دايو ولا اكسنت ولا كرستاله ولا استني الزيرو

[mememsaid]

ياجماعه دي اول مشاركه لي واتمتي انكم تفيدوني
انا محتار ما بين الدايو ولا الاكسنت ولا الكرستاله عشان انا معايا 128 وطلعت عيني ووجعالي رجلي فا كل ما اقول اجيب عربيه من دول علي اد فلوسي ارجع واقول لا استني شويه وخش في الزيرو ولما اقول زيرو اقول اقل حاجه زيرو ممكن الواحد يركبها الفيرنا او اللانوس بس ارجع واقول طب ماحدش بيبيع مستعمل الا ما يون فيها حاجه ولازم هصرف عليها وكمان انا نفسي في الاتوماتيك عشان انا رجلي وجعاني من 128 وخايف توجعني من اي عربيه مانيول وكمان الشوارع في مصر يبقي اول حاجه ممكن الواحد يركبها زيرو هي الاكسنت الاقي الموضوع فتح معايا ولصل ل82000 جنيه
حد يقولي انا بفكر صح ولا غلط ولا ايه رايكم في الموضوع ده

[Haitham10]

اطلع فوق ال60 وخلاص سواء مستعمل او زيرو
لان تحتها هتجيب عربيه توجع قلبك اي كان نوعها
ودي نصيحة من اخوك :-)

[Hosam_Optrawy]

الحل الوسط هات فيرنا اوتوماتيك ب 72 تقريبا

ووفر ال 10 الاف الفرق بتاع الأكسنت

[amrseba]

يابنى فيرنا ايه ولانوس ايه الى تتجاب اوتو ماتيك عارف انت لو جبت فيرنا هتقرفك اكتر من ال 128 ولو مغيرتش الفتيس كذا مره ولو البرومه مكلتهاش ولو متقلبتش بيها معلش الفيرنا ديه ياريت تخليها خارج حسابتك ومتفكرش فى اى كورى اوتتتتو ومن تجربه

عندك لانسر كريستاله عربيه فوق الممتاااازه وجميله واعطالها قليله ومش هتوجعلك رجلك ولا هتخرم جيبك

عندك تيوتا كورولا ملكه موديل 97 او 96 وهتبقى فول اوبشن عربيه مبترحش لميكنيكى

عندك نيسان صنى موديل 2000 او 99 عربيه محترمه جدا

ولو ميال للاوروبى

بيجو 405 عربيه جميله جدا جدا موديل فوق 2000

ولو موديل حديث يبقى رينو كليو موديل 2007

او اوبل استرا موديل 2003

[Hosam_Optrawy]

يابنى فيرنا ايه ولانوس ايه الى تتجاب اوتو ماتيك عارف انت لو جبت فيرنا هتقرفك اكتر من ال 128 ولو مغيرتش الفتيس كذا مره ولو البرومه مكلتهاش ولو متقلبتش بيها معلش الفيرنا ديه ياريت تخليها خارج حسابتك ومتفكرش فى اى كورى اوتتتتو ومن تجربه

عندك لانسر كريستاله عربيه فوق الممتاااازه وجميله واعطالها قليله ومش هتوجعلك رجلك ولا هتخرم جيبك

عندك تيوتا كورولا ملكه موديل 97 او 96 وهتبقى فول اوبشن عربيه مبترحش لميكنيكى

عندك نيسان صنى موديل 2000 او 99 عربيه محترمه جدا

ولو ميال للاوروبى

بيجو 405 عربيه جميله جدا جدا موديل فوق 2000

ولو موديل حديث يبقى رينو كليو موديل 2007

او اوبل استرا موديل 2003

يعنى العربيات دى احسن من فيرنا زيرو ؟ فعلا لولا اختلاف الاذواق لبارت السلع

وبعدين فتيس كورى ايه اللى بيبوظ وبيتغير ؟ اكيد العيب فى السواق

انا كان معايا النترا 98 اوتوماتيك وكيا سبكترا 2004 اوتوماتيك وحاليا اوبترا اوتوماتيك

ومغيرتش فتيس قبل كدا بصراحه

وفى اكتر من مليون عربيه كورى اوتوماتيك ماشيه فى البلد مش عطلانه

ياريت مايبقاش كل حكمنا على العربيات من خلال النوبيرا اللى بوظت سمعت الاوتوماتيك الكورى

او من عربيه صاحبها مبهدلها

[amrseba]

يا راجل العربيات ديه مش احسن من الفيرنا الى بتتقلب والى فيها برومه وهيا موديل 2008 عارف لو عربيه ديه حالتها كويسه احسن من الانترا الجديده ولو كانت زيرو او اى حاجه وانا هقول على اقل عربيه فيهم الى هيا الكليو احسسسسسسسسسسسسن من الفيرنا وعلى فكره فى حالات عربيات قديمه فى الشارع احسن من الجديده انا شوفت حاله عربيه ميتسوبيشى كريساله احسن من النترا 2008 ومهما حصل ومهما يتقال ديه تيوتا او ميتسوبيشى و ديه هيونداى

انا هقولك معلومه انت عارف التيوتا ملكه موديل 93 - 97 كورولا عملت تحدى مع الشركات اليابانيه والاوروبيه ان العربيه ميحصلهاش اى مشاكل فى اول 125 الف ميل مش كيلو ............الاسود ستظل اسود والكلاب ستظل كلاب

ولو هنتكلم على الوبترا فهى عربيه ممتازه لايعيبها سوى وكيلها كفايه اسم شركه جنرال موتورز

