معايا 60 الف ومحتار ! ارجوا المساعدة

[max24]

قررت اخيرا شراء سيارة والحمد لله بمبلغ 60 الف ومش عارف اجيب ايه ومحتار جدا بين كل الانواع اللى الناس رشحتهالى للشراء بس خايف اجيب عربية واقعد اشحت جنبها بسبب قطع الغيار او كتر الصيانة حيث اننى اريد شراء مستعمل وتكون سيارة عملية ومريحة وفى حدود المعقول من الانواع دى ارجوا منكم الافادة بالافضل

1- نيسان صنى 2004:2001

2-لانسر 2003 اولانسر كريستاله

3-هيونداى الانترا 2005 وما بعدها

4-اوبل فيكترا2002:1998 او اوبل استرا 2005:2000

5- نوبيرا او لانوس

6- تويتا كورولا اواخر التسعينات

7- اوبترا 2006

او اى حاجة تكون افضل من وجهة نظركم

[nonopopo]

نيسان صنى ممتازه وهتكون يابناني وممكن الاوبترا او الالنتلرا

[golf2010]

طالما قلقان من نحية أسعار قطع الغيار أستبعد الأوروبي كلو بما فيه الألماي رغم حبي ليه وهات كورولا اواخر تسعينات او لانسر دول اكتر عربيتين مابيعطلوش وقع غيارهم متوفرة وتصليحهم سهل ورخيص.

[ahmedbibo]

كلامك صح فعلا الانسر كريستاله و تيوتا ملكه فعلا فعلا عربيات ممتازه و مبيعطلوش ومبيروحوش لميكانيكى خصوصا الملكه بس خلى بالك العربيه ديه محدش بيبعها بالساهل عشان عربيه محترمه وحضرتك حاطط عربيات متتقرنش بتاتا مع العربيات التانيه

واوبترا هيا النوبيرا بنفس العيوب وكل حاجه وتوكيلها وحش جدا وبيشتموا الناس بالاب والام شوفت وصلت لايه

النوبير ولانوس كلهم عيوب عيوب

ومفيش اى عربيه كورى هتلاقيها نضيفه تحت ال 5 سنين عشان بيبقوا خلااااااااااااااااااص

وعلى فكره انا ممعيش ولا عربيه من دول بس الملكه كانت مع واحد صاحبى وسوقت عربيات كورى كتير فرق السما والارض

فى العفشه والتكييف و الاعطال القليله والثبات وكل حاجه بجد عربيه تحفه

[M.ABDEEN]

ممكن يا باشا تشوف حاجة اوروبي ونظيفة وقطع غيار معقولة شوية ونسبيا ومعمرة ومتينة سكودا اوكتافيا اواخر التسعينات ( a4)

[max24]

المشكلة انى محتار والمبلغ يجيب حاجات كتير بس مش عارف اثبت على حاجة معينة لانى مجربتش اركب اى حاجة من دول وعايز اثبت على نوع واحد عشان اعرف ادور كويس ومحدش يضحك عليا لان خبرتى تكاد تكون معدومة فى كل الانواع دى (غير فى البيجو 504)فقط ومش عاوز ارجعلها تانى

[Mohamed.Ramah]

حضرتك مدام عديت ال50.000 يبقى توكل على الله وجيب جديد احسن واريح فى كل حاجة حتى لو المبلغ دة مقدمة حتدفع قسط مش كبير ممكن 600 جنية وحتبقى راكب جديدة موديل السنة زى النيسان صنى مثلا والله الموفق

[max24]

انا مش عاوز اجيب جديد لانى مش عاوز اقسط وكمان لان دمى هيتحرق وممكن اروح فيها لو لقيت حد مخربش العربية او حد ريح عليا وهو بيركن او اتخبطت لاقدر الله

[د.محمود صلاح]

لانسر كريستالة او كرولا

[Memo_Lancer]

لانسر كريستاله نضيفه و ياسلام لو فيها موتور كبير تريحك خالص
و هتبقي ب حوالي 55.000
و اركبها و انساها
انا معايا واحده بجد العربيه دي تحفه فيها مكنه 1500 كامتين
و حوال تجبها فتحت سقف

[max24]

طيب الكريستاله احسن ولا المكواه (2003) انا شايف العيب الوحيد فى الكريستالة انها واطية شوية

[max24]

يا جماعة فين الردود النهاردة الاربعاء وبعد بكرة الجمعة

[Eslam.Elrefaey]

أكيد المكواه أحسن بس مش لشاب زى الكريستاله بس المكواه أحسن من وجهة نظرى من الكريستاله والبوما كمان

[Memo_Lancer]

الكريستاله احسن من رايي

[max24]

طيب ايه مميزات الكريستالة عن لانسر 2003 ( لانى الاحظ الكريستالة واطية اوى )