سوبارو امبريزه هاتش باك 2008 ولا هوندا سيتي الجديده 2009

[Roufa]

شباب انا فعلا محتاج مساعدتكم ضروري انا مش عارف اشتري عربيه ايه ... انا بصراحه كان نفسي في مازدا 3 بس ناس كتير خاوفتني من قطع الغيار و انه غالي بزياده بس هي عربيه تمام , بس انا قدامي دلوقتي عربيتين بردو حلوين بس معرفش عنهم كتير اول واحده سوبارو امبريزه هاتش باك 2008 ب 105 الف و الثانيه هوندا سيتي الجديده 2009 ب 100 الف يعني الفرق مش كتير اوي ... فانتم رايوكو ايه سوباروا ولا مازدا ولا ستي ؟؟؟

مع العلم انا اكتر عربيه خايف منها هي السيتي انها مش منتشره و معرفش عنها اي حاجه بس شكلها فخم اوي و عايز اعرف هل السيتي ياباني ؟؟؟؟؟ و شكرا و اسف علي الاطاله

في انتظار ردودكم

[amrseba]

السيتى مش يابانى وانصحك بشده للسوبارو والمازدا ممتازه ايضا لكن ابحث اكتر فى اقسام مازدا و سوبارو والهوندا

[Roufa]

الف شكر يا باشا .. ناس كتير فعلا رشحتلي المازدا عن الهوندا بالرغم من فخامتها ... مازدا انشاءالله و ربنا يكرم في واحده كويسه

[golf2010]

الإمبريزا أكيد

[Horsepower]

السلام عليكم,
أحب بس أولا أفصل المقارنة بين المازدا 3 عن الإمبريزا والسيتي ... لأن المازدا 3 1600 ... أما الإمبريزا والسيتي 1500
ورغم فرق السعة الترية بين المواتير إلا إن ترتيب التسارع للعربيات التلاتة من الأسرع للأقل هايكون سيتي ثم إمبريزا ثم مازدا.
من ناحية الأفضل في الثبات إمبريزا ثم مازدا ثم سيتي.
الأفضل في التوكيل سيتي ثم إمبريزا ثم مازدا
الأفضل في سعر إعادة البيع سيتي ثم مازدا ثم إمبريزا
لو العربيات التلاتة إللي قدامك مستعملين ونفس مستوى الإستعمال تقريبا يبقى الإمبريزا تكسب لو عايزها تقعد معاك 5 سنين و مبتفكرش تبيع قبلها ... و بصفة عامة الألمان لهم مقولة عن سيارات سوبارو كلها وهي "Japanese car the Germans wish they made" يعني السيارة اليابانية التي تمنى الألمان أن يكونو هم صناعها ... ودي شهادة كبيرة لسوبارو صاحبة المحرك الفريد من نوعه Boxer.
السيتي ماليزي ... بس أنا شوفتها وشوفت تقفيلها نفس مستوى الياباني ... يعني ماتقلقش من إنها تقفيل ماليزي لو الموضوع ده يفرق معاك.
المازدا ياباني ... عربية ممتازة ومحرك 1600 بس التوكيل سمعته مش قد كدة.
باختصار من رأيي ترتيبهم يكون إمبريزا ثم مازدا ثم سيتي ... مع تحفظي إن السيتي كدة مظلومة إنها تتحط في مقارنة مع المازدا 3.
ربنا يوفقك للخير إن شاء الله

[Horsepower]

[youtube]http://www.youtube.com/watch?v=_cKNR3yLM0A[/youtube]

[Roufa]

الي Horsepower

اشكرك بشده علي التقيم الرائع في المقارنه ... و انت خلتني فعلا اعيد النظر في السباروا خصوصا ان كمان عفشه الرياضيه لكن السيتي بالرغم من فخامتها لكن بردو مطمنش و سعرها هينزل جامد بعد كده و مش مطلوبه في السوق . في كام عربيه ممكن تشوفها في الشارع ... اما السباورو فعلا المقارنه مع المازدا فعلا تحير . ان شايف ال 2 متساويين في حاجات كتير لكن في اعتقادي ان المازدا ثباتها اعلي من السوبارو ... بالنسبه للتوكيل فعلا مازدا مكنش ليها توكيل اصلا بس غبور اكيد هيوزبط الاداء
علي اي حال انا علي الاقل حصرت الموضوع ما بين امبريزا و مازدا و اشكرك مره تانيه علي المقارنه

[Horsepower]

الي horsepower

اشكرك بشده علي التقيم الرائع في المقارنه ... و انت خلتني فعلا اعيد النظر في السباروا خصوصا ان كمان عفشه الرياضيه لكن السيتي بالرغم من فخامتها لكن بردو مطمنش و سعرها هينزل جامد بعد كده و مش مطلوبه في السوق . في كام عربيه ممكن تشوفها في الشارع ... اما السباورو فعلا المقارنه مع المازدا فعلا تحير . ان شايف ال 2 متساويين في حاجات كتير لكن في اعتقادي ان المازدا ثباتها اعلي من السوبارو ... بالنسبه للتوكيل فعلا مازدا مكنش ليها توكيل اصلا بس غبور اكيد هيوزبط الاداء
علي اي حال انا علي الاقل حصرت الموضوع ما بين امبريزا و مازدا و اشكرك مره تانيه علي المقارنه

لا شكر على واجب, ربنا يوفقك في الإختيار الأفضل إن شاء الله...
بس خللي بالك من حاجة ... مازدا 3 جر أمامي أما إمبريزا جر رباعي ... الأفضل في الثبات الجر الرباعي يليه الخلفي ثم الأمامي.
الجر الرباعي لا يعلى عليه في الثبات...

[Alios]

بص يا باشا ....

ان شايف ان الهوندا مش منتشرة ..... لكن كتيرة برده مع الناس و معروفة نسبياً .....

المازدا 3 عربية حكاية و فخمة ..... بس قطع غيارها اللي مش أصلية سعرها عالي حبتين و الأصلي ولعة ناااار ....

السوبارو ياباني بنت ياباني ...... و عربية برده فخمة ....... الا اني شايفها مش منتشرة .... يعني نادراً لو لقيت سوبارو .... و المشكلة مش مشكلة عربية على الإطلاق .... المشكلة مشكلة توكيل ...

اللي اعرفه ان توكيلها ابو غالي ....... و العربية دي صراحة مهضوم حقها في مصر زي الفولفو كدا ....... مخدتش حقها من الدعاية ..... علشان كدا تلاقيها مش منتشرة و نادرة .......

و أنا شخصياً باحب النوادر برغم متاعبه ........ الا انه ف الآخر مش اي حد يمتلكها .... و مش مع كل الناس ...... علشان كدا بارشح لك السوبارو ..... إن مكنش بارشحهولك بقوة .....

و ربنا يقدم لك اللي فيه الخير ان شاء الله

[ahmedelkadi75]

السلام عليكم
ارشحلك
سوبارو
مازدا 3
سيتى
اوى اثبت عربية فيهم سوبارو ملهاش حل
تانى حاجة انا دخلت كتير على سوبارو هنا فى المنتدى ملقتش حد بيشتكى من التوكيل زى بقيت التوكيلات وسالتهم على قطع غيارها قالوا موجودة
عند فى اسكندرية واحد وفى القاهرة 2
قطع غيارها اسعارها اقل من المازدا
وده لينك علشان تعرف كل حاجة عن السوبارو وبعد كجده القرار قرارك

http://www.nilemotors.net/Nile/157456-a.html#post3872764564

بالتوفيق ان شاء الله