تويوتا ياريس و للا هيونداي النترا؟

[mido777]

أخي ميدو ألف شكر لرد حضرتك و ربنا يبارك لك في عربيتك

و بالنسبة لقطع غيارها أسعارها غالية و للا كويسة؟و استهلاك البنزين؟

اسعار قطع غيارها انا لسه الحمدلله متعملتش فيها بس اسمع انها غاليه شوية وده طبيعى علشان الموديل لسه شكل جديد....

بالنسبة لأستهلاك البنزين شايف انها كويسة جدا ومعقولة تقريبا 10 ك لكل لتر

[Andalus]

العفو :)
الياريس بسافر بيها عادي جدا و مريحه و ثابته علي الطريق بالنسبه للسرعات المتوسطه اللي انا جربتها يعني ما جبتش ازيد من 150.
دي تاني عربيه ياريس في العيله و الاولي موديل 2006 عامله 50 الف كيلو و برضه ما فيش منها مشاكل بتسافر و تروح و تيجي و ما بتفرقش معاها.

ما شاء الله لا قوة إلا بالله...ربنا يبارك لحضرتك فيها و يؤتيك خيرها و يكفيك شرها أخي حازم:)
هيا أوتوماتيك؟ عشان أنا عايزة إن شاء الله لو ربنا يسرلي أجيبها أوتوماتيك

معلش شوية أسئلة كمان من أسئلتي اللي مبتخلصش...هل في فرق في الشكل أو الأوبشنز بين ياريس2006 و الياريس السنتين اللي بعدها؟ و للا كلهم واحد

و مفيش منها فضي من برة و الفرش كريم من جوة؟معرفش في حاجة كده و للا لأ

[Andalus]

اسعار قطع غيارها انا لسه الحمدلله متعملتش فيها بس اسمع انها غاليه شوية وده طبيعى علشان الموديل لسه شكل جديد....

بالنسبة لأستهلاك البنزين شايف انها كويسة جدا ومعقولة تقريبا 10 ك لكل لتر

جميل إن استهلاك البنزين معقول...لكن هل قطع غيارها أغلى من قطع غيار التويوتا و للا ف نفس الحدود؟

عموما الالنترا ما شاء الله جميلة و مزاياها كتير....ربنا يبارك لحضرتك فيها أخي ميدو:)
عاجبني اللون الفضي و البلوبترول

[knightmido]

السلام عليكم انا دكتور احمد مشترك جديد فى الموقع ممكن اعرف هل التويوتا الياريس هي التويوتا الايكو

[hazem_khidr]

السلام عليكم انا دكتور احمد مشترك جديد فى الموقع ممكن اعرف هل التويوتا الياريس هي التويوتا الايكو

هيا نفس الفئه و الجيل الجديد بتاعها لكن علي قاعده عجلات مختلفه و موتور مختلف