يا جماعه دايو نوبيرا ولا رينو لوجان

[eljazeera77]

ربنا يخليكو يا جماعه عايز رأيكوا بوضوح نوبيرا مستعمله بحاله نظيفه جدا بحاله الزيرو ولا لوجان زيرو اوكسر زيرو
ربنا يخليكو متنسونيش ومتبخلوش عليا بالرد انا محتار

[gazzar91]

اللوجان فيها عيوب في الصالون و العزل بالذات و قطع غيارها أغلى من النوبيرا...
خش قسم الدايو شوف قايلين إيه عليها
و ده تقرير عن اللوجان الهاي لاين (Expression) لو تستحمل عيوبها المذكورة.. توكل على الله

http://www.nilemotors.net/Nile/90472-2010.html

[hilmy700]

النوبيرا عملية اكتر وبتستحمل الشغل اكتر .. قطع غيارها اوفر .. صيانتها اسهل ... ماتورها اقوى ... تكييقها افضل وانا بسمع ان اللوجان فى منها مش باور ولا تكييف .... والنوبيرا اوسع وعائلية اكتر .... بلنسبة للشكل فهيا ازواق بس انا بلنسبالى نوبيرا اللوجان شكلها وحش اوى

[Mostafa.Mahran]

انا لو مكانك هشترى النوبيرا طبعا

[gazzar91]

النوبيرا عملية اكتر وبتستحمل الشغل اكتر .. قطع غيارها اوفر .. صيانتها اسهل ... ماتورها اقوى ... تكييقها افضل وانا بسمع ان اللوجان فى منها مش باور ولا تكييف .... والنوبيرا اوسع وعائلية اكتر .... بلنسبة للشكل فهيا ازواق بس انا بلنسبالى نوبيرا اللوجان شكلها وحش اوى

عملية أكتر .... مش موافق
قطع غيارها أوفر.. موافق و أبصم بالعشرة
التكييف ... للأسف مجربتهومش في التكييف
النوبيرا أوسع و عائلية أكتر.... مستحييييييييييييييييييييييييييييييييييييييييل حضرتك أكيد مقعدش في اللوجان.. أنا قعدت في الإتنين
الشكل... النوبيرا تكسب بحق، اللوجان شكلها كشك
مش قصدي أعمل خلاف بس كدة حضرتك كنت بتضلل العضو صاحب الموضوع لمجرد إن حضرتك منحاز لعربيتك

[fouady]

أنا بأقول نوبيرا برضو

[merosss]

انا هتكلم عن العربية الى معايا النوبيرا
العيوب
1. جلب المقصات فى المقصات الامامية وحلها كان هنا فى المنتدى بتغير المقصات بمقصات اسبانى
2.الرشاشات بعد فترة بتبوظ بردة وببتغير بكذا حاجة
3.عيوب التقفيل ممكن تلاقى كرسى بيزيق وانا كان عندى الرفرف مش ماشى مع الباب بس السمكرى عدلة فى ثانية واحدة
4. وش السلندر عندى كان عايز يتربط قبل 15 الف انا جايب العربية زيرو
5.الصاج ضعيف جدا خصوصا الرفارف الامامية
6.فرامل اليد لازم تترجلش كل فترة .
المميزات:
1.العربية عائلية وواسعة جدا جدا والشنطة كبيرة جدا بردة
2. الموتور ممكن تحس انة عادى جدا خصوصا فى السرعات البطيئة على الاول والتانى بعد كدة جبار والعربية بتجمع بسرعة جدا على السرعات من بعد 40 كدة
3.العفشة ناعمة جدا ومريحة جدا كان فى واحد فى المنتدى هنا قال انك هتحس انك راكب مركب و بتعدى فوق مية دة بالضبط الاحساس الى هتحس بية فى مطبات الهواء والمطبات العادية
4. العربية ثابتة جدا جدا على السرعات العالية ودى حتى اشد اعداء النوبيرا ميقدرش ينكر كدة
5.العربية طويلة شوية وعريضة مع ذلك ابعادها واضحة جدا والمرايات فيها ممتازة
6.الشكل ازواق طبعا
7. تنك البنزين 60 لتر ودى ميزة محدش كتير بياخد بالة وهتبان اكتر فى السفر الطويل انا رحت من القاهرة الى المنيا وجيت فى نفس اليوم من غير ماحت بنزين دى عشان متحتش بنزين فى السكة او من البنزينات الى على الطريق انتا تفول قبل ما تتطلع وكدة تمام

[M.ABDEEN]

بصراحة مفيش احسن من الجديد لكن لو بتدور على شد وحرق وثبات وتجميع يبقى النوبيرا

[د.محمود صلاح]

المقارنة بين مشتعمل وزيرو ... لصالح الزيرو بالطبع
ولكن فيه حالات فردية للمستعمل بتبقي العربية مش متهانة ومعمول لها صيانتها الدورية فبتكون افضل من الزيرو

[mustafaibrahim]

