Sos طلب مساعدة في اختيار سيارة

[supermorsy]

سلام عليكم
ارجوكم يا أهل الخبره تساعدوني ضروري علشان خلاص هطق
دلوقت انا الحاجه وعداني بعربيه بقالها سنتين و أخيييييييييييييييييرا رضيت عني و ناويها تنفذ وعدها
المشكله انها حاطالي ميزانيه غريبه 30.000 و انا هتجنن مش عارف أجيب أيه مناسب بيهم
أنا بقالي 5 شهور بالف و توصلت لحاجه من دول و انا هكتبهم بالترتيب اللي انا بأفضلهم بيه
1-سيات أبيزا 95
2- سكودا فليتشيا 98
3-هيوانداي أكسيل 1500 لو لاقيتها ب 30
و أخيرا و ليس أخرا الشاهين
و الصراحه انا ليا شويه مواصفات
1- العربيه تكون جرايه نوعا ما
2-تستحمل أوزان لأني ما شاء الله طول بعرض و كل أصحابي دولايب
3-الصيانه حونينه لاني انا اللي هصرف عليها و انا لسه في كليه (للاسف هندسه)
4- العربيه تستحمل سفر
و بس خلاص كده
أرجو يا شباب أنكم تردو عليا سريعا سريعا لأني خلاص هخلص أمتحانات يوم الاربعاء أن شاء الله
أدعولي بقي :D:D:D

[Ahmed Mubarak]

ابيزا1994 بدون تفكير

[ahmedzizo131]

بسم الله الرحمن الرحيم
هيوانداي أكسيل 1500 ( كاملة )
او 1300 ( تكييف + 4 زجاج كهرباء )

[supermorsy]

طيب بالنسبه للابيزا انا سمعت ان قطع الغيار ناااار
و بالنسبه للهيونداي هوا انا ممكن الاقي 1500 كامله بالسعر ده لاني أظن ان ال 1300 مش هتستحملني

[mrwho1982]

عليك وعلي البروتون ويرا والله العظيم عربية ممتازة

موديل 2000

باور وتكييف وازاز كهرباء وجراية وعفشة ممتازة وقطع غيارها هي هي قطع غيار لانسر كريستالة

[kae]

طبعا الشاهين ارخص حاجة , وسهلة في الصيانة وكمان قطاع غيار في الأرض وعند أي بقال ومفيش ميكانيكي في مصر مش بيفهم فيها وكمان بتجري كويس لغيت 140 إنت في التمام

[supermorsy]

بالنسبه للبروتون ويرا يا ريييييييييييييييت الاقيها بالسعر ده و حاله نضيفه ديه مصلحه السنين يعني بس أي نظامها مع الميكانيكيه
أما بالنسبه للشاهين فا أنا متأكد انها الانسب حتي الان بس انا مش بحبها خالص بالاضافه لانها مش معزوله خالص ده انا بركبها و أقفل الشيش و الازاز و ولا كأن فيه فرق الصوت بتاع الشارع بيبقي ولا كأني قافل الازاز و كمان حوار ان مافيهاش تكييف ده رخم قوي

[x512]

الاكسل لو خبط عالصاج بتاعها هتطبق يعني الامان صفر...الابيزا عربيه حلوه و هتستحمل و جرايه بس قطع غيار ناااار...يبقي مفيش الا فليشيا ....بس لو مستعد تضحي بقطع الغيار يبقي طبعا ابيزا اولا و اخيرا

[yahiahelaly]

-هيوانداي أكسيل 1500

[amrseba]

يابنى الهونداى اكسيل ديه لو 2000 سى سى عربيه وحشه جدا جدا جدا لا فيها ثبات بعد الميه تبقى فى خلاط ولا امان خالص ومشاكلها كتير وماتورها ضعيف مش بتاع اى حاجه وعمرى ماشوفت عربيه اكسيل ماشيه فى الشارع حالتها نضيفه
معلش لكل ملاك العربيه بس ديه الحقيقه المره بس ديه تختارها فى حاله انت عايز قطع غيار مش عربيه وكل الى معهم العربيه هم الى قالوا تشتريها


ومعلش الابيزا حاجه تانيه عربيه فيها سيستم بورش والمانى بتتكلم فى ايه وقطع غيرها مش ناااااااااااااار ولا حاجه عربيه قطع غيرها معقوله جدا وجرايه

الشاهين كل ميزتها انها قويه تستحمل اى حاجه وعاليه من الارض وقطع غيارها عند البقال وبتجرى كويس

الفليشا تيييييييييييييييت بلاش منها

[ahmedbibo]

