افضل سيارة مستعملة في حدود 40000

[arakysolom]

السلام عليكم
اريد معرفة افضل سيارة مستعمله في حدود من 40 الف جنيه هل هي
رينو كليو - بولو - فيليشيا - ابيزا - سيينا - تويوتا عيون - كرستاله - سيتروين c3 - بيجو 405 - 206 كورسا سيدان - جولييت- اكسنت - اكسيل فولفو 460 مع ذكر السبب
و جزاكم الله خيرا

[fouady]

وفيه فية بونتو برضو

[elgazzar2]

انا معايا ميجان 2 ومن تعاملي مع رينو باقولك ابعد عن الكليو , صغيرة و بيظهر فيها مشاكل كتير و حلها عند التوكيل وبس , الميزة اللي فيها انها امنة و توكيلها محترم , و انا متخيل انك ممكن تلاقي الميز دي في حاجات تانية

[elgazzar2]

انا قصدي بصغيرة : ضيقة من جوه

[zahaan]

انا راى من الجولييت او الانوس وده مش علشان هى احسن عربيه فى خياراتك و لكن فى حاجات كتير ترشحها مثلا زى سعر اعاده البيع تانى مش حتخسر فيها لو جيت تبيعها وان كمان ده عربيه مستعمله يعنى اكيد حيظهر فيها مشاكل و حتلاقى قطع غيارها عند البقال و الكل بيفهم فيها و مش حتدوخ بيها وكمان علشان بالسعر ده حتقدر تجيب حاجه حالتها نضيفه الى حد ما

[arakysolom]

انا معايا ميجان 2 ومن تعاملي مع رينو باقولك ابعد عن الكليو , صغيرة و بيظهر فيها مشاكل كتير و حلها عند التوكيل وبس , الميزة اللي فيها انها امنة و توكيلها محترم , و انا متخيل انك ممكن تلاقي الميز دي في حاجات تانية

السلام عليكم
متشكر جدا لرد حضرتك انا كان امامي كليو 2003 هاف بيتي بيتكلم في 42000 طبعا انا عارف سمعة الرينو في اعادة البيع و قطع الغيار و عشان كده قلت استشير حضراتكو السوق بيقول خليك في اللانوس وعشان تلاقي لانوس محترمة متكونش طالع بوزها في التأجير صعب جدا و ايضا مفيهاش عوامل امان زي الاوروبي
هل لو الكليو حالتها كويسة اتوكل علي الله فيها و لا ابعد خالص و شكرا مرة اخري

[M.ABDEEN]

رينو كليو او جوليت او فيات سيينا

[arakysolom]

لو حد يا جماعة عنده سيارة من الفئات السابق ذكرها للبيع يتفضل لأني بثق في اعضاء المنتدي

[etsh1413202]

افضل عربيه من الى انت ذكرتهم هي الكريستالة و بعدها الكليو ...... العربيتين بصراحه ممتازين وبعدهم طبعا الجوليت وسيبك من السيينا والستروين الكلام ده ..... ولو بتفكر في اوبل معايا واحده فكترا 95 فابريكة بره وجوه كاملة اوتوماتيك عارضها للبيع

وربنا يوفقك في الاختيار

[arakysolom]

افضل عربيه من الى انت ذكرتهم هي الكريستالة و بعدها الكليو ...... العربيتين بصراحه ممتازين وبعدهم طبعا الجوليت وسيبك من السيينا والستروين الكلام ده ..... ولو بتفكر في اوبل معايا واحده فكترا 95 فابريكة بره وجوه كاملة اوتوماتيك عارضها للبيع

وربنا يوفقك في الاختيار

باشا طيب هي 1600 و المطلوب كام

[nedved]

البيجو 405 طبعا افضل عربيه فى الى انت ذكرتهم كلهم

[mana9wafaie]

معايا عربية سيينا بلس 1600 فبريكة بالكامل عاملة 73000 كيلو كاملة وفيها رخصة 7 شهور والكاتلوج و 2مفتاح ريموت وجميع الكاماليات واللون سماوى ميتاك...

[nassermed]

الى الاخ etsh1413202 ياريت شوية تفاصيل و ان امكن صور و السعر عن الاوبل

[arakysolom]

معايا عربية سيينا بلس 1600 فبريكة بالكامل عاملة 73000 كيلو كاملة وفيها رخصة 7 شهور والكاتلوج و 2مفتاح ريموت وجميع الكاماليات واللون سماوى ميتاك...

المطلوب كام يا باشا

[mana9wafaie]

المطلوب ان شاء الله 40000 ...
ولو حابب تشفها فى اسكندرية انا معنديش مانع ....
ولو عايز اى معلومات عن العربية انا موجود....