لانوس ولا لوجان بسرعه لو سمحتم

[ahmedsafan]

السلام عليكم الأخوة الأعزاء
طبعا انا عارف انى فى قسم الانوس وعلى فكره انا عندى عربية لانوس بالفعل (لانوس دايو) وفى راى انها عربيه ممتازه واجمل شىء فيها تصميمها الخارجى

دلوقتى انا عاوز اشترى عربيه فى حدود 70 الف قدامى دايو شيفروليه و رينو لوجان ومحتار حد يشور عليا الله يبارك فيكم وياريت لو بسرعه علشان انا عاوز اشتر بكره ان شاء الله

[M.Alaa92]

لوجان افضل على الاقل تغير و العربية استهلاكها للبنزين اقل من الانوس

[alaasaid]

السلام عليكم ,

طالما عندك لانوس يبقى عارف مميزات و عيوب العربية يبقى حضرتك تدخل قسم رينو و تشوف المكتوب على اللوجان و تقارن و بعد كدة تشوفها على الطبيعة فى اى معرض سيارات و تصلى استخارة قبل اتخاذ القرار و ربنا يكرمك بالخير .

[amrseba]

طب يا باشا انت معاك لانوس هتجيب لانوس تانى وع منصور كمان

لا رينو افضل على الاقل حاجه جديده ومش منتشره فهتحس بأنك مميز شويه

بس طبعا الانوس قطع غيار و تصليح و حاجات بره التوكيل وانت عارف كده بص حاول تزود شويه وتجيب نيو اكسنت ولا حاجه افضل وعلى الاقل تبقى نقلت من الفئه ديه

[tameraast]

خليك فى اللوجان على الاقل من بابا التغير خصوصا انت معاك لانوس و هيا شكلها بقى اديم شويتين تلاته اربعه :))

[M.Radwan]

اللوجان أفضل من كل النواحي عدا موضوع قطع الغيار
ولو انى كنت أفضل انك تطلع من الفئة دي خالص وتجيب حاجة أعلى عشان تحس بنقلة
حتى لو كانت العربية دي مستعملة،

[gazzar91]

انا مش هقول رأيي الا لما أعرف احتياجات حضرتك من العربية و قدرتك على مصاريف الصيانة و قطع الغيار و طولك.......
بانتظار اجابة...
في رعاية الله...

[ahmedhilmy]

كيد معاك لانوس يبق عارفها كويس انا رايي بلاش لانوس و بلاش لوجان مفكرتش في نيو اكسنت

[mo7hamedemad]

شوف الساجا عربية فعلا محترمة وفعلا هى صفقة المستقبل
وفعلا مش هتندم انك دفعت فيها جنية
وصلاة استخارة وربنا هيوفقك لما فية الخير

- (اهــم المواضيـع عن -Proton SAGA- , مالا تعرفونـه عن الساجــا) -

[RAMYALI_1982]

لو عايز رد بسررعة يبقى اللوجان
اما بأة لو براحة وبراحتنا يبقى اللووووجان برضة
مفيش مجال للمقارنة

[ACE]

لوجان طبعا
الفرق كبير جدا

ربنا يوفقك

[tarekfar]

انا كان عندي لانوس 99 عربية ممتازة بس رايي تغير وتجيب لوجان شكل جديد واللانوس شكلها بقى قديم ثانيا اللوجان اوسع وشنطتها اكبر ده غير توكيل رينو احسن

[amrden]

لوجان افضل

[lenasam]

اللوجان طبعا
بدون تