خلاص عقلى شت....طالب النصيحه

[د.اسماعيل النجار]

هاتكلم فى كذا موضوع.
اولا*يا با شمهندس محمد تاج تربو انا العجوز اللى سالت عنه فى المنتدى العام(لكن القلب شباب قدك بالضبط)
انادكتور / اسماعيل سعد النجار استشارى جراحه عامه بمستشفى عام بمحافظه الغربيه العمر 51 سنه.ده اولا
ثانيا*ازاى يا باشمهندس متعرفش surgeon1 وانت من اول الناس اللى ردوا على موضوعى الاول وهو (الاحسن والاسوا فى السوق المصرى)وموضوع (تقرير مفصل عن اوبل فييكترا2007 )وموضوع(سر اختفاء تويوتا كورولا 2008 من شوارعنا)
ثالثا*وهو الموضوع الاهم انا الان فى حيره شديده حيث لم اوفق فى الحصول على الكورولا الجنوب افريقى حتى الان لانها سوق سوداء ولم اجدها رغم ارتفاع سعرها حوالى 10 الاف جنيه ففكرت فى كذا اختيار ما بين هوندا سيفيك 2008 (لو متوفره),لانسر 1500 cc
الكامله . حيث انى مللت الالمانى لخشونته وارغب فى اليابانى فارجو النصيه الخالصه لوجه الله حتى لو كان الامر على هيئه استطلاع
*تويوتا كورولا 2008 جنوب افريقى 1600
*هوندا سيفيك 2008 يابانى 1600
*متسوبيشى لانسر 2008 يابانى 1500 كلهم كاملين full option على ان سعرهم تقريبا واحد
ارجو ردود كثيره وسريعه وللمنتدى منى خالص الحب والتقرير
د / اسماعيل النجار / سابقا.surgeon1

[Ahmed Samy]

انا ارشح لحضرتك اللانسر و ده للأسباب دي:
1- انا استبعد الكورولا لأن الحصول عليها اصبح زي المخدرات تماما ...
2- استبعد الهوندا من باب الكماليات و اعادة البيع و الصيانة
3- انصح بالانسر لأنها :

= الحصول عليها سهل (ادفع و استلم)
= الصناعة اليابانية
= الكماليات المناسبة (يدوب على القد) فيها ماهو فوق العادي و ليس ما هو فوق المطلوب.
= الشكل الجديد يعني هاتفضل جديدة سنتين تلاتة
= سهولة ووضوح الاصلاحات و قطع الغيار
= صالون السيارة اجمل من التويوتا
=ارتفاع السيارة اعلى من الهوندا
------------------------------------------
و لكن يا سيدي لاحظ :
العربية سعرها بينزل الأيام دي (وصلت الكاملة الخليجى لـ 146 الف) و في ناس بتقول شافتها بــ 141 الف.
العربية شنطتها صغيرة (صغيرة بجد)
الموتور مش متغطي و متقفل 100% (و دي ميزة في نظري)

و كان الله في العون

[limo]

كورولا 2008 1600
التوكيل هيفتح الحجز تانى فى منتصف شهر فبراير و الاستلام بعد ثلاث شهور
لو تعرف تستحمل الفتره ده يكون افضل

[محمدايهاب]

أنا رأي التويوتا كورولا بالحجز و لو حضرتك مش عاوز تستنى يبقى اللانسر العربيةعاملة مبيعات ممتازة في الإمارات ( و هنا بيقدروا العربيات الجميلة بس بغض النظر على السعر)

[mohamed ibiza]

avoid corolla keep ur mind thinking in civic and lancer ex 1500 cc and my opinion is civic wonderfull car






















IBIIIIIIIIIIIIIIIIIIIIIIIIIIIIIIIIIIIIIIIIZZZZZZZZ ZZZZZZZZZZZZAAAAAAAAAAAAAAAAAAAAAA FOR EVER

[ابوشريف]

احجز التويوتا كرولا2008 وانتظر افضل

[أبو عبدالله]

أنا انصحك بالكورولا لو حتى الخليجي اللي هيا ياباني
او بعد كده يبقى سيفيك

ولو حضرتك عاوز برستيج وعربيه كبيره يبقى طبعا السيفيك اولى من الكورولا

[veriano]

تعالى نحسبها بالعقل:
اللانسر 1500 أما التويوتا و الهوندا 1600
اللانسر لا يوجد لها توكيا قوى اذن استبعد اللانسر
يتفضل التويوتا و السيفيك ( موتور أقوى و توكيل قوى)
اذا فاضلت بين الاتنين تختار عربية يابانى 100 % ولا عربية يابانى تقفيل جنوب أفريقى
أكيد اليابانى - عليك و على السيفيك
ربنا معاك

[Chicco]

التلاتة كويسين يا باشا والاختيار حيبقى شخصي بحت
كل واحدة فيها مميزات و عيوب حاول حضرتك تقول لينا متطلباتك يمكن نعرف نساعدك يا دكتور ... و ربنا يوفقك

[د.اسماعيل النجار]

اشكركم جميعا على هذا التفاعل السريع والنصائح الغالية واضيف اننى ميال جدا للتيوتا للاسباب الاتية 1 سيارة عائلية متوسطة توفر الحد الادنى لمتطلبات اسرتى المكونة منى والزوجة واربعة اولادكبراهن بالثانوية العامة واصغرهم بالاول الابتدائى 2 جربت الكورولا قبل ذللك من 2002 حتى 2007 ولم اصرف عليها جنيها واحدا سوى تغيير الزيت والفلتر 3بعد ان بعتها واشتريت اوبل فكترا 2007 ادركت كم كانت ناعمة وسلسة ومريحة تلك الكورولا 4سعر اعادة البيع 5 ارجوكم لاتاخذوا كلامى على انة شىء مسلم به ولكن اعتبروا انى افكر معكم ولكن بصوت مرتفع 6 حقييييييييييييييقى محتاج اراءكم وكما يقولون لاخاب من استشار حبى وتقديرى لجميع اعضاء هذا المنتى الائع وسلام

[د.اسماعيل النجار]

حبى وتقديرى لجميع اعضاء هذا المنتدى الرائع والسلام

[Chicco]

لا غبار على الكورولا يا باشا (و لو اني عادة بتخوف من أي موديل جديد و أحب استنى قبل ما اشتريه لما يتجرب في شوارع المحروسة) لو حضرتك مش مستعجل إحجز من التوكيل أضمن و معلهش على الانتظار
في إختيار تاني هو شراء كورولا موديل ٢٠٠٦ أو ٢٠٠٧ كسر زيرو إيه رأيك ؟

[د.اسماعيل النجار]

الله ينور عليك ياchicco فعلا فكرت فى الاقترلح ده وهو اقتراح جميل وعملى وممكن استخدم العربية 6 شهور مثلا حتى تتضح الرؤية بالنسبة للموديل الجديد وبعد كدة ممكن ابيع بدون خسارة اوخسارة بسيطة لانك تعرف ان الكورولا بتمسك سعرها لو حد موافقنى وموافق شيكو الراى ارجوه مايبخلش على بالنصيحة حتى لو كانت عكس ارائنا بس يقول السبب حبى وتقديرى والسلام

[sa3dawy]

Mitsubishi Lancer EX Sport packadge
wonderful car

[د.اسماعيل النجار]

ملحوظة: بحكم عملى لايمكننى الاستغناء عن السيارة لوقت طويل