مازدا ولا فيات برافو

[ahmedmohamed7]

بس مش سبور ياعنى برده ممكن تاخد تلاته ورا ولا ايه

لا تاخد طبعا بس لو السواق و راكب الامامى من النوع الي بيرحوا الكراسى لورا اوى فكدا الي اعدين ورا هيتعبوا شويه و خصوصا فى المسافات الطويله على فكره الدنيا مش ضلمه اوى انا بس بوضح ان الكنبه اديق شويه من منافسينها علشان التصميم بس :)
بس هيا كعربيه تحفههههههههههههه ما شاء الله

[zezmograby]

البرافو طبعا تحفة وبتاعة جري وثابتة وشيك جدا دا غير انك ممكن تجيب الماتور 160 حصان
بس المازدا اقتصادية في البنزبن وبتعيش جامد عشان كدا ارشحها في المقام الاول

[esslynx]

عزم وتسارع: برافو
أمان ومتانة: برافو
عمر افتراضي: برافو
ثبات: برافو
توكيل: مازدا
صيانة: مازدا
قطع غيار: مازدا
وسع وشنطة: مازدا
إعادة بيع: متساويين
تكييف: مازدا
كماليات: برافو
الشكل: لك حرية الاختيار ولكن انا شايف البرافو

زي مانت شايف متساويين في النقط 5 مقابل 5 بس انت حدد ايه الأهم بالنسبة ليك في النقط دي واستخير ربنا.
وانا شخصياً برشحلك البرافو

1-حضرتك بتجيب اى معلومه منين؟؟ توكيل ايه الاحسن و قطع غيار ايه المتوافره و اماكن ايه اللى بتتكلم عليها ..انا مش قصدى انت شخصيا بس فعلا ناس كتير بتدخل خنا و عايزه مساعده فى عربيه تجيبها تيجى مثلا حضرتك ترص 1 2 3 تحسس اللى قدامك انك متاكد 100% من كلامك مع ان مفيش حد كلامه 100 % صح الا لو كان صاحب الحاجه و مجربها مليون مره فلو سمحت انت او غيرك بلاش تغرقوا الناس علشان دى نصيحه و المفروض تحط نفسك مكانه
2- بالنسبه لاعاده البيع برضه حضرتك غلطان علشان معروف النظام هنا ايه كورى يابانى اوروبى و عموما انا مبحبش افكر فى النثطه دى علشان انا مش بجيب عربيه و ارميها تانى يوم

نرجع لصاحب الموضوع بجد غبور وحش حاول تبعد عنه و خصوصا لما يبقى فى بدائل احسن كتيرو البرافو احسن من المازدا و لو حضرتك بتتكلم على الوسع الفرق بين البرافو و المازدا 4 سم بس
Mazda Mazda3 2.0 Sport Dimensions | UK New Car Data
Fiat Bravo 1.6 16v MultiJet 105 Active Eco Dimensions | UK New Car Data
شوف فرق الwheel base
تانى حاجه بالنسبه للشنطه فرق 100 لتر تقريبا بس فى زياده طول فى العربيه 25 سم و المازدا عرضها اقل و اطول من البرافو يعنى من غير اى حاجه طبيعى البرافو هتلاقى توازن احسن غير اصلا انه الكنبه اللى ورا بتزل 40:60 يعنى كده كده ازمه الشنطه اللى هى مش ازمه كبيره طلما مش ناوى تنقل اسمنت فى العربيه و اوماترا مش ممتاز صحيح بس احسن من غبور ميت مره و تقدر تسأل اى حد عموما انا حبيت بس ارد على النقطتين دول و عموما البرافو احسن كتير من مازدا 3
و تقدر تسأل فى قسم فيات هنا و ان شاء الله الاخوه هناك يقدروا يساعدوك