إعـــــــلان

Collapse

.

,
See more
See less

لو مش معاك تمن عربيه جديده - يا ترى تشتري قسط ولا مستعمل؟؟!!

Collapse
X
 
  • Filter
  • الوقت
  • Show
Clear All
new posts

  • لو مش معاك تمن عربيه جديده - يا ترى تشتري قسط ولا مستعمل؟؟!!

    السلام عليكم جميعا

    أكيد في ناس كتير في نفس حيرتي وأتمنى إن الموضوع ده يقلل من الحيرة دي بعض الشيء ونحاول نساعد بعض على اتخاذ القرار المناسب.

    لو أنت إمكانياتك متسمحش انك تجيب عربيه زيرو - يعني المبلغ الي معاك لو حطيته في عربيه تحصلك أزمة اقتصادية وجايز متعرفش تسوق العربيه اصلا

    طيب يا ترى هتشتري عربيه مستعمله وتقعد تدور على حالات نادرة وبره وجوه وترفع العربيات وتكبس مواتير وتخش السوق؟

    ولا تدفع مقدمه حلوه وتقسط الباقي؟

    يا ريت كل حد يقولنا اسبابه واختياراته وايه افضل نظام بيفضله

    وان شاء الله نستفيد من آراء بعض
    93
    أشتري مستعمل بعد تفحيص وتمحيص
    0%
    49
    أشتري عربيه زيرو بالتقسيط
    0%
    35
    أستنى لحد ما اجمع تمن العريبه الزيرو - بس انا عايز عربيه دلوقتي!!!!
    0%
    9

  • #2
    والله الاختيار صعب.بس انا هقولك وجهة نظرى:

    -لو العربية الزيرو عاجبانى اوى ومش هاقدر اتنازل عن الموديل ده.يبقى اجيبها قسط بس ادور على احسن بنك وهابعد عن السيتى بنك عشان غراماته عالية اوى وفوايده عالية كمان

    -ممكن لو عندى فلوس فى بنك ومش عاوز افكها,يبقى اخد قرض بضمانها من البنك وبتبقى فايدته اقل بكتير

    -طالما فكرت فى القسط يبقى ادور على عربية حنينة.يعنى قطع غيار-صيانة-اكسسورات.وميمنيش الناس راكبة ايه,اد ما يهمنى انا هاقدر على ايه.

    لكن انا فى داخلى دايما فكرة بلاش القسط لانه جزء من مالى بيروح كل شهر وابقى شايل همه.
    [marq="3;right;3;scroll"]لا حول ولا قوة الا بالله العلى العظيم
    [/marq]

    Comment


    • #3
      لو انت موظف ..ومرتبك ثابت ....ولو قلنا انك هاتقسط على سنتين مثلا ..لو انت ضامن انك تفضل فى الوظيفة لسنتين ( بدون مشاكل لا قدر الله ) يبقى هاتها تقسيط ..طبعا بعد ما تتتأكد ان باقى المرتب بعد خصم القسط هايكفيك

      اما لو شغلك خاص او دخلك مش ثابت ...هات حاجة مستعملة او كسر زيو


      [CENTER][B] :penguin4: [/B][B][SIZE=4]
      [/SIZE][/B][/CENTER]

      Comment


      • #4
        انا افضل المستعمل....لان القسط حتي لو الظروف هتسمح الواحد بيحس انو بيتقلب...يعني كل مده يتاخد منك فلوس....انما المستعمل هدفع مره واحده و اخلص

        Comment


        • #5
          مستعمل.... بس لازم يبقى خلقك واااااااااااااااااسع... و صبوووووووووووور....
          و ممكن ربنا يكرمك بحاجة حلوة من أول مرة...
          في رعاية الله...
          Ahmed El-Gazzar
          [I]Automotive Trainer[/I]

          Comment


          • #6
            على حسب المبلغ اللى معاك .... يعنى لو معاك فوق ال 50 الف يبقى تجيب زيرو حاجة صغيرة مش لازم عربية 7 متر ولو فى قسط يكون قليل جدا
            لو اقل من 50000 يبقى مستعمل وتدور على حالة نضيفة قبل ما تدور على نوع العربية
            ..................................
            بصراحة انا بكره حاجة اسمها تقسيط وبردو بكره حاجة اسمها مستعمل .... انا شايف ان اللى معاك هات بيه عربية زيرو حتى لو سوزوكى ماروتى احسن عندى من انى ادخل فى متاهات التقسيط او مشاكل المستعمل
            واى عربية حتوصلك من النقطة أ للنقطة ب سواء بقى ماروتى او بى ام وربنا يوفق الجميع
            [RIGHT]سبحان الله وبحمده سبحان الله العظيم
            [/RIGHT]

            Comment


            • #7
              شكرا جزيلا لوحوش الموقع على المشاركه الجميله دي والآراء الفعالة

              Comment


              • #8
                المشاركة الأصلية كتبت بواسطة mohamedhmk مشاهدة المشاركة
                شكرا جزيلا لوحوش الموقع على المشاركه الجميله دي والآراء الفعالة
                ربنا يوفقك
                [marq="3;right;3;scroll"]لا حول ولا قوة الا بالله العلى العظيم
                [/marq]

