيزى "أنت فى مصر"
ياعنى و لا توكيل ولا قطع غيار ولا إعادة بيع
مع إنها عربية تحفة بجميع المقاييس

[NoRmAl]

عشان بكل بساطة يا عزيزى "أنت فى مصر"
ياعنى و لا توكيل ولا قطع غيار ولا إعادة بيع
مع إنها عربية تحفة بجميع المقاييس

+ سعر خرافى

[Dr.Ahmed_Taha]

شكرا ياجماعه على السرعه
بس اكيد لها توكيل
وعلى فكره ال s40
سعرها متقارب مع الاوكتافيا والجيتا الهاى لاين لو اعتبرناها اتوماتيك
فياريت نحاول نفكر تانى
انا بحب العربيه ومش هاشتريها علشان مفيش حد يفكرنى متحيز ولا حاجه

[NoRmAl]

شكرا ياجماعه على السرعه
بس اكيد لها توكيل
وعلى فكره ال s40
سعرها متقارب مع الاوكتافيا والجيتا الهاى لاين لو اعتبرناها اتوماتيك
فياريت نحاول نفكر تانى
انا بحب العربيه ومش هاشتريها علشان مفيش حد يفكرنى متحيز ولا حاجه

يا باشا محدش ركب العربيه دى إلا لما حلم بأقتنائها وأنا واحد منهم
لكن خليك واقعى
المشكله مش فى كل عنصر من الى اتقالوا فرادى
المشكله فى التركيبه كلها مع بعضها
يعنى أجيب جيتا هاى لاين منتشره وتوكيلها معروف ومجربه ولما أفكر أبيعها ألاقى ميت مشترى
ولا أجيب الs40 الى العكس فى كل دا ويمكن لما أجى أبيعها الراجل يقلى دى نزلت أمتى دى!!!!
أنا معاك انها تشارمينج ومن الفضاء لكن شرائها مجازفه مقدرش أخدها "قال يعنى معايا سعرها :)"

[Dr.Ahmed_Taha]

ربنا يرزقنا ويرزقك ياباشا
بس حتى على الاقل يبقى عندنا فكره عنها
انا عمرى ما لقيت موضوع بيقول مواصفاتها فى مصر
ولا مدى كفائه محركها مثلا ولا سرعه ولا عيوب غير عدم انتشارها والخوف من اعاده بيها
بس لو احنا معانا فلوسها هانفضل نخاف انا وحضرتك وغيرنا حتى لو هيا كويسه
وهانروح للاتجاه الخاطئ
باعتبار تفوقها فغيرها يعتبر اختيار غير موفق بالنسبه لها

[Hosam_Optrawy]

بص انا برضه معنديش معلومات كفايه عنها

بس هانفترض انها منتشره وقطع غيارها موجوده واعادة بيعها كويسه وليها توكيل والحياه جميله

ايه السبب اللى يخلينى أدفع 220 الف جنيه فى عربيه 1600 سى سى 100 حصان وكمان مانيوال ؟؟؟

وتقريبا كمان مفيش منها 2010 أخر موديل نزل 2009

بإختصار اى عربيه تانيه بسعرها أو أرخص منها تتفوق عليها من رأيى

[Dr.Ahmed_Taha]

بص انا برضه معنديش معلومات كفايه عنها

بس هانفترض انها منتشره وقطع غيارها موجوده واعادة بيعها كويسه وليها توكيل والحياه جميله

ايه السبب اللى يخلينى أدفع 220 الف جنيه فى عربيه 1600 سى سى 100 حصان وكمان مانيوال ؟؟؟

وتقريبا كمان مفيش منها 2010 أخر موديل نزل 2009

بإختصار اى عربيه تانيه بسعرها أو أرخص منها تتفوق عليها من رأيى

الف شكر ياباشا على الرد
بس انا قولت هانفترض انها اتوماتيك
ومنها 2010 على كونتاكت كارز
فلو شيلنا كلمه مانيوال من الرد بتاع حضرتك يبقى ايه الوضع بقى ؟؟؟؟؟؟؟؟؟؟؟؟؟؟؟؟

[الصيداح]

حتى لو مانيوال فهو أيضا له عشاقه

بصراحة أنا من عشاق هذه السيارة لدرجة الجنون لكن أين ثمنها
صدقوني لو معي ثمنها وأي توكيل يوفر فقط قطع الغيار فلن أتوانى عن شرائها حتى لو مانيوال
هي حقا تحفة فنية رااااااااائعة
ربنا ييسر لعز العرب ويعمل حاجة في فولفو

http://www.nilemotors.net/Nile/137601-s40.html

[Hosam_Optrawy]

الف شكر ياباشا على الرد
بس انا قولت هانفترض انها اتوماتيك
ومنها 2010 على كونتاكت كارز
فلو شيلنا كلمه مانيوال من الرد بتاع حضرتك يبقى ايه الوضع بقى ؟؟؟؟؟؟؟؟؟؟؟؟؟؟؟؟

الوضع كالتالى

فى باسات ب 215 الف و Bmw 316 ب 215 الف وفى جيتا كامله وفانتازيا كامله

ولو عايز هاتش باك فى ليون وجولف

وفى أرخص من كدا كمان فورد فوكس كامله فى حدود 150 الف

الفولفو تتفوق على دول بإيه عشان اختارها ؟

انا مش لاقى اى ميزه او سبب بصراحه ان الواحد يجيبها

[Dr.Ahmed_Taha]

