النترا 2007 اعلي اوبشن او لانسر 2007 السبورت

[saeed85]

يا جماعه انهي افضل لانسر 2007 السبورت يعني 1600 و فتحه سقف و جنوط ولا اللانترا 2007 و برده يكون فيها كل الاوبشن ده عشان انا محتار اجيب انهي فيهم انا اصلا معايا لانسر 99 كرستاله و بغيرها و كل عربيه بتعض معايا 4 او 5 سنين فمش عايز اندم يا ريت تفيدوني

[M.Akef]

حضرتك جاوبت علي نفسك حضرت عاوز عربيه تعيش معاك و تستحمل يبقا اكيد لانسر و خصوصا ان الاثنين مستعملين يعني سنتين كمان و الالنترا هتفتح مصاريف معاك و مش هتديك جفائه محترمه لان لو هتشتري كوري يبقا جديد مش مستعمل
توكيل علي الله و حات الانسر و هي عربيه جميله جدا و هتريحه لا فيها حساسات كتير ولا تكنولوجيا كتير يعني مفيش صيانه

[ahmedbasto]

انا افضل الالنترا عن الانسر لان اللانسر امانها وحش والصراحة الهيواندى عربيتها الجديدة كلها محترمة جدا ونشوف بقية الأراء

[د.محمود صلاح]

هتطلع من لانسر يبقى خش في لانسر تاني

[mohamedkandel]

طالما لانسر 1600 سي سي يبقي هيكون اختيار افضل من الالنترا

[elassar2010]

لانسر 1600 جامدة وماشاء الله عليها

[M!SHO]

انا افضل الالنترا عن الانسر لان اللانسر امانها وحش والصراحة الهيواندى عربيتها الجديدة كلها محترمة جدا ونشوف بقية الأراء

اكيد حضرتك تقصد العكس ....
اللانسر اكتر ثبات من الالنترا +2 ايرباج وabs وebd ....

[M.Akef]

اكيد حضرتك تقصد العكس ....
اللانسر اكتر ثبات من الالنترا +2 ايرباج وabs وebd ....

+11111111
انا كنت شفت الرد بس نفض يعني اصلا اي شركه كوري في رايي مبتعملشي امان حقيقي بيبقا كله شكلات بس و ده واضح في الثبات اوي

[just_magdy1]

انا معايا النترا 2010 وقبل ما اشتريها جربت اللانسر ... كاداء الالنترا افضل كتير من اللانسر .. كاعتمادية الله اعلم
بس اعتقد انه من خلال المحافظة على السيارة واجراء الصيانات اللازمة مش هايبقى فى فرق بين الكورى واليابانى

[saeed85]

انا الحمد لله استقريت علي بيجو 307 موديل 2007 الهاي لاين بصراحه جربتها تحفه احسن من الاتنين حتي في القعده و التبترونيك و مثبت السرعه و سينسور بارك و حساس مطر بصراحه شدتني

[SAMEH_FOUAD]

انا الحمد لله استقريت علي بيجو 307 موديل 2007 الهاي لاين بصراحه جربتها تحفه احسن من الاتنين حتي في القعده و التبترونيك و مثبت السرعه و سينسور بارك و حساس مطر بصراحه شدتني

بس خلى بالك من قطع الغيار غالية جدا وغير اعتمادية

[saeed85]

انا نزلت سئلت علي قطع الغيار ال307 و لقيتها زي لانسر الجديده و الانترا و في حاجات ارخص منهم كمان

[mustafaibrahim]

النترا ها ى لاين

و على فكرة بالنسبة للشركات الكورية هما تقدموا اوى فموضوع الاعتمادية

و راجع حضرتك تقارير الjd

[saeed85]

الرفاهيه في الفرنساوي بعدين مفهاش تكنولوجيا زي ال 307 عربيه عاديه يعني

[amrseba]

مبروك واختيار موفق وهيا البيجو فعلا عربيه كويسه دا واحسن على الانترا واحسن من غبور بيه الحرامى