بيجو 505 ولافيات 132

[islambana]

بسم الله الرحمن الرحيم

السلام عليكم ورحمه الله وبركاته
هذه اول مشاركه لي في المنتدي لقد نويت شراء سياره وقد قررت ان اختار من احد النوعين البيجو505 1600سي سي او ال132 1600 سي سي
اود معرفه ايهما اكثر ثبات علي الطريق وارخص في قطع الغيار واسهل في عمرته ويتحمل السفروماهي متوسط اسعارها عندما تكون بأفضل حاله حيث اني من مقيم في الصعيد واسافر شهريا الي القاهره مسافه 500 كيلو وماهي الفروق بين البيجو 505 وال 504

اسف علي الاطاله

[hazem_khidr]

اهلا و سهلا بيك اخ عزيز
ال505 موتورها 2000 سي سي و ليس 1600 و هو نفسه موتور ال 504
من ناحيه التحمل و الثبات ف ال 505 اقوي بكتير من ال 132
لكن اسعار قطع الغيار لو اصلي بالتاكيد حتبقي اغلي
لكن لو اتكلمنا علي الاعتماديه يبقي ال 505 تكسب بجداره بس لو حالتها نضيفه

[islambana]

مشكوور يا حازم بيه بس علي الرد معلش هتغبك معايا امال ايه الفرق بين ال505 موديل الثمانينيات التي تباع ب 35 الي 45الف وال 505 موديل التسعينيات والتي تباع ب 60000جنيها ومشكور مقدما

[fahd_628]

انا رأى بيجو 505 عربية تحفة بجد

و فية موديل على ما اعتقد منها اسمة طيارة اعتقد هوة دة الأغلى

[hazem_khidr]

العفو يا اسلام باشا.
الفرق كله فرق موديل كل ما بتعلي بالموديل كل مما التمن يزيد.
يعني من موديل 80 الي 86 نفس الشكل
من اول 86 تم تغيير لتابلوه و بقي اشيك بكتير و دا بيسموه تابلوه طياره لانه عريض اوي و شكله تحفه الصراحه.
و بتبقي معظمها بجنوط سبور شكلها رصين جدا و فرش الابواب متغير و الجرايد و المريات و الاكصدامات و الفوانيس الخلفيه.
لكن نفس العفشه و الموتور علي ما اعتقد
ما عدا ال sti كانت بموتور 6 سلندر 2500 سي سي .
كنت عمل موضوع في بيجو عن ل 505 فيه معلومات كتير عنها حاول تبحث عنه و تقرأه

[Meedo]

طبعا بيجو505 بدون تفكير

[amgad29]

اخونا العزيز الأستاذ حازم كان عامل موضعين رائعين عن السيارتين اللي بتسأل عنهم و ده اللينك بتاعهم:

http://www.nilemotors.net/Nile/showthread.php?t=480

http://www.nilemotors.net/Nile/showthread.php?t=168

اعتقد هتلاقي كل اللي بتسأل عنه فيهم

[TAG_Turbo0]

505 من غير كلام
بس مفيش 505 1600 كلها 2000

[Xpert]

ال 505 قطع غيارها غاليه .. ال 504 قطع غيارها غاليه قوي .. الفرق بين ال 505 ال تمانينات و التسعينات زي ما اتقال كده .. و فيه اختلافات بسيطه في العفشه و الموتور كمان .. و خد بالك ان فيه كمان 505 تسعينات بتاعه وجيه اباظه .. هاتلاقي الغطاء بتاع التنك الناحيه التانيه و غطاء التنك ماشي مع السوكه ..
عموماً لو انت بتدور علي حاجه استخدام شاق هاتجيب 505 .. لو بتدور علي حاجه استخدام كويس تجيب يا 132 او دوجان ..

[islambana]

انا متشكر جدا علي الردود الجامده دي ومش عارف من غيركم كنت عملت ايه علي فكره انا منزل موضوع الاستاذ /حازم علي جهازي بس لو في صور توضح الفرق بين العربيتين وهي ثابته لغايه سرعه كام ومشكورين مقدما

[hazem_khidr]

صوره ايه بالضبط يا اسلام بيه؟؟؟
موضوع ال 132 مليان صور و ال 505 كان فيه صور لكن لما نقلنا من السيرفر الصور راحت ..


اقتباس xpert كتب
و خد بالك ان فيه كمان 505 تسعينات بتاعه وجيه اباظه .. هاتلاقي الغطاء بتاع التنك الناحيه التانيه و غطاء التنك ماشي مع السوكه ..
........
ال505 بتاع وجيه اباظه كانت استيشن بس
الموديل اللي بتقول عليه دا كان لتانك يمين مش شمال و دا كان في ال gl
ال sr و ال gr كان التانك علي الشمال و الباب بتاع التانك مش جنب السوكه.
ملحوظه :
ال GR كانت من غير كماليات
ال SR كانت بزجاج كهرباء و سنتر و فتحه سقف و اللي بتكييف منها مافيش فيه فتحه سقف

[Xpert]

يا راجل .. انا عمري ما شفت التانك الناحيه التانيه ده بره نهائي .. كل ما اسال واحد يقولي ده وجيه اباظه و حطو التنك فبر جوه الشنطه و الغطاء الناحيه التانيه ..
سوال برضه .. الستيشن بتاعه وجيه اباظه دي موديلات من كام لكام ؟

[sa3dawy]

505............

[islambana]

مشكورين علي الرد والمساعده وخاصه الاستاذ حازم لانه عضو نشيط ومساعد وان شاء الله نكون اصدقاء في القريب العاجل لانه شخصيه محترمه ومتعاونه

[hazem_khidr]

الله يخليك يا استاذ اسلام و اتمني فعلا اننا نتعارف في وقت قريب:)