محتار بين اللوجان واسبرانزا 516

[ahmedadel209]

يا شباب انا محتار جدا بين

الرينو لوجان

واسبرانزا 516

الاسبرانزا ركبتها و اسعه فيها اوبشنز حلوه جدا و شكلها احلى و قطع غيارها رخيصه جدا و منتشره بره التوكيل

اللوجان اسم شركه كبيره زى رينو و اوروبى و التوكيل احسن بس قطع غيارها اغلى و شكلها مش عاجبنى اوى

يا ريت تفدونى يا شباب عشان الحيره هتجننى


ولا ازود شويه و ازنق نفسى و اشتترى اسبرانزا تيجو بصراحه عربيه رائعه


علما بان استخدامى للعربيه قليل بعنى حوالى 15000 كم فى السنه

[Ahmed A Rahman]

على فكرة فعلا انا من الناس اللي فعلا شكل العربية من الاول كان مش عاجبني لاني كنت حاسس انه boxy شوية

لدرجة اني مرة عربية كانت واقفة ادام الجامع بعد صلاة الجمعة قعدت الف حوالين العربية واتخيل اتنها عربيتي لحاد ما صاحب العربية كان حيشك فيا

لما حتشتريها حتريحك جدا بمعنى كلمة الراحة مش حتشيل هم حاجه إن شاء الله خاصة ان التوكيل محترم

[princex1]

لوجان رأيي الشخصي أكثر أمان

[ahmedadel209]

على فكرة فعلا انا من الناس اللي فعلا شكل العربية من الاول كان مش عاجبني لاني كنت حاسس انه boxy شوية

لدرجة اني مرة عربية كانت واقفة ادام الجامع بعد صلاة الجمعة قعدت الف حوالين العربية واتخيل اتنها عربيتي لحاد ما صاحب العربية كان حيشك فيا

لما حتشتريها حتريحك جدا بمعنى كلمة الراحة مش حتشيل هم حاجه إن شاء الله خاصة ان التوكيل محترم

فعلا عندك حق الشكل الصندوقى للوجان مش عاجبنى خالص

الاسبرانزا شكل حلو و اوبشنز و سعر قطع غيار ارخص (و فى المقابل اعتماديه ا قل وعربيه مش معمره) و ده اللى مخوفنى منها

اللوجان عربيه اوروبى اعتماديه و معمره اكتر (بس شكلها مش عاجبنى و اوبشنز اقل و اسعار قطع غيار اغلى)

انا خلاص هنجنن

الخلاصه

اشترى عربيه شكلها حلو و اوبشنز اعلى و اعتماديه اقل (الاسبرانزا)

ولا اشترى عربيه شكلها مش عجبنى واوبشنز اقل و اعتماديه و معمره اكتر (لوجان)


يا ريت كلو يرد يا شباب عشان اسمع كل وجهات النظر

يا ريد الى يختار عربيه معينه يقولى سبب اختياره

[aly_hosny]

مين قال ان اعتمادية الاسبيرانزا اقل
العربيتين يعتبرو جداد في السوق مشاكل الاسبيرانزا موجودة هنا وكلها مشاكل بسيطة
ومشاكل اللوجان اببسط بس موجودة

انا رايي ممكن تجيب m11 لان سعرها نازل دلوقتي عشان المعرض
عربية جميلة جدا وواخدة 5 نجوم في اختبارات السلامة

[3ateef]

516.......

[ahmedadel209]

مين قال ان اعتمادية الاسبيرانزا اقل
العربيتين يعتبرو جداد في السوق مشاكل الاسبيرانزا موجودة هنا وكلها مشاكل بسيطة
ومشاكل اللوجان اببسط بس موجودة

انا رايي ممكن تجيب m11 لان سعرها نازل دلوقتي عشان المعرض
عربية جميلة جدا وواخدة 5 نجوم في اختبارات السلامة

بس m11 ناس كتير هنا فى المنتدى اشتكو منها

وكمان قطع غيارها مش موجوده

[aly_hosny]

