السبارك و البيكانتو و السلاريو

[M.ABDEEN]

محمد باشا ازاي حضرتك؟

اعتقد موضوع 3 سليندر مش سبب لاستبعاد السيلاريو

لان السيريون ال 1000 سي سي 3سليندر وادائها اعلي م البيكانتو والi10

والمحرك بتاع السيلاريو k10b series وقريت ان فيه تكنولوجيا عالية لانه بيطلع 67 حصان واستهلاك بنزين قليل جدا

وده لينك المواصفات
kb series engine :: Inside a-star :: Maruti suzuki a-star: Stop at nothing with kb series engine

مصطفى باشا انت عامل ايه ووصلت لغاية فين جبت عربية ولا لسه
وجهة نظرك تحترم طبعا بس برده 3 سلندر هتاثر شوية وخاصة مع التكييف وبرده السوزوكي في مصر مفيش اهتمام بيه وكمان اعادة بيعه مش قوي لكن هي مش وحشة قوي برده

[YoussefMostafa]

مصطفى باشا انت عامل ايه ووصلت لغاية فين جبت عربية ولا لسه
وجهة نظرك تحترم طبعا بس برده 3 سلندر هتاثر شوية وخاصة مع التكييف وبرده السوزوكي في مصر مفيش اهتمام بيه وكمان اعادة بيعه مش قوي لكن هي مش وحشة قوي برده

تمام الحمدلله يا باشا بالنسبة لموضوع العربية لسه شوية

من وجهة نظري ان عيوب السيلاريو كالاتي:

-طبعا الشنطة تعتبر مش موجودة 110 لتر (قليل جدا)

-المسافة بين الكنبة والكراسي الامامية قليلة جدا (تحس انها كوبيه)

-خامات التابلوه معجبتنيش وتحس انك فعلا راكب عربية صغيرة (عكس البيكانتو والi10 )

طبعا بالنسبة للي عاجباه ومش فارق معاه العيوب ده فهي ممتازة

[Innovation]

السلام عليكم

على فكره انا بردو محتاره بين السلاريو و ال i10 لكن عاجبانى السلاريو فى شكلها و الاوبشنز بتاعتها و كمان ارخص من ال i10 فى الفول اوبشن

ممكن لو سمحتو حد يقول سعر الهاف اوبشن فى السلاريو و ال i10 ؟

[BeroOo]

بيكانتو.. ولو انت شايف انها حريمى.. هات اللون الاسود..