[M.ABDEEN]

بص يا باشا الجديد جديد برده
عندك خيارات كتيرة
بروتون ساجا
رينو لوجان
كيا ريو
هيونداي اكسنت
احسن من المستعمل حتى لو المستعمل استعماله كويس وده رايي الشخصي

[mememsaid]

يابنى فيرنا ايه ولانوس ايه الى تتجاب اوتو ماتيك عارف انت لو جبت فيرنا هتقرفك اكتر من ال 128 ولو مغيرتش الفتيس كذا مره ولو البرومه مكلتهاش ولو متقلبتش بيها معلش الفيرنا ديه ياريت تخليها خارج حسابتك ومتفكرش فى اى كورى اوتتتتو ومن تجربه

عندك لانسر كريستاله عربيه فوق الممتاااازه وجميله واعطالها قليله ومش هتوجعلك رجلك ولا هتخرم جيبك

عندك تيوتا كورولا ملكه موديل 97 او 96 وهتبقى فول اوبشن عربيه مبترحش لميكنيكى

عندك نيسان صنى موديل 2000 او 99 عربيه محترمه جدا

ولو ميال للاوروبى

بيجو 405 عربيه جميله جدا جدا موديل فوق 2000

ولو موديل حديث يبقى رينو كليو موديل 2007

او اوبل استرا موديل 2003

انا نفسي في التويوتا بس سعرها غالي اعتقد بتكلم في السبعينات وخالي اعد في السعوديه بيقولي هي الاولي هناك وفعلا زي ما بتقول مابتروحش لميكانيكي بس بتمنها ده اخاف اشتريها واقول اشتري الزيرو احسن علي الاقل العربيه المستعمله بتبقي عامله زي البطيخه وممكن تكون فيها اي حاجه مش باينه لاكن الزيرو اهي زيرو وعلي الاقل لفتره الضمان مش هتعمل فيها حاجه زيت وبنزين وبس ولا ايه رايك وبردو رايك يهمني

[Mohammmed]

دورلك على حته كريستالة اوتوماتيك
هتعمل رينج 45

[tahayt]

انا شايف انك تجيب حاجة كويسة بالفلوس اللى معاك من العربيات اللى ماسكة سعرها زى الكرستالة مثلا و بعد كدة هتبقى مش مستعجل على التغيير تانى لحد ما يبقى معاك تمن زيرو حلوة ان شاء الله و نصيحتى ماتفكرش فى التقسيط (شبهة و زنقة و خسارة)

[mememsaid]

انا شايف انك تجيب حاجة كويسة بالفلوس اللى معاك من العربيات اللى ماسكة سعرها زى الكرستالة مثلا و بعد كدة هتبقى مش مستعجل على التغيير تانى لحد ما يبقى معاك تمن زيرو حلوة ان شاء الله و نصيحتى ماتفكرش فى التقسيط (شبهة و زنقة و خسارة)

بس هي الكرستاله الاوتوماتيك تعمل 45000 وتبقي موديل كام دي؟

[Mohammmed]

بس هي الكرستاله الاوتوماتيك تعمل 45000 وتبقي موديل كام دي؟

يعنى لو نضيفة تعمل من 45 الى 50 متدفعش اكتر من كدا فيها
وهتبقى موديل 98 او 99
ونادرا جدا لما تلاقى موجود 2000

[amrseba]

انا نفسي في التويوتا بس سعرها غالي اعتقد بتكلم في السبعينات وخالي اعد في السعوديه بيقولي هي الاولي هناك وفعلا زي ما بتقول مابتروحش لميكانيكي بس بتمنها ده اخاف اشتريها واقول اشتري الزيرو احسن علي الاقل العربيه المستعمله بتبقي عامله زي البطيخه وممكن تكون فيها اي حاجه مش باينه لاكن الزيرو اهي زيرو وعلي الاقل لفتره الضمان مش هتعمل فيها حاجه زيت وبنزين وبس ولا ايه رايك وبردو رايك يهمني

لا التيوتا ديه الملكه 96 او 96 هتلاقيها مابين 54 الف الى 60 او اعلى بس حسب الحاله عربيه مفيش حد لاغيت دلوقتى اشتكى منها انا شوفت واحده 97 فى السوق اتباعت ب 63 الف بس عربيه تستاهل فعلا ممكن تجيب الموديل الى قابله عيون صافيه جميل جدا وصبر نفسك بيها لاغيت لما يكون معاك مبلغ كويس كده تجيبلك لانسر بومه ولا حاجه

[amrseba]

بس هي الكرستاله الاوتوماتيك تعمل 45000 وتبقي موديل كام دي؟

شوفت كريستاله اوتو فى حدود 55 الف امال بالسعر ال 45 الف ده هتجيب كريستاله حالتها وحشه اوى ياعنى ياعنى زود شويه وجبلك يا كريستاله يا ملكه بس من تجربه انا كان قدامى ملكه وكريستاله و نوبيرا و ماتركس

واشتريت الملكه النوبيرا كانت موديل 2007 والماتركس كانت موديل 2006 بس مستريحتش فى الاتنين ياعنى جربت النوبيرا موديل 2007 والعفشه بايظه اكتر من كده ايه والماتركس كانت واسعه وشبه عربيه توزيع اللبن وفاونيسها من ورا شبه الميكروباص

[golf2010]

نصيحة اخوية ماليش اي مصلحة فيها اشتري الزيرو فيرنا او اي حاجة تانية بس زيرو اضمن لفلوسك وجيبك وراحة بالك.