بس m11 ناس كتير هنا فى المنتدى اشتكو منها

وكمان قطع غيارها مش موجوده

العربية جديدة وقطع غيارها هتتوافر مع الوقت
بص للناس ال بتشتكي هتلاقي معظمهم برضو رغم الشكوى العربية لسه عجباه
انا بصراحة مجربتهاش
انا ال جربتها ال 516 وسواقتها ممتعة وبتشد حلو ومريحة وواسعة جدا جدا وقوية وشكلها وحش"بالنسبالي هي واللوجان شكلهم اوحش من بعض"
انما ال m11 تحس انها عربية فخمة فعلا
وبالتهيالي مع الوقت هتلاقي العيوب بتقل يعني مثلا كان في عيب في الدينامو التوكيل غير كل القديم والجديد بقى ينزل مفيهوش العيب دا
هتلاقي التوكيل برضو بيصحح اخطاءه في الموديلات الجديدة وبتهيالي 2011 نزلت في اوتوماك

[تامر.محمد]

و الله اللي انا شايفه ان مافيش حد بيشتكي بالأوي من اللوجان زي ما فيه شكاوي بالأوي من موديلين السبيرانزا اللي عليهم الكلام

[zkralla]

لوجان افضل
وراجع المقارنه ديه بدل ما تستنى الردود نفسها من الاول

http://www.nilemotors.net/Nile/102701-a.html

وديه تقريبا كل المقارنات الى فيها لوجان
http://www.nilemotors.net/Nile/116607-a.html

[bishoy02010]

لوجان افضل
وراجع المقارنه ديه بدل ما تستنى الردود نفسها من الاول

http://www.nilemotors.net/nile/102701-a.html

وديه تقريبا كل المقارنات الى فيها لوجان
http://www.nilemotors.net/nile/116607-a.html

+1111

[ahmedadel209]

طيب تكيف اللوجان اخباره ايه


كنت قريت هنا فى المنتدى بعض ملاك اللوجان بيشتكو منه

يا ريت ملاك اللوجان يقولو رايهم فى التكيف

[bishoy02010]

طيب تكيف اللوجان اخباره ايه


كنت قريت هنا فى المنتدى بعض ملاك اللوجان بيشتكو منه

يا ريت ملاك اللوجان يقولو رايهم فى التكيف

جيد جدااا

[etsh1413202]

معلش يا باشا متزعلش من ردي بس دي وجهة نظري مع احترامي للاخرين .......

من الاخر مش هتطلع بعقاد نافع من الموضوع ده ...... مش عشان محدش عارف لا سامح الله بس للاسف العربيتين دول بالذات فى الفئة دى بعيدا عن اللانوس والفيرنا اصحابهم متعصبين للعربيات بتاعتهم بشكل كبير شويه فا كل صاحي عربيه هيشكر في عربيته بشكل كبير وما شاء الله العربيتين منتشرين بشكل ملحوظ ......

فا نصيحه منى روح اتفرج على الاتنين وقلب فيهم كويس وانت الى هتقرر ايه الى هيعجبك ومتقلقش ولا من قطع غيار ولا من صيانه للعربيتين الاتنين كويسين ...... وحط في دماغك ان 516 منتشرةاكتر وقطع غيارها ارخص ششوية وصيانتها سهلة خارج التوكيل لو خايف من ابو الفتوح ....... وربنا يوفقك

مش عايز حد يزعل من ردي بس ده الى انا ملاحظو على ملاك السيارتين

[gazzar91]

إسبيرانزا 516 فيها مشكلة سواقين التاكسي برضه شاركوني نفس الرأي فيها... العربية (سوري في اللفظ بس الصنايعية بيقولوا كده) بتفرشح من ورا.. يعني بتلاقي cumber angle حتى و هي ماشية على طريق مستوي
و أظن إن ده راجع لأن في حاجة غلط في الـ Independent suspension اللي ورا.. مش عارف هي مشكلة tensioners ولا مشكلة stabilizer ولا إيه بالضبط و غير كده أنا مقدرش أثق فيها كمسألة راحة نفية (بس ده رأي شخصي و أرجو ميأثرش عليك).. بس أنا أنصحك باللوجان ... إستخير و توكل على الله و ربنا هيوفقك لحاجة حلوة و تريحك
في رعاية الله..