بروتون ساجا اتوماتيك ام هيونداي اكسنت اتوماتيك...... رأيكو ايييييييييييييييه ؟؟؟؟

[Donzi]

بروتون ساجا اتوماتيك( ماليزي 100% ) ام هيونداي اكسنت اتوماتيك( كوري 100% )...... رأيكو ايييييييييييييييه ؟؟؟؟


طبعا هاتقولولي ان المقارنة غير متكافأة لأن دي فئة و دي فئة تانية و كمان فرق السعر بينهم 14000 ج تقريبا

بس انا راي ان لو البروتون ساجا عربية قوية و مضمونة و اوفر في استهلاك البنزين لأنها 1300 cc ( نظرا لزيادة اسعار البنزين كل شوية ) يبقى ليه موفرش ال 14000 ج دول و انا اولى بيهم !!؟؟

لكن لو الفرق بين العربيتين كبير و الأكسنت افضل كتيييييييير و تستاهل الفرق دة في الفلوس يبقى امري لله و اجيب اكسنت

فا ايه رأيكو من حيث:
المواصفات بالنسبة للسعر
قطع الغيار ( اسعارها و مدى توافرها )
التوكيل
اعادة البيع ( مع العلم اني مش هابيع قريب لأني هشتري بالتقسيط على فترة طويلة )

و شكرا للأفادة مقدما

[Hossam1]

انا زيك بالضبط

[Hosam_Optrawy]

حضرتك قولتها بنفسك

مقارنه غير متكافئه وماتنفعش

لو تفكيرك اقتصادى وبتفكر فى التوفير يبقى هات الساجا مش محتاجه مقارنه

لكن اكيد الأكسنت أحسن

قطع الغيار واسعارها ومدى توافرها لصالح الأكسنت

التوكيل الاتنين سيئين

اعادة البيع فى صالح الاكسنت

غير فرق الموتور والمساحه والتقفيل والثبات ... الخ

[raedegypt]

اعادة البيع الهيونداى افضل
الانتشار الهيونداى افضل
ورش ومحلات قطع منتشرة افضل
سعر قطع غيار ارخص
عربيات تكيف ثلاجه
مواتير افضل
خليك فى الهيونداى عربيات حلوة ومنتشرة جدآ حتى فى الخليج

[etsh1413202]

انت من الاخر بتسائل عل الفرق يستاهل ولا لا ... على حسب منا فاهم يعنى وواضح انك عارف ميزة كل عربيه فى الاتنين

فا انا هقولك رايي من الاخر برده ..... الى هتوفره في رخص قطع غيار الاكسنت عن الساجا ........ هتدفعه فى فرق مصاريف التشغيل من بنزين ومصاريف الترخيص والكلام ده

يعنى الفارق لا يستاهل من رايي ........ مع العلم انى لو مكانك هجيب الاكسنت بس عشان قوة موتورها لا اكثر ولا اقل لانى بكره ال 1300 سي سي

وربنا يوفقك

[mememsaid]

الاكسنت افضل بردو

[golf2010]

أكسنت افضل من جميع النواحي بصراحة

[mo7hamedemad]

انا شايف الساجا
انا معايا ساجا وكنت زيك زمان
بس انا اخترت الساجا والحمد لله على اختيارى العربية الحمد لله ممتازة وفاقت كل توقعاتى
لاتنسى صلاة الاستخارة

[Donzi]

انت من الاخر بتسائل عل الفرق يستاهل ولا لا ... على حسب منا فاهم يعنى وواضح انك عارف ميزة كل عربيه فى الاتنين

فا انا هقولك رايي من الاخر برده ..... الى هتوفره في رخص قطع غيار الاكسنت عن الساجا ........ هتدفعه فى فرق مصاريف التشغيل من بنزين ومصاريف الترخيص والكلام ده

يعنى الفارق لا يستاهل من رايي ........ مع العلم انى لو مكانك هجيب الاكسنت بس عشان قوة موتورها لا اكثر ولا اقل لانى بكره ال 1300 سي سي

وربنا يوفقك

+11111111

انا بردو راي ان الفرق مش مستاهل و بعدين موضوع المويور دة مش هايفرق معايا كتيير اوي انا كان معايا هيونداى I10 1100cc و كانت زي الفل موفرة جدا و تكييف حلو و موضوع ال 1100cc دة مسببليش اى مشكلة فانا بقول ان 1300 cc 94 حصان كويس و في نفس الوقت عربية كبيرة و بشنطة و شكلا كويسة و عربيات بروتون سمعتها حلوة و الكل بيشكر فيها ...... بس برضو قلت اسأل اهل الخبرة و لسة مخدش القرار