سكودا A4 او ميجان 2 او سيراتوEX او i30

[hazem89]

باريت حد يساعدنى فى الموضوع ده انا دورت على

سكودا A4 (تخزين موديل زيرو 2009 ) 100,000

رينو ميجان 2 (تخزين موديل زيرو 2009 ) 110,000

كيا سيراتوEX من التوكيل حيكون موديل 2011 ب 111,000

i30 M/T S/R ب 103,000

فى ناس قالولى ان عفشه ال I30 ناشفه زى السيراتو الكلام ده صح ولا غلط بس انا مبتفرقش معايا هاتشباك او سيدان المهم

1-الكماليات

2-الامان

3-قطع الغيار

شكرااا

[golf2010]

سكودا طبعا وبعدين i30 وبعدين سيراتو واخيرا الميجان لأعطالها ومشاكلها ابعد عن الرينو وما خاب من استشار وما ندم من استخار

[hamadaacc]

سكودا a4 طبعا اتأل وكفاية انك راكب المانى فى السبات مع السرعة والامان
ثم الرينو حلوا بردو
ونصيحة عن تجربة ابعد عن الكورى وخليك فى اى حاجة اوروبى
وربنا يباركلك فيها.

[Eslam.Elrefaey]

أنا رأيى الميجان وبعدين الأوكتافيا وبعدين ال i30 وعلى فكرة مشاكل الميجان كلها كانت فى 2005 أو إستعمال سئ أو مبتعملهاش صيانتها و2009 أكيد المشاكل دى كلها اتحلت وهيا مليانة كماليات وأمان بس قطع الغيار هتبقى أغلى واحدة فيهم بس برضه متوفرة وشكراً

[ahmedbibo]

الاسكودا طبعا يا باشا لا تقولى سيراتو ولا غيرو ديه التوب

وبعدين الميجان و بعدين السيراتو

[MaZaGAngeE]

العربيات الزيرو دي متخزنة عند الوكلاء ؟
طيب مش هتكون فيها مشاكل من التخزين المدد الطويلة دي ؟

[hazem89]

العربيات الزيرو دي متخزنة عند الوكلاء ؟
طيب مش هتكون فيها مشاكل من التخزين المدد الطويلة دي ؟

شكرا لكل الرجاله الى ردوا و موضوع التخزين ده انا خايف منو بصراحه معرفش حد اشترا تخزين قبل كده و مش عارف ايه مشاكل الى ممكن تحصل للعربيه؟

[احمد عزت]

معلش ممكن اعرف تفاصيل اكتر عن الاوكتافيا ال a4 اللى متخزنه دة وبعدين مفيش مشكله مش هيحصلها حاجه

ممكن بس حضرتك تقولى اسم المعرض وعنوانه والالوان المتوفره واه كماليتها واسعارها النهائيه وانا اروح اخلص فيها حالا ياراجل ده انا من سنتين وانا بحلم بالعربيه ده ولما ربنا كرمنى قالك وقفنا انتاجها .....

وياريت ترد عليا بسرعه..........ولك جزيل الشكر .....اخوك فى الله دكتور احمد

وبعدين ياراجل حد يسيب الاوكتافيا ويفكر فى العربيات الورق التانيه ده حرام عليك....دة اشكال بس ومنظر

انا لو معرفتش الاقى الاوكتافيا ده هريح دماغى واجيب الصنى الاوتوماتيك الفول الاوبشن وخلاص اللى ب 90 الف

[M.ABDEEN]

سكودا طبعا اولا ثم سيراتو

[Angel_wolf]

اسكودا a4 الباقى ورق ومش معمر زيها العربية دى مع صاحبى بركبها بتحس بامان زيادة عن اللزوم غير المتانة والراحة

[mohamedrabia]

انا عاشق اسكودااا بلا منافس عربية من الاخررررررررررررررررررررررررررررررر

[engahmedsamy]

سكودا a4 طبعا

[mxz911]

سكوووووووودا اوكتافيا طبعا من غير مقارنه !

[hazem89]

معلش ممكن اعرف تفاصيل اكتر عن الاوكتافيا ال a4 اللى متخزنه دة وبعدين مفيش مشكله مش هيحصلها حاجه

ممكن بس حضرتك تقولى اسم المعرض وعنوانه والالوان المتوفره واه كماليتها واسعارها النهائيه وانا اروح اخلص فيها حالا ياراجل ده انا من سنتين وانا بحلم بالعربيه ده ولما ربنا كرمنى قالك وقفنا انتاجها .....

وياريت ترد عليا بسرعه..........ولك جزيل الشكر .....اخوك فى الله دكتور احمد

وبعدين ياراجل حد يسيب الاوكتافيا ويفكر فى العربيات الورق التانيه ده حرام عليك....دة اشكال بس ومنظر

انا لو معرفتش الاقى الاوكتافيا ده هريح دماغى واجيب الصنى الاوتوماتيك الفول الاوبشن وخلاص اللى ب 90 الف

شكرا على الاهتمام بجد انتو شجعتونى على a4 مع ان شكلها بقى قديم اوى و ده مديقنى منها

انا من اسكندريه انشاء الله حاروخ التوكيل اتاكد من المواصفات و الالوان المتاحه و حرد عليكو

[M.Radwan]

على حد علمي مفيش أصلا ميجان 2 زيرو
كل العربيات اتباعت قبل نزول الفلوانس.