                Comment


                • #9
                  يمكن يكون رأيى مختلف عن بقيه الاراء وده لعده اسباب
                  ان الزيرو زيرو مهما كانت العواقب على الاقل بيكون الاعطال اقل
                  ان استعمالك للشىء الجديد بيكون اكثر حفاظا عليه لانك حاسس انك تعبان فى تمنه وهتحافظ عليه
                  عكس المستعمل ماتعرفش استعمال غيرك عامل ازاى بجانب ان عندى اعتقاد ان محدش بيبيع عربيته الا ولازم يكون فيها عيب وان اللى بيبع للتجديد بدون اى مشاكل فى العربيه القديمه ده بيبقى قليل جداااااااا
                  لو انت قادر على القسط وعندك دخل ثابت يبقى الزيرو احسن ضمان ليك طالما انك هتبقى مالك امورك وهتختار العربيه اللى نفسك فيها
                  عكس المستعمل ممكن يكون المتوافر بس هو اللى الاختيار منه عكس الزيرو بيكون انت اللى حر فى اختياراتك
                  وفى الاخر ربنا يوفقك فى الحيره دى

                  Comment


                  • #10
                    المشاركة الأصلية كتبت بواسطة ecko120 مشاهدة المشاركة
                    يمكن يكون رأيى مختلف عن بقيه الاراء وده لعده اسباب
                    ان الزيرو زيرو مهما كانت العواقب على الاقل بيكون الاعطال اقل
                    ان استعمالك للشىء الجديد بيكون اكثر حفاظا عليه لانك حاسس انك تعبان فى تمنه وهتحافظ عليه
                    عكس المستعمل ماتعرفش استعمال غيرك عامل ازاى بجانب ان عندى اعتقاد ان محدش بيبيع عربيته الا ولازم يكون فيها عيب وان اللى بيبع للتجديد بدون اى مشاكل فى العربيه القديمه ده بيبقى قليل جداااااااا
                    لو انت قادر على القسط وعندك دخل ثابت يبقى الزيرو احسن ضمان ليك طالما انك هتبقى مالك امورك وهتختار العربيه اللى نفسك فيها
                    عكس المستعمل ممكن يكون المتوافر بس هو اللى الاختيار منه عكس الزيرو بيكون انت اللى حر فى اختياراتك
                    وفى الاخر ربنا يوفقك فى الحيره دى

                    شكرا جزيلا على النصيحه الجميله دي
                    ربنا يكرمك ويوفقك

                    تحياتي ليك

                    Comment


                    • #11
                      على قد المبلغ اللي معي هجيب مستعمل ولو كان 128 - 127 . القسط بيقطم الظهر ويعول الهم

                      Comment


                      • #12
                        فعلا زي ما الزميل قال لو معاك فوق 50 الف هات زيرو وقسط الباقي لو اقل من 50 هات مستعمل, وده لأن الفايدة مش هتبقى كبيرة قوي عليك, وهتستفيد من الزيرو وتشتري داغك من التصليح بصراحة وان العربية تطلع زي البطيخة لو جبت مستعمل
                        [CENTER][SIZE=5][SIGPIC]http://www.nilemotors.net/Nile/signaturepics/sigpic73689_3.gif[/SIGPIC][/SIZE][/CENTER]
                        [CENTER][SIZE=5]عندما تعشق السيارة[/SIZE][/CENTER]
                        [CENTER][SIZE=7]Volks Wagen[/SIZE][/CENTER]
                        [CENTER][SIZE=7]Golf[/SIZE][/CENTER]

                        Comment


                        • #13
                          المشاركة الأصلية كتبت بواسطة د.محمود صلاح مشاهدة المشاركة
                          على قد المبلغ اللي معي هجيب مستعمل ولو كان 128 - 127 . القسط بيقطم الظهر ويعول الهم

                          شكرا يا دكتور على النصيحه
                          تحياتي

                          Comment


                          • #14
                            من رايىء المتواضع طبعا سيارة مستعمله لان الزيرو و كمان قسط خسارة كبيرة جدا لان عربيتك مش بتجبلك فلوس بالعكس بتصرف عليها فلوس و فى الاخر خسران خسران يبق ابقى خسران بفلوسى احسن من سيارة قسط و فوايد و قرف و اوراق .
                            هات كسر زيرو يغنيك بردو عن الزيرو القسط
                            انا كنت محتار زيك كده بس ربنا وفقنى بعد ما بعت عربيتى الزيرو الكاش بعد الخسارة الكبيرة فى عربية الحمد لله كويسه جدا و حالتها كمان كويسه جدا
                            [CENTER][SIZE="6"][COLOR="Magenta"][FONT="Impact"]AHMED SAMIR[/FONT][/COLOR][/SIZE][/CENTER]

                            Comment


                            • #15
                              المستعمل يبقى احسن

                              لان التقسيط بيحسسك انك مخنوق و مقيد و غير كده ثمن العربية بالفوايد بيكون عالى و لما تحب تبيع بتخسر خسارة الزيرو و الفوايد الى دفعتها
                              [B][SIZE=5]
                              [/SIZE][/B]

                              Eng.M Mahran سابقا

                              Comment

                              Working...
                              X