سوزوكى ماروتى 2010


ههههههههه



يا باشا لوجان ايه بس

نوبيرا طبعا او اىحاجة مستعملة تكون كويسة

[eljazeera77]

يا جماعه انا مش عارف اقولكوا ايه ربنا يكرمكم جميعا وتسلموا على المعلومات القيمه وانتم فعلا اخوه وسند
انا حقولكوا القصه بتاعتى بصراحه انا طبيب وسافرت السعوديه سنتين كده انتم عارفين يعنى تحسين الاوضاع شويه يعنى عربيه تكون احسن من الى كانت معايا (فيات ريتمو مو 80) والله كانت جميله نعمه والحمد لله
المهم سافرت على فكره دول الخليج وبالذات السعوديه معتش زى الاول بصراحه والله الدكتور الى يشتغل فمصر كويس والله انضف من الف سعوديه او دول خليك الغربه والاهانه ليها تمن غالى اوى يا جماعه مبيحسوش الا الى يسافر
مش عايز اطلع بره الموضوع بعثت فلوس لاخويا لانى نازل خلاص نهائى بعد كام شهر ان شاء الله وقلتلو اشتريلى نوبيرا تكون كسر زيروا وحالتها تكون معقوله وذلك بسبب كلام حبايبى فالمنتدى قسم الدايو المهم ياشباب الحمد لله وقعت فعربيه مو2001 وكانت ملك دكتور بالجامعه ومبيعرفش يسوق وكان جايب سواق يسوق بيه لما يحب يروح مشوار غير كده العربيه مركونه العربيه ماشيه36000كيلو بس والله بدون مبالغه يا جماعه والحمد لله ولسه بكياسها على الكراسى ومفاتيح النور وغيره لسه بكياسه الكوتشات بتاعتها الاصليه والاستبن لسه مستخدمش
لكن انتوا عارفين زمايلنا وبلدياتنا فى فكاكتهم لما قلتلهم هنا معايا فالشغل حسسونى انى اغبى انسان بالتصرف ده وكنت جبت لوجان احسنلى وقعدوا يعددولى فى جمالها وامكانيتها حسسونى انى اخطأت
بالمناسبه النوبيرا جبتها 46000جنيه كمان
فقلت ياواد خد رأى الشباب وهما الى حيخلونى اعرف انى اخطأت ولا القرار كان سليم
معلش طولت عليكم تقبلوا مرورى واحترامى وتقدير وحبى
اخوكم الدكتور محمد

[gazzar91]

طيب بالله عليك غير الكاوتش علشان زمانه شقق!! دول 9 سنييييييييييييييييييين

[m_bakr]

بارك الله فيما رزق أخى العزيز
ولكنى تضايقت من الأخ الذى يقول "يا باشا لوجان ايه بس"
أنا لا أعرف سبب هذا التحامل، هل قمت بركوب اللوجان؟ أم هو رأى شخصى؟.
يا جماعة الأراء دي أمانة أمام الله سبحانه وتعالى خاصة فى حالة المقارنات
وأخر حاجة هاقولها: أنا كنت بأفكر أجيب النوبيرا قبل ماجيب اللوجان، بس خفت من توقف إنتاج النوبيرا على مستوى العالم وده سيؤدى الى تأثر أسعار قطع الغيار على المدى البعيد بعكس اللوجان المستمرة فى إنتاجها.
شكراً جزيلاً

[ahmedfouad]

يا باشا قدر الله وما شاء فعل النوبيرا فيها مميزات وعيوب و اللوجان فيها مميزات وعيوب بردوا
اللى معاك هى اللى فيها الخير وطالما فى راحة نفسية للشئ ده هو الاهم
والف مبروك على الجميلة الرياضية الاقتصادية كسر الزيرو النوبيرا
وربنا يكفيك شرها ويعطيك خيرها

[eljazeera77]

بارك الله فيما رزق أخى العزيز
ولكنى تضايقت من الأخ الذى يقول "يا باشا لوجان ايه بس"
أنا لا أعرف سبب هذا التحامل، هل قمت بركوب اللوجان؟ أم هو رأى شخصى؟.
يا جماعة الأراء دي أمانة أمام الله سبحانه وتعالى خاصة فى حالة المقارنات
وأخر حاجة هاقولها: أنا كنت بأفكر أجيب النوبيرا قبل ماجيب اللوجان، بس خفت من توقف إنتاج النوبيرا على مستوى العالم وده سيؤدى الى تأثر أسعار قطع الغيار على المدى البعيد بعكس اللوجان المستمرة فى إنتاجها.
شكراً جزيلاً

اشكرك يا عزيزى
طبعا اكيد اللوجان عربيه محترمه لا خلاف
ومتزعلش محدش متحامل ولكن طبعا انت عارف الازواق ولولا اختلاف الازواق لبارت السلع
تقبل تحياتى ومتزعلش والا حتخلينى ابيع النوبيرا الى لسه ملمستهاش واشترى لوجان علشان خاطرك