يابنى الهونداى اكسيل ديه لو 2000 سى سى عربيه وحشه جدا جدا جدا لا فيها ثبات بعد الميه تبقى فى خلاط ولا امان خالص ومشاكلها كتير وماتورها ضعيف مش بتاع اى حاجه وعمرى ماشوفت عربيه اكسيل ماشيه فى الشارع حالتها نضيفه
معلش لكل ملاك العربيه بس ديه الحقيقه المره بس ديه تختارها فى حاله انت عايز قطع غيار مش عربيه وكل الى معهم العربيه هم الى قالوا تشتريها


ومعلش الابيزا حاجه تانيه عربيه فيها سيستم بورش والمانى بتتكلم فى ايه وقطع غيرها مش ناااااااااااااار ولا حاجه عربيه قطع غيرها معقوله جدا وجرايه

الشاهين كل ميزتها انها قويه تستحمل اى حاجه وعاليه من الارض وقطع غيارها عند البقال وبتجرى كويس

الفليشا تيييييييييييييييت بلاش منها

+11111111111111111111111

فعلا الاكسيل وحشه جدا مع اخويه صاجها تعبان ومشاكلها كتير ومفييش ثبات خاالص خالص بعد اااال 100مبتكونش راكب عربيه وفعلا انت هتختار قطع الغيار اشتريها بس مش هيبقى معاك عربيه وهيفيد بأيه قطع الغيار لو كل يومين غيرتلك حاجه

انا رأى الشاهين حلوه ولو عايز امكانيات يبقى عليك والدوجان و الويرا جميله جدا هيا هيا الانسر كريستاله

والابيزا كويسه جدا وقطع غيارها معقوله والمانى

[Ahmed Mubarak]

يا باشا قطع غيار الابيزا مش غالية ولا حاجة بس اللى يقولك غاليه شوف هو بيقارنها باية تمام غير كدة ان قطع الغيار معمرة والعربية واسعة من جوة جدا (صالون واسع) غير كدة العربية ثبات على الطريق مع السرعات العالية 140 و ال 160 واسال فى قسم السيات والله عن تجربة انا كانت معايا ال 94 وبعتها لظروف وان شاء الله هجيب ابيزا تانى بس لما الظروف تتحسن ان شاء الله

[golf2010]

انا كنت بقرا الخيارات واول ما قريت اسم إبيزا وقفت ومكملتش, وقولت هكتبلك ابيزا اكيد, امان وراحة وثبات وجراية وقطع الغيار معقولة مش غالية, وسعر اعادة البيع مش هتخسرك فيه كتير زي الباقي

[supermorsy]

اولا شكر جدا يا شباب
ثانيا دلوقت المشكله ان العربيه أنا اللي هصرف عليها و انا أصلا لسه في كليه فا بحاول أنقي أرخص حاجه في قطع الغيار و الابيزا طبعا لاجدال عليها بس انا سمعت ان كل اللي في السوق وحش لانها أستخدام شبابي يعني جري و فحت و ردم و كده و انا مش بفهم كويس في العربيات :d
و معلش بقي سؤال هوا أيه أحسن موديل للابيزا علشان مره سمعت أنه ال 94 علشان 1400 سي سي و مره سمعت أنه ال 98 رغم أنه 1000 سي سي بس و ده ميستحملنيش
ثالثا بقي و الاهم دلوقت انا أصلا مش عارف أشتري عربيه منييييين هل من سوق العاشر ولا منين بالظبط و لو حد نازل السوق ينفع مثلا أقابله و أنزل معاه يبقي خد فيا ثواب
شكرا يا شباب انا هروح أصيع بقي شويه بما انه أول يوم في أجازتي :d

[amrseba]

اولا بلاش تشترى من السوق كلهم حراميه وتجار والعربيات بتكون طالع عين ابوها ويلمهالك ويبعهالك غالى جدا ومتشتريش من تاجر خد واحد تثق فيه وكويس وبيفهم فى العربيات وخده وشوف اى عربيه فى النت النت فى عربيات كويسه جدا جدا بس بردوه خلى بالك ولازم ترفع العربيه وتعمل شغل وانسب عربيه ليك دلوقتى الشاهين هيا الوحيده الى تستحمل ولو عايز عربيه بكماليات يبقى الدوجان وتحياتى لحضرتك سيبك من السوق كله حررااااميه ونصابيين بيودو العربيات لميكانيكى يروقها ويلصملك كل حاجه تقعد معاك اسبوع وتلاقى فتحه ما بعدها فتحه تبقى حاجه سودا