الوضع كالتالى

فى باسات ب 215 الف و bmw 316 ب 215 الف وفى جيتا كامله وفانتازيا كامله

ولو عايز هاتش باك فى ليون وجولف

وفى أرخص من كدا كمان فورد فوكس كامله فى حدود 150 الف

الفولفو تتفوق على دول بإيه عشان اختارها ؟

انا مش لاقى اى ميزه او سبب بصراحه ان الواحد يجيبها

'تمام جدا جدا
طب وايه اللى يخلينى اسيبها واروح لدول
باعتبار انى بتكلم عن عربيه وبس
يعنى التوكيل هايجى الكلام عنه بعدين
ايه يخلينى اجيب حاجه من دول مع وجود فولفو
هل محركاتهم افضل من حيث قوه التحمل وهيا لا
هل مثلا صاجهم اقوى وهيا لا
هل الامان فيهم اعلى منها
ولا لمجرد الانتشار والاسم وبس
ومعلش انا بحب الحوار ومش عاوز حد يزهق يا جماعه

[Mostafa.Ismail]

الوضع كالتالى

فى باسات ب 215 الف و bmw 316 ب 215 الف وفى جيتا كامله وفانتازيا كامله

ولو عايز هاتش باك فى ليون وجولف

وفى أرخص من كدا كمان فورد فوكس كامله فى حدود 150 الف

الفولفو تتفوق على دول بإيه عشان اختارها ؟

انا مش لاقى اى ميزه او سبب بصراحه ان الواحد يجيبها

اعتقد انها اكبر شركة بتصرف على تكنولوجيا الامان فى السيارات.

[Dr.Ahmed_Taha]

حتى لو مانيوال فهو أيضا له عشاقه

بصراحة أنا من عشاق هذه السيارة لدرجة الجنون لكن أين ثمنها
صدقوني لو معي ثمنها وأي توكيل يوفر فقط قطع الغيار فلن أتوانى عن شرائها حتى لو مانيوال
هي حقا تحفة فنية رااااااااائعة
ربنا ييسر لعز العرب ويعمل حاجة في فولفو

http://www.nilemotors.net/nile/137601-s40.html

انا قريت التقرير وبجد ممتاز
بس هو حضرتك جربتها فعلا
وكان فى احد الردود بيقول ان فى منها اتوماتيك
وامكانياتها ايه فى مصر
والموتور بتاعها اخباره ايه
معلش اسئله كتير بس انا فعلا بحبها جدا
ومش هاشترى الا بامر الله بعد عمر طويل لو ربنا كتبلى يبقى معايا تمنها
لكن حاليا بتعلم وعاوز افيد واستفيد
ربنا يكرمنا جميعا يارب

[Dr.Ahmed_Taha]

اعتقد انها اكبر شركة بتصرف على تكنولوجيا الامان فى السيارات.

تمام ياباشا
ده كلام مظبوط
واامان يعنى ايه
جسم قوى
نقط انهيار مدروسه صح
ثبات عالى
عزم محرك كويس
زراير داخليه فى اماكن مظبوطه علشان مش تقلل من تركيزك وانت سايق
قله النقط العمياء
هل ده كله متوفر فيها
زى الاوكتافيا والباسات وغيرها مما سبق ولا افضل منهم ولا اقل منهم

[Hosam_Optrawy]

'تمام جدا جدا
طب وايه اللى يخلينى اسيبها واروح لدول
باعتبار انى بتكلم عن عربيه وبس
يعنى التوكيل هايجى الكلام عنه بعدين
ايه يخلينى اجيب حاجه من دول مع وجود فولفو
هل محركاتهم افضل من حيث قوه التحمل وهيا لا
هل مثلا صاجهم اقوى وهيا لا
هل الامان فيهم اعلى منها
ولا لمجرد الانتشار والاسم وبس
ومعلش انا بحب الحوار ومش عاوز حد يزهق يا جماعه

لا ابدا مفيش زهق ولا حاجه , انا برضه باحب اتناقش جايز اغير فكرتى عن حاجات معينه

اللى يخلينى اسيبها واروح لدول

حاجات كتير

وهانسيبنا من التوكيل زى ما انت قولت , احنا هانقارن عربيه قصاد عربيه

الاول بس اللى يهمك فى العربيه ؟

الموتور - الاوبشنز - عوامل الامان - الشكل - الوسع - الراحه - الثبات

كل دول أكيد

انا طبعا مش هأقدر أقيم الفولفو لانى مجربتهاش

لكن متأكد ان اكيد عربيات المانى 100 % زى ال 316 والباسات او الجولف او سكودا سوبرب

لكن تقل عن الفولفو فى اى عامل من العوامل , ان لم تكن تتفوق فى بعض النقاط

اذا العربيات دى تكسب كعربيه قصاد عربيه

يبقو لو زودنا كمان عوامل انهم اكثر انتشارا وتجربه

يبقى المسأله محسومه

فى انتظار رأيك

اعتقد انها اكبر شركة بتصرف على تكنولوجيا الامان فى السيارات.

انا معنديش اعتراض على امان فولفو

فعلا اغلب عربيات فولفو من 2003 لحد دلوقتى بتاخد 5 نجوم فى الاختبارات الاوروبيه

وانا من زمان اوى باسمع جملة ان فولفو يعنى الأمان

بس جايز زمان كانت فولفو بس هى اللى كدا

لكن دلوقتى شركات كتير اوى بتهتم بالأمان وبقت زى فولفو وأكتر

بدليل ان عربيه كورى زى الكروز تفوقت على الفولفو فى اختبارات الامان