النترا وللا كارنز ؟؟

[tefafathy1]

عارف ان كل واحدة فيهم حاجة .. و الاتنين ركوبتهم مختلفة تماما .. بس انا بسأل لو حد ركب الأتنين او لو حد عنده واحدة فيهم و فيها عيب مش مريحه ..

مع العلم إنى :
- شاب بحب السرعة فى السفر ..
- إستهلاك البنزين حاجة تفرق معايا..
- قطع الغيار وخدمة مابعد البيع مهم بالنسبالى..
- إتزان العربية على الطريق و سحب الماتور و قوة التكيف ..

و شكرا لمساعدتكم

[ahmedbibo]

لا الكارينز ولا الانترا فيهم الى انت طالبه انت كده طالب يابانى

ياعنى الانترا مفهاش اى نوع من انواع الثبات او الامان او فرامل ياعنى بخ وكمان مفيهاش ايرباج وابي اس

الكارينز كبيره اوى وتقيله فا مش هتدفيدك فى الجرى كتير

الحاجات ديه هتلاقيها فى الميتسوبيشى و تيوتا و نيسان تيدا و فيات لينيا t-jet و رينو فلونس ياريت تشوف العربيات ديه احسن مليون مره من الكارينز و الانترا

[tefafathy1]

لا الكارينز ولا الانترا فيهم الى انت طالبه انت كده طالب يابانى

ياعنى الانترا مفهاش اى نوع من انواع الثبات او الامان او فرامل ياعنى بخ وكمان مفيهاش ايرباج وابي اس

الكارينز كبيره اوى وتقيله فا مش هتدفيدك فى الجرى كتير

الحاجات ديه هتلاقيها فى الميتسوبيشى و تيوتا و نيسان تيدا و فيات لينيا t-jet و رينو فلونس ياريت تشوف العربيات ديه احسن مليون مره من الكارينز و الانترا

والله يا باشا انا مش عارف أعمل ايه .. أنا إن شاء الله لو هغير هيكون بعد 5 او 6 سنوات ..
الانسر = شكل اديم اخر حاجة و بصراحة حرام فيه الفلوس
التيوتا = الثبات معروف عنه السوء و عربية مش بحبها بالأضافة الى غلوها (طبعا الكرولا)
التيدا = كانت إختيارى المثالى بس صغر الشنطة بتاعتها يفرق معايا بالأضافة لشكلها الخارجى عقيم شوية
الفيات = رائعة بس مانيوال والأتوماتيك منها غالى جدا (البرافو)
الفلوانس = عربية من رينو المشهورة بالمشاكل بعد البيع و الكمبيوتر السئ بس بردو الأساس ( غالية عليا )

يبقى أيه رأيك ؟؟

[ahmedbibo]

بص اصل كل عربيه وليها ميزتها ولاحظ انك عايز عربيه تبعها بعد 6 سنين ياعنى مينفعكش كورى بأى حال من الاحوال

الكورولا الشكل الجديد ثباتها حلو وكويس وعلى فكره تشترى تيوتا تبقى بتشترى راحه بال و قله اعطال و راحه وتكييف و امان وكل حاجه

الميتسوبيشى الشكل قديم بس بتعمل بلاوى ومحدش اشتكى منها وقطع غيارها موجوده ومتوفره

التيدا عربيه جميله وشنطتها مش ضيقه اوى زى مانتا فاكر وواسعه جدا ومريحه جدا جدا ولا قصدك على الهاتش باك

الفيات انت بقى لو عايز عربيه رياضيه بجد وجرى ولا يهمك وشكلها رياضى اخر حاجه الجراند بونتو t-jet كوبيه عربيه خراااااااااافه تشد مع اى حاجه فى الشارع وتشد مع بى ام واحد معاه لينيا بيقولى بيشد من بى ام 318i وبيطلع بالعافيه من 320 وبيشد مع جيتا ياعنى عربيه من الاخر وبابين


وممكن تشترى الابيزا الجديده ال 1600 سى سى عربيه حلوه اوى

المشكله ان حضرتك عايز عربيه رياضيه وواسعه وعائليه وده هيبقى غالى

بس انا بقولك اللينيا احسن اختيار واسعه اوى وسريعه وقويه والشنطه واسعه ومريحه و سريعه ورياضيه وشكلها جذاب و تابلوه رائع فيها blue&me

[tefafathy1]

بس انا اعتقد
ان اللينيا مانيوال صح ؟؟ مافيش منها اوتوماتيك ؟؟

[ahmedbibo]

لا هينزل منها اوتوماتيك فى الدفعه الجديده عشان مفيش منها دلوقتى لو تقدر تستنها على اول السنه بس بصراحه تستاهل فخمه جدا ومريحه و الكاسيت روعه والبلوا اند مى وتابلوه فخم وخامته نضيفه وواسعه وشنطتها واسعه جدا فى واحد صاحبى دخل فيها وواسعه من الكنبه ولو عايز اختها الهاتش باك الجراند هتبقى الاختيار الامثل وهو موجود دلوقتى

[M7amD_7amDy]

بص اصل كل عربيه وليها ميزتها ولاحظ انك عايز عربيه تبعها بعد 6 سنين ياعنى مينفعكش كورى بأى حال من الاحوال

امال الفيرنا والأكسنت والأكسيل والشوما والألنترا القديمة والسوناتا القديمة واللانوس والنوبيرا والسيراتو القديمة

وفيهم موديلات من التسعينات وشغالة الله ينور واغلبهم تاكسيات يعنى مرمطة على حق

كل دول مش بتشوفهم وانت ماشى فى الشارع ياباشا ولا أنت مبتنزلش؟

[ahmedbeirut123]

طالما حضرتك لسه شاب وبتحب الجرى

يبقى تفكر فالسيراتو والالنترا والكروز

زيرو او كسر زيرو

[etsh1413202]

انت جايب عربيتين مفيهمش الهوا من الى انت قولته يعنى ولا ثبات ولا سرعه في الكارينز ولا خدمه ما بعد البيع للانترا

كده يا اما تشوف السيراتو يا اما ممكن كروز لو تقدر على فرق السعر بس لو عايز نصيحه من اخوك ........ جرب البرسونا الاول او الجين وبعدين انت هتحكم ده لو عايز سرعه وثبات فعلا

[mohamed_selim]

ولا ثبات ولا سرعه في الكارينز

هو حضرتك جربت الكارنز علشان تقول للراجل ان مفيهاش ثبات؟

لأ العربيه ثابته جدا و مفيهاش اى مشاكل

السرعه ممتازه بالنسبه لعربيه بالحجم ده و الموتور ده ... يعنى اللى هتحسه قليل شويه تجميع العربيه فى اول كام ثانيه بس بعد كده مفيش اى مشكله
و على الطريق السريع بتطلع من العربيات عادى

خلى بالك انا بتكلم على سواقه طبيعيه على100-120و احيانا 140 و ممكن تجيب لحد 160-180 مفيش مشكله

[tefafathy1]

طب الرجالة اللى رأيها ان العربيتين تعبانين لو ناوى أغير بعد 5 او 6 سنوات و انهم فى الجرى و الثبات و مابعد البيع تعبانين ..

الكيا سول شرحه ؟؟ يعنى بردو ثبات فى الضياع و هتفتح بؤها بسرعة و مش هتبقى زى ما انا فاكر ؟؟

[just_magdy1]

انت جايب عربيتين مفيهمش الهوا من الى انت قولته يعنى ولا ثبات ولا سرعه في الكارينز ولا خدمه ما بعد البيع للانترا

كده يا اما تشوف السيراتو يا اما ممكن كروز لو تقدر على فرق السعر بس لو عايز نصيحه من اخوك ........ جرب البرسونا الاول او الجين وبعدين انت هتحكم ده لو عايز سرعه وثبات فعلا

يجرب البرسونا ويسيب الكارينز والالنترا .... مش غريبة شوية ؟