بيكانتو مستعمل لم ألتو زيرو؟؟

[NaderNabil]

أنا الان في مرحلة البحث عن سيارة جديدة...أهم حاجة تكون هاتشباك و موفرة في البنزين...

استبعدت الكليسا عشان ديقة و عاملة زي اللعبة...و اخر دفعة بتتباع دلوقتي...بس ده لايمنع اتها تحفة

البيكانتو زيرو تحفة بس غالية عليا...قوي

الاتوس من جوه جايبالي مغص و عايز أبعد عن غبور و بلاويه

السبارك ركبتها حسيت اني في الملاهي

مقداميش غير الألتو فول أوبشن او أجيب بيكانتو 2005-2006

انا ميزانيتي في حدود ال 50000 بحد اقصي 55000

ايه رايكم...اعمل ايه...شوروا عليا

[OlaOsman]

كده مش فاضل من الزيرو غير السبارك.. سألت عليها؟

شكلك كده عايز تجيب كاش و تخلص و مش عايز تقسط.. صح؟

لو عندك استعداد تقسط.. هايبقى عندك اختيارات اكتر.

[tutankhamoun]

ســــــــــــــوزوكي ألتـــــــــــــــــو إن شاء اللــــــــــــــــه
توكل على الله من غير تفكير
سيارة زيرو
ممتازة
موفرة جدا في البنزين
و نفس قوة موتور البيكانتو
و من ناحية الشكل جيدة جدا و إن كان البيكانتو أحلى في نظري

[NaderNabil]

أستاذة OlaOsman
أنا كاتب السبارك من ضمن الحاجات اللي مش عاجباني:D

و ان شاء الله كاش...مفيش امكانية للتقسيط حاليا...و أصلا احتياجاتي مش محتاجة عربية كبيرة الحجم و رينج السعر ده ممتاز بانسبالي

أستاذ Tut

أشكرك علي مشاركتك...لكن لمذا الالتو باصرار و عزيمة كده؟؟؟:D
البيكانتو أجمل و أوسع و أثبت ...و modernized أكتر من الاتو...و الريفيوز بتاعتها في اوروبا زي الفل

الاتو عرضها قليل...و مرتفعة من وره...هيه حللوة و كل حاجة بس المؤخرة مبتنزليش من زور

أشكركم علي الرد و أتمني المزيد من الاقتراحات:)

[casperinoo]

سبيرانزا
:):)

بس بيتهيألي كده انت جبت كل العربيات اللي موجوده في السوق وتناسب احتياجاتك يتبقي بقي اختيارك وانت مستريح لأيه
الاتوس اللي يعيبها هو التابلوه الجزء بتاع التكيف...بس انا شايفه احسن من الالتو بكتير...بس صدقني العربيه ديه جامده جدا ومريحاني رغم اللي انا عملته فيها...
حسيت انك مش مستريح يبقي تزود وتجيب ..او تدفع وتقسط

[أبو عبدالله]

طيب ما هيا الألتو تقريبا نفس مقاسات الكليسا من الداخل
يمكن كمان تلاقي الكليسا اوسع
هو الشكل الخارجي بيخدع شويه

[NaderNabil]

الاسبرانزا عاجباني جدا جدا جدا جدا...شكلا و كماليات و وسع فقط!
لكن قوة تحمل و بهدله مش هتستحمل :)

الاتوس امبارح اتفرجت عليها في المصرية...حسيت انها مش بتاعتي...عارف كده اما تقعد في عربية و تقول هيييييييي ديه :)

[NaderNabil]

مشكلتي يا ابو عبدالله في الكليسا هي اعادة البيع...لأن ممكن خلال سنة ولا اتنين أقرر أجيب أكبر...

[أبو عبدالله]

الكيليسا اعادة بيعها ان شايف انها كويسه العربيه عالطول مطلوبة زي الـ 128
لأن اي واحد بيبقى عاوز يتعلم بيدور على حاجه زي كده

[fahd_628]

انا رأى بيكانتو بس خد بالك ان الشكل الجديد نزل فا لو دة مش حيفرق معاك يبقى توكل على الله و هات بيكانتو انا مش بحب الألتو خالص مع انها مفيهاش حاجة وحشة و لكن مش بستريحلها

[egawady]

أنا رأيى ان حضرتك تعيد التفكير فى البرودوا كليسا ... لأنها فعلاً عربية محترمة وتستاهل الـ 50000 جنيه وكفاية انها زيرو ...
انا معاك ان البيكانتو أكبر شوية ... بس أغلى ....
الكليسا حاتتديك كل اللى انت طالبه فى عربية صغيرة ....
* جميع الكماليات .
* ثبات على الطريق وخصوصاً فى المنحنيات .
* قطع غيار متوفرة .
* اقتصادية جداً فى البنزين .
* سهلة فى إعادة البيع ( مش زى ما ناس كتير فاكرين ) .

وطبعاً القرار النهائى ليك ...
وبالتوفيق ان شاء الله ..........

[NaderNabil]

بالنسبة لي الشكل القديم من البيكانتو أجمل بكتير من الجديد فا مفيش مشكلة من ناحية الشكل

بالنسبة للكليسا يا جماعة انا عارف انها زي الفل و عاجباني و كل حاجة...بس احساسي بيقول انها مش امنه خالص...لمل ببص عليه في الشارع بحس انها هاتتبعكك من أي حادثة...المناطق اللي فيا الصاج قليلة و مش واخدة مساحات واسعة...

يكفي ان البيكانتو واخده 3 نجوم في الEuro Ncap و ده أكيد كويس جدا بالنسبة لحجمها

[شاهين - بنز]

البيكانتو حريمي 100% وفي رأي إنها مش حتنفع
أنا الصراحة بقول لانوس مستعملة

[NaderNabil]

مش عايز ال 1500 cc بتوع اللانوس ولا الشنطة بتاعتها...ولا أي سيارة في فئتها

[fahd_628]

طيب اية رأيك فى البونتو 2002-2003 و هية 1300 سى سى و ايطالى و عربية جميلة جدا و فى حدود السعر بتاعك ؟