رأيكم فى السينا

[Sherif Khalifa]

بفكر ابدل الانوس بى سينا 2001 او 2002 1600

رئيكم اية فيها و مقارنة الاداء و اسعار قطع الغيار بالانوس


كمان سمعت ان ال 1400 احسن من 1600

ممكن اعرف راى شامل عنها خصوصا اسعار قطع الغيار
مع عدم وضع فى الاعتبار حداثة الموديل لان طبيعى الاحدث = عمر اطول

عذرا لو انى كتبت الموضوع فى المنتدى العام اصل لاحظت عدم الاقبال على منتدى فيات و كمان اجمع اكبر عدد من الاراء

[Ahmed Anwer]

بدون خبرة ،،

يعني مش النقلة الفظيعة ،،

و اللي تعرفه احسن من اللي ماتعرفوش

[ramyfawzy]

السلام عليكم
الموضوع في كلمتين وبس
الفيات السيينا كاداء وموتور وعفشة مفيهاش كلام بس ............
قطع غيار + صيانة دورية = توكيل = سعر عالى = سعر اعادة بيع ضعيف لايتناسب مع اسم العربية ولا امكانياتها
على فكرة :
الـ سيينا 1400 هاف انجيكشن (كاربريتر كهرباء)
الـ سيينا 1600 انجيكشن كامل

اللانوس : اداء جيد نسبيا - انتشار واسع جدا - قطع غيار متوفرة - صيانة سهلة مش معقدة - سعر اعادة البيع ممتاز
يعنى من الاخر خليك في اللانوس اريحلك وافضلك اقتصاديا و معنويا
ده رأيي الشخصى ومش بذم في السيينا وامدح اللانوس

رامي (ابو احمد)

[Sherif Khalifa]

بدون خبرة ،،

يعني مش النقلة الفظيعة ،،

و اللي تعرفه احسن من اللي ماتعرفوش

انا مش بغير للافضل انا بغير من اجل التغير و التجديد فقط

[Sherif Khalifa]

السلام عليكم
الموضوع في كلمتين وبس
الفيات السيينا كاداء وموتور وعفشة مفيهاش كلام بس ............
قطع غيار + صيانة دورية = توكيل = سعر عالى = سعر اعادة بيع ضعيف لايتناسب مع اسم العربية ولا امكانياتها
على فكرة :
الـ سيينا 1400 هاف انجيكشن (كاربريتر كهرباء)
الـ سيينا 1600 انجيكشن كامل

اللانوس : اداء جيد نسبيا - انتشار واسع جدا - قطع غيار متوفرة - صيانة سهلة مش معقدة - سعر اعادة البيع ممتاز
يعنى من الاخر خليك في اللانوس اريحلك وافضلك اقتصاديا و معنويا
ده رأيي الشخصى ومش بذم في السيينا وامدح اللانوس

رامي (ابو احمد)

شكرا على الرد الموجز
بس عندك فكرة تقريبية عن اسعار قطع الغيار برة التوكيل

[major_memo]

قطع غيار السينا اغلي من الانوس وكمان مش منتشرة اوي
وسعر اعادية بيعها مش كويس مع انها عربية جميلة جدا علي فكرة بس بالنسبة لظروف السوق المصري هنا الانوس تكسب

[CryptonX]

قطع الغيار متوفرة للسيينا و بكثرة كمان !
و في استيراد كمان في الحرفيين من المسمار لموتور كامل
موتور السيينا افضل 1000000 مرة من موتور الانوس
سعر اعادة البيع مش واطي ولا حاجة
انت لو جبت لانوس موديل نفس سنة السيينا و حالتهم اللاتنين كويسة حتلاقيهم بنفس السعر تقريبا .

و خلي بالك ان فطع غيار السيينا منتشرة جدا مش علشان حاجة علشان في عندك مليون بديل
قطع غيار صيني
قطع غيار تركي
فطع غيار مصري
قطع غيار الماني
قطع غيار ايطالي

انا رتبتهم بترتيب الاسعار ..
يعني مثلا تيل فرامل السيينا بيبدا من 35 جنيه للصيني و صولا الي 200 جنيه الايطالي الاصلي .

معتقدش التنوع ده ولا الجودة في قطع الغيار دي موجودة في الانوس .
الانوس تكسب في الثبات فوق السرعات العالية .

[فادى]

السينا عربية رائعة و تتمتع بسمعة لا بأس بها, و تصنع فى البرازيل تحت اسم فيات.
بالنسبة لقطع الغيار فليس لدى علم بها و لكن هقولك على حاجة, الكثير من قطع غيار الفيات بيركب لبعض, يعنى مثلا أنا عندى شاهين 1600 و قطع غيار المحرك (سير الكاتينة, سير الدينامو, فلتر البنزين) الى كنت جايبهم كانو بتوع سينا و سعرهم معقول جدا عندك مثلا سير كاتينة ايطالى ب70 جنيه, و سير دينامو أسبانى ب35, أما بالنسبة للفوانيس و ما شابه فمقدرش أفتى.

[yahyanaabil]

السيينا عربيه ممتازه جدا بس وعلى الاقل فيها abs واعتقد انها فيها تكولوجيا اعلى من اللانوس وده عن تجربه لان العربيه كانت مع واحد قريبى كانت 1400 موديل 2002 وباعها ب42 الف وده سعر يعتبرمش وحش اوى بس مشكلتها فى قطع الغيار انها غاليه بالنسبه للانوس ولكنها عاديه بالنسبه لباقى العربيات

[temokemo]

سعر السينا مخليني مش عارف احكم عليها وفي نفس الوقت معظم اللي كانوا معهم عربيات سينا غيروها , انا نفسي اعرف السر في وقف سوق هذة السيارة

[Sherif Khalifa]

شكرا يا جماعة على الردود

بس العربية دى سوقها فى البلد غريب شوية
يعنى عمى اشتراها من 6 هو 7 شهور ب 51 الف و دلوئتى بنتكلم فى 42 او 43

و كمان اعتقد فى ناس كتير اشتكت من مشاكل فى الحرارة

[fiatmomo]

رأى الشخصى سينا بلاس 1600 هى الى ممكن تفكر فيها ... ال 1400 موتورها متواضع جدااااا جداااااا 69 حصان و 1400 يعنى النسبة والتناسب مابين القوه الحصانية والسعه اللترية سيئة جدا ؟؟؟ دية البونتو 2002 كانت 1250 سىسى و80 حصان .؟

وممكن تشوف البيترا جميلة جدا وموتورها جميل وصالونها احسن من السينا واحسن ميييييييييييييييييت مرة من الاانوس وموتور السينا بلاس والبترا ( الاتنين واحد ) احسن مليار مرة من موتور الانوس وانعم بمراحل وقطع الغيار لية متوافرة و استهلاكة للبنزين متوازن

بس الحقيقة الانوس كموتور افضل مبراحل من موتور السينا 1400.

يعنى فكر فى

1- البترا ---- ممتاااااااااااااااااااااااااااااااازه
2- سينا بلاس
3 بلاش سينا 1400 علاشان ماتندمش على الانوس بعد ماتشتريها .

[nabil246]

يوجد بالسوق سيينا صينى

تأكد من بلد منشا السيينا التى قد تشتريها ، لأنه يوجد بالسوق سيينا صينى 1500 cc

[Sherif Khalifa]

شكرا يا جماعة على الردود

بس يريت لو حد يساعدنى فى متوسط اسعار قطع الغيار

و كمان هل قطع الغيار فى السينا معمرة ولا زى الانوس ؟

[Sameh]

العربية السيينا ضيقة من جوة قدام وورا وناشفة فى المطبات ، وثابتة لحد 120 ل 140 بعد كدة مش ثابتة ، الموديل ال 1400 جاب معايا 165 - 170 كم / س لو إنت غاوى سرعات عالية يبقى بلاش منها

مميزاتها الإستجابة للدركسيون هايلة برغم إن الباور تقيل شوية ، يعنى عدد اللفات بتاعت الدركسيون قليلة وده بتحسه فى شوارع المدينة إنك بتلم العربية وتفادى و بتاخد غرز قطم بلفة صغيرة من الدركسيون ، ميزة تانية إنك عمرك ما تقلق على العربية من المطبات ، إنما طبعاً على حساب راحتك ، الموتور بتاع شغل وبيتنقل بسلاسة بين آر بى إم مختلفة ويمشى معاك مسافات على آر بى إم 5000 ، إنما طبعاً هيكون على حساب فترة العمر ، لما بتسيب دواسة البنزين وإنت ماشى بتلاقى العربية هبطت فجأة كأنك مديها سنة فرملة ، ماعرفش دى خشونة من الموتور ولا تقيلة ولا إيه ، وبالمناسبة الفرامل بتاعتها معقولة جداً وحساسة

فيها عيبين خطيرين ، الأول هو قطع الغيار قليلة فى السوق ، والتانى هو الحرارة زى باقى الفيات برغم وجود ترموستات بسرعتين ، لو حصل أى حاجة فى دورة التبريد خصوصاً يبقى لازم لازم التوكيل

بإختصار ممكن نقول اللانوس شبابى وبتقبل التعديلات والإضافات ومنتشرة ، والسيينا عربية (عاقلة) بتاعت حد شبع شقاوة وعايز حاجة عملية للشوارع الزحمة