السيريون glx , ولا النيو اكسنت

[egypt0777]

ازيكو با جماعة

انا ناوى ان شاء الله اشنرى عربية و محتار بين السيريون GLX بالتحديد و النيو اكسنت برده بالتحديد

مش عارف من الاحسن
فقلت اسال الناس اللى معاها السيريون هنا اخبارها ايه معاهم من حيث
1- التوكيل --- وده اهم حاجة جدا
2- قطع الغيار --- اسعاها و مدى توفرها من اكسسوارات و فوانيس و تيل و خلافه و مدى و جودها بره التوكيل بوفرة
3 - كعربية اجمالا - عملية جميله ثابته على الطريق استهلاكها و خصوصا الاوتوماتك بتاع ال GLX


مستنى ردودكم

[rockana]

السلام عليكم
اولا بما انك وصلت للاختيارات دي و بس فانت بتفكرني بنفسي من 7 شهور
انا كنت رايح احجز اكسنت بالتقسيط من عبداللطيف جميل
وفجأه وانا هناك شوفت عربيه بليه بس جوه المعرض شكلها كبير قولت خير اللهم اجعله خير ايه البليه دي
دخلتها لاقتها واسعه جدا
طب تقفيلها ايه طلعت ياباني 100 %
صليت استخاره وقولت اعرف ايه ظروفها
اولا- قطع غيار السيريون قريبه من سعر الاكسنت مع الفرق ان سيريون يابانيه و اكسنت كوريه
ثانيا- استهلاك البنزين للسيريون اقل من الاكسنت
ثالثا- توكيل (الاثنين بينهبوك) بيعتبروك عدو و اموالك حل لهم بس دايهاتسو كا سمعه انضف بكتييير من غبور (من كلام الناس - انا متعاملتش مع غبور - المقوله الشهيره "تغور من وش غبور"
رابعا- العفشه (فرق كبير لصالح السيريون ) عن تجربه شخصيه عفشة الاكسنت معفنه بالنسبه للسيريون
خامسا - ثبات العربيتين رائع بس انا ارتحت طبعا مع السيريون (لاني اشتريتها)
سادسا- فى حاجه سخيفه موووت مع التوكيل السخيف ده (اي لعب فى الكهربا : الكهربا كلها بره الضمان ) يعنى لا فوجات ولا سماعات ولا انذار يتركبوا بره التوكيل
اخيرا- قطع الغيار و الاكسسوارات للاسف مش متوافره بره التوكيل الا من حاجات بسيطه
وبعد دا كله السيريون معايا من 7 شهور و بسم الله ماشاء الله رائعه (عامل بيها 15000) مش بحتاج غير اني احط بنزين و اروح الصيانات
1000 مجانيه - 5000 ب 400 جنيه (زيت موبيل 1 - 10000 كم) - 10000 ب 220 جنيه - 15000 ب 440 جنيه (زيت موبيل1 - 10000 كم )

[M.Mosaad]

الحاجة الوحيدة الاحسن في الاكسنت هي الشنطة

غير كدة السيريون ثم السيريون ثم السيريون

كبيرة من جوة و صغيرة من برة يعني ميزتين ركن كويس في اي حته و مساحه كبيرة من جوة

توكيل افضل بس غالي شوية بس العربيه انتشرت جداااااااا

ياباني بالكامل

عفريته جري و موفرة في البنزين

ثباتها حلو اوي بالنسبة لحجمها و توزيع العجل بتاعها بيديها ثبات اكتر

عفشة ناشفه شوية بس بتستحمل

بشكل عام العربيه جميله جدااااااااا و مريحه و مشاكلها لحد دلوقتي الحمد لله قليله بقالها معايا سنتين و نص عامل بيها حوالي 30000 كم يعني كل المشاكل اللي رحت بيها التوكيل كانت علشان اشيل اثار الشارع المصري من عليها من خرابيش و خبطات و خلافه

صدقني و الله انا ناوي اديها للمدام و اجيب واحدة تانيه بس مش مقتنع بأي حاجة غيرها في الوقت الحالي

ربنا يوفقك للي فيه الخير و حاول تجيب ال 1500 ال glx طلقه فعلا

[hhhmmmzzzz]

فعلا هى كعربية ممتازة ومش هضيف كتير عن ماذكره اخوانى الافاضل
لو مش محتاج شنطة كبيرة للعربية فى الوقت الحالى تبقى السيريون
لو مش بتركب حمولات تقيلة فى الكرسي الخلفى تبقى السريون عشان فى المطبات الرخمة اللى بيعملها الناس فى الشوارع
ممكن تحس بخبطة لو محمل حد بالخلف عشان تقريبا بيبقى قاعدين فوق العجل(ماعرفش الاكسنت ظروفها ايه)
العربية بسم الله ما شاء الله واسعة جدا من الداخل وتشيل نفس عدد الاكسنت
الجير الاوتوماتيك تحفة جدا فيها والغريبه انك تشد مع واحد مانيوال وتسبقه
موفرة فى البنزين عن الاكسنت ومصاريف الصيانة وقطع الغيار تقريبا واحدة
اليابانى افضل من الكورى خصوصا غبور انا بتكلم عن السمعة بالسوق
واخيرا عليك بالاستخارة وربنا يوفقك

[rzeiny]

السلام عليكم
انا معاي العربيتين مانيوال
سيريون 2009 واكسنت 2010
الوسع لصالح السيريون الثبات لصالح السيريون التقفيل لصالح السيريون .
الاكسنت ضيقة من ورا لكن لو فارقة معاك الشنطة تبقى الاكسنت + ان الماتور قوي في السحب .
ربنا يوفقك.

[askoda]

السلام عليكم
انا معاي العربيتين مانيوال
سيريون 2009 واكسنت 2010
الوسع لصالح السيريون الثبات لصالح السيريون التقفيل لصالح السيريون .
الاكسنت ضيقة من ورا لكن لو فارقة معاك الشنطة تبقى الاكسنت + ان الماتور قوي في السحب .
ربنا يوفقك.

Thanks Ramy for your Fair comparison

[M.Mosaad]

حظك كويس ان في حد معاه الاتنين علشان يبقي مقارنه عادله