إعـــــــلان

Collapse

.

,
See more
See less

سيريون ولا اية

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    سيريون ولا اية

    السلام عليكم
    دي اول مشاركاتي في المنتدي
    انا عايز اشتري عربية ودي اول ركوبي وانا محتار بين
    سوزوكي سيلاريو
    متريكس
    i10
    بيكانتو
    دايهاتسو سيريون
    فيات بونتو
    اللي يقدر يدلني يبقي كتنر خيرة
    الكلمات الدلالية (Tags): اية, سيريون, ولا
  • #2
    ممكن اي حد يقولي اية مميزان وعيوب الشيفورلية سبارك

    Comment

    • #3
      ايه احتياجاتك انت :
      يعني الماديات الكماليات الأولويات ايه في العربيه من اسعار قطع غيار استهلاك بنزين صيانة عربية عمر افتراضي وسع داخلي شكل خارجي اداء ماتور نعومة عافشة
      كل الحاجات دي اولويات بتختلف من شخص لأخر
      انت ايه المهم عندك بالترتيب
      يعني ايه اللي لازم يكون موجود في العربيه وايه اللي مش مهم
      [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
      [COLOR="Olive"]قال رسول الله صلى الله عليه وسلم :[/COLOR]
      [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

      Comment

      • #4
        المشاركة الأصلية كتبت بواسطة أبو عبدالله مشاهدة المشاركة
        ايه احتياجاتك انت :
        يعني الماديات الكماليات الأولويات ايه في العربيه من اسعار قطع غيار استهلاك بنزين صيانة عربية عمر افتراضي وسع داخلي شكل خارجي اداء ماتور نعومة عافشة
        كل الحاجات دي اولويات بتختلف من شخص لأخر
        انت ايه المهم عندك بالترتيب
        يعني ايه اللي لازم يكون موجود في العربيه وايه اللي مش مهم
        +999999999
        حدد الاولويات
        لان حضرتك بتقارن بين عربيات مستحيل المقارنة بينهم
        زى سلاريو وماتريكس
        [SIGPIC][/SIGPIC][SIZE=3][COLOR=#68d122]من اهم انجازات مبارك :
        توحيد المصرين على كلمة حسبى الله و نعم الوكيل
        [/COLOR][/SIZE]


        محمد العصار

        Comment

        • #5
          الحمد لله ان فيلا حد رد عليا
          انا محتاج عربية في حدود 75000ج موفرة في البنزين علشان انا كل شغلي في اسلاحل الشمالي بعد سيدي عبد الرحمن
          وكمان تكون عربية كويسة طبيعي الواحد عايز العربية تكون قطع غيارها متوفرة
          انما اللي ياخد بالة من العربيات الي انا مختارها يلاحظ ان تقريبا شكلها متقارب
          ملحوظة
          اكتر من واحد خوفوني من الشيفورلية عموما
          وانا من معلوماتي المتواضغعة جدا في العربيات ان الياباني مفيش احسن منة

          Comment

          • #6
            هات جيتز احسن من دة كلة موتور قوى واداء ممتاز وتكييف مريح جدا فى الحر السفر المتواصل

            Comment

            • #7
              المشاركة الأصلية كتبت بواسطة zawahry مشاهدة المشاركة
              الحمد لله ان فيلا حد رد عليا
              انا محتاج عربية في حدود 75000ج موفرة في البنزين علشان انا كل شغلي في اسلاحل الشمالي بعد سيدي عبد الرحمن
              وكمان تكون عربية كويسة طبيعي الواحد عايز العربية تكون قطع غيارها متوفرة
              انما اللي ياخد بالة من العربيات الي انا مختارها يلاحظ ان تقريبا شكلها متقارب
              ملحوظة
              اكتر من واحد خوفوني من الشيفورلية عموما
              وانا من معلوماتي المتواضغعة جدا في العربيات ان الياباني مفيش احسن منة
              أنا ارشحلك السيريون ان شاء الله
              وانصحك بكثر الأستخارة لكي ترزق الخير لك ان شاء الله
              [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
              [COLOR="Olive"]قال رسول الله صلى الله عليه وسلم :[/COLOR]
              [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

              Comment

              • #8
                واللهي انا احترت
                شوية يقولولي اسبيرانزا كويسو والنهاردة واحد قالي قبل ما تقرر اسال اي سواق تاكسي عنه وانت تعرف البلاوي بتاعتها
                واللوجان محدش بيشكر فيها وانا كمان شكلها مش عاجبني
                والبيكانتو 1100 سي سي وانا علطول مسافر وكمان صغيرة من جوه
                الساجا مش عارف شكلها اية ومشلاقيها خالص في الشارع علشان اعرف شكلها اللي شفتة الجين 2 وحلوة مش وحشة
                كمان من الاول كنت بفكر في السيريون وان عرفت انها ياباني الشركة بس انما الصنع صيني او هندي المهم ان التقفيل مش ياباني
                نيجي للهيونداي كنت استقريت علي الجيتز زادت 4000ج
                والفيرنا كمان مش عاجباني من كلام الناس عليها
                واللهي انا احترت

                Comment

                • #9
                  المشاركة الأصلية كتبت بواسطة zawahry مشاهدة المشاركة
                  واللهي انا احترت
                  شوية يقولولي اسبيرانزا كويسو والنهاردة واحد قالي قبل ما تقرر اسال اي سواق تاكسي عنه وانت تعرف البلاوي بتاعتها
                  واللوجان محدش بيشكر فيها وانا كمان شكلها مش عاجبني
                  والبيكانتو 1100 سي سي وانا علطول مسافر وكمان صغيرة من جوه
                  الساجا مش عارف شكلها اية ومشلاقيها خالص في الشارع علشان اعرف شكلها اللي شفتة الجين 2 وحلوة مش وحشة
                  كمان من الاول كنت بفكر في السيريون وان عرفت انها ياباني الشركة بس انما الصنع صيني او هندي المهم ان التقفيل مش ياباني
                  السيريون 100% ياباني بس طالما ممكن توصل 75000 جنيه هات السيريون ال 1300 المانيوال ب 80000 جنيه عربيه اعتماديه و حموله و موفرة في البنزين و واسعه من جوة جداااااااا و ياباني 100% و قطع غيار مش متوفرة اوي بس موجودة و ابتدت تنتشر جداااااااا فبالتالي قطع غيارها بتنتشر و توكيل من احسن التوكيلات في مصر و زي ما الاخ العزيز ابوعبدالله قالك اكثر من الاستخارة و ربنا يوفقك للقرار السليم
                  نيجي للهيونداي كنت استقريت علي الجيتز زادت 4000ج
                  والفيرنا كمان مش عاجباني من كلام الناس عليها
                  واللهي انا احترت

                  Comment

                  • #10
                    السيريون ياباني ميه في الميه
                    وبعدين نازل عليها عرض الأيام دي بــ 66 الف جنيه مش 75 الف
                    [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
                    [COLOR="Olive"]قال رسول الله صلى الله عليه وسلم :[/COLOR]
                    [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

                    Comment

                    • #11
                      مفيش حاجة بينزل عليها عرض بتبقى كويسة
                      دايما الحاجة اللى مابتتباعش بينزل عليها عروض

                      Comment

                      • #12
                        المشاركة الأصلية كتبت بواسطة zawahry مشاهدة المشاركة
                        السلام عليكم
                        دي اول مشاركاتي في المنتدي
                        انا عايز اشتري عربية ودي اول ركوبي وانا محتار بين
                        سوزوكي سيلاريو
                        الحلو فيها شكلها ..... مكونات يابانية و تقفيل هندي .... لكن الصالون ضيق بشكل ملحوظ و غير كدا مش منتشرة ... قطع غيار السوزوكي غالية نسبياً لكن مش ولعة نار .... توكيل محترم ...
                        متريكس
                        مينفعش حضرتك تحط الماتريكس بين العربيات دي ..... لأنها اعلى من 80 الف جنيه و العربيات اللي حضرتك حاططها في فئة اقل من ال 80 الف جنيه .......
                        i10
                        عربية برده يعجبني شكلها الخارجي ...... صالونها مش واسع لكنه مقبول .... يُقال انها كوري تقفيل هندي , لكن آخر مرة لما سألت كانت كوري بالكامل ..... منتشرة ..... بس التكييف بتاعها مش قد كدا ........ توكيلها غبور و سمعته معروفة يعني ( لو اشتريتها يبقى الله يكون في عونك من توكيلها :) :) )
                        بيكانتو
                        عربية حلوة ...... شياكة ..... تكييف جيد ...... صالون شيك ....... لكن مش واسع الى حد ما ...... كوري 100% .... موتور 1100 سي سي ....... توكيلها محترم ..... الوحيد اللي بيدي ضمان 5 سنين .....
                        دايهاتسو سيريون
                        عربية محترمة جداً جداً ..... ياباني 100 % ...... تكييف تلاجة ...... اوسع عربية فيهم تقريباً من نحية الصالون برغم انها عربية كومباكت و صغيرة ........ شنطة الى حد ما كبيرة ( فيها امكانية طي الكنبة , و بالطي مساحة الشنطة توسع ) ...... منها موتور 1000 سي سي و ده عليه عرض ب 66 الف ( مانيوال ) ... في 1300 و ب 75 الف مانيوال ... ب 85 الف اوتوماتيك ... و مفيش منها 1500 ......
                        توكيلها محترم ...... و ارشحها لك بقوة , لأن الدايهاتسو معروف عنها كفاءتها ..... و محققة كل اللي تحتاجه من راحه و امان و كفاءة و رفاهية ..... قطع الغيار اسعارها مش رخيصة لكن مش ولعة نار و مش غالية قوي .....
                        فيات بونتو
                        عربية جميلة برده ....... سعرها يضرب السيريون ...... لكن توكيلها مش حلو و اسعار قطع الغيار بتاعتها ولعة نااار ..... و مبشفش منها كتيير .....
                        اللي يقدر يدلني يبقي كتنر خيرة
                        و ربنا يبارك لك في العربية الجديدة ان شاء الله .... :)


                        ممنوع استخدام اللون الاحمر في المداخلات او التوقيع حيث إنه مخصص فقط للمداخلات الادارية من قبل الاشراف والإدارة
                        تم تغيير اللون ويرجى مراجعة قوانين المنتدى
                        مشرف 12 ب

                        Comment

                        • #13
                          ... و مفيش منها 1500 ......
                          لا فيه منها 1500 سي سي بــ 93 الف اتوماتيك فول اوبشن
                          واول المانوال دلوقتي 1300 سي سي بــ 80 الف وليس 75 الف
                          [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
                          [COLOR="Olive"]قال رسول الله صلى الله عليه وسلم :[/COLOR]
                          [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

                          Comment

                          • #14
                            المشاركة الأصلية كتبت بواسطة أبو عبدالله مشاهدة المشاركة
                            لا فيه منها 1500 سي سي بــ 93 الف اتوماتيك فول اوبشن
                            واول المانوال دلوقتي 1300 سي سي بــ 80 الف وليس 75 الف
                            غريبة .... ؟!!!

                            انا كنت في معرض دايهاتسو اول امبارح في سموحة .....
                            سألت الراجل قال لي مبينزلش منها 1500 في مصر .....

                            الله أعلم :)

                            أما بالنسبة لسعر المانيوال .... فأنا غلطت في الحتة دي فعلاً ....
                            أنا كنت قاصد موديل 2009 لأنه كان عليه عرض ب 75 ألف .....

                            و الف شكر لحضرتك انك نبهتني للموضوع دا :) و كل سنة و انتا طيب :)

                            Comment

                            السابق template التالي
                            Working...
                            X