كورسا سيدان-اكسنت-كليو

[mohammed3973]

يا جماعه مع احترامى لارائكم
انا بشوف الكريستاله والكورولا ال96 والعيون اللى كل الناس بتنصح بيهوم دول باشوفهم عواجيز فى التصميم وخصوصا الداخلى
وقديم اوى =مشاكل كتير حتى لوقطع غياره رخيصه

[N.a.j.d]

الراحه والامان والثبات لصالح الكورسا

[samyomar]

السلام عليكم
انصح ب الاكسينت 1300 عن تجربه
انا معايا اكسينت 1300 مو 2005
العربيه ممتازه فى كل حاجه بصراحه
اقتصاديه جدا فى الوقود
قطع غيارها متوفره و معقولة السعر
ثباتها معقول جدا لحد ال 140 كم فى الساعه ( اعتقد احنا مش محتاجين اكتر من 140 )
تكيفها ممتاز ( تلاجه زى ما بيقولو )
الميزه الاهم و اللى اتفق عليها ناس كتير انها قليلة الاعطال جدا جدا جدا

[mohammed3973]

شكرا samyomar
بس خلاص انا اتعقدت على مااخدت القرار باوبل كورسا
كانت طارت اللى معروضه على ب48000 والغريب ان كله
دلوقتى طالعلى ف 55000 و54000 طب ماجيب لانسر
مكواه احسن طالما فتحت كده (ده لو معايا يعنى) والله
انا باقول لو دى نتيجهالاستخاره يبقى الحمد لله
مش عايز عربيات خالص انا اتقفلت كده

[aly10]

شكرا samyomar
بس خلاص انا اتعقدت على مااخدت القرار باوبل كورسا
كانت طارت اللى معروضه على ب48000 والغريب ان كله
دلوقتى طالعلى ف 55000 و54000 طب ماجيب لانسر
مكواه احسن طالما فتحت كده (ده لو معايا يعنى) والله
انا باقول لو دى نتيجهالاستخاره يبقى الحمد لله
مش عايز عربيات خالص انا اتقفلت كده

متزعلش دور برضة وان شاء الله هتلاقى حاجة احسن وهو فعلا السوق اليومين دول عالى اوى ويوم مايبقى معاك فلوس المكواه هتقول طب مازود 3000 جينية و اجيب البومة المهم دور كويس

[mohammed3973]

شكرا aly10 المحترم على الشعور الطيب
والله المنتدى ده كل اعضائه غايه فى الاحترام

[aly10]

ده من ذوق حضرتك والله وربنا يكرمك

[arakysolom]

النصيحة اوبل كورسا و انت مطمن اغلب قطع الغيار الداخلية(سيور -فلاتر ) هي هي قطع غيار اللانوس (مجموعة جنرال موتورز ) و بالتالي لا تقلق من قطع غيارها اما الفوانيس و الاكصدامات فاصبح هناك الاستعمال و التيواني و اسعارهم في نفس مستوي الاسعار العادية
تيجي بقي للعربية فهي ركوبة محترمة مواصفات امان اوروبيةشكل شيك اعتمادية
توكل علي الله وصلي الاستخارة وخد الكورسا السيدان

[N.a.j.d]

بس في فرق ياباشا بين قطع اللانوس وقطع الاوبل
الانوس تصنع ف كوريا والاوبل ف المانيا او ف اوروبا بشكل عام

[mohammed3973]

شكرا يا جماعه
بس لما ترشيح الكورسا يجى من واحد معهوش اوبل وكمان معاه كورى يبقى دى اكيد حياديه وراى فير وده شىء يطمنى اوى
على فكره انا اتفرجت على واحده 2004 امبارح كان عاوز 45 بس حالتها متبهدله عامله 165000 كم فتحت الكبوت لقيت المكنه كلها زيوت منين مش عارف كمان الرخصه منتهيه ورشه بره والصالون متبهدل بس فيها gm خطيييييييييير وجنوط روووعه وكاسيت cd sony بس شىء غريب بيقسم انها المانى مش برازيلى!!!!!!!!!
ادونى رايكم يا عصابه
اسف على الاطاله

[aly10]

على فكره انا اتفرجت على واحده 2004 امبارح كان عاوز 45
بصراحة المبلغ مش مطمنى حاسس ان العربية حالتها مش تمام

[N.a.j.d]

السيدان منزلش منه الماني نزل برازيلي او اسباني انا عندي معلومات عن الهاتش باك بس انما السيدان دي نعرفش الصراحه كل اللى اعرفه انه السيدان برازيلي

[mohammed3973]

على فكره انا اتفرجت على واحده 2004 امبارح كان عاوز 45
بصراحة المبلغ مش مطمنى حاسس ان العربية حالتها مش تمام

الصراحه مكنش فيها غير اللى انا قولته انما مش خبطه خبطه كبيره ولامغيره حاجه (كان معايا خبراء فى الصاج)

السيدان منزلش منه الماني نزل برازيلي او اسباني انا عندي معلومات عن الهاتش باك بس انما السيدان دي نعرفش الصراحه كل اللى اعرفه انه السيدان برازيلي

ياريت تكون اسبانى يا باشا لانى مش مرتاح للبرازيلى ده حتى الكوره وقعوا فيها!

[N.a.j.d]

انتا وحظك ياباشا لو عايز جبلي رقم الشاسي بتاعها وانا اتاكدلك انها اسباني ولا برازيلي

[kar!m]

الكورسا أفضل اختيار فى العربيات دى .. و الميزه كمان ان النضيف منها كتير.
بجد عربيه محترمه جدا .. و ناعمه و ثابته و سحبها ممتاز .. و لو جبتها ان شاء الله .. هتحس بفرق كبير بينها و بين الكورى .. مع احترامى للكورى.

انت لو دورت كويس هتلاقى منها عربيات كويسه و عامله كيلومتر قليل .. عشان اللى بيجيب العربيات دى عادة مبيهنهاش .

عيوبها استهلاكها فى البنزين عالى شويه لو سقت فوق ال 100 كيلو عشان 1600 سى سى .. و بتحتاج تغير اسطوانة دبرياج كل حوالى 50 الف كيلو .. الاسطوانه و الديسك ب 900 جنيه و البلية ب 850 جنيه تقريبا .. انا عامل 78000 كيلو و لسه مغيرتهاش.

و بالتوفيق ان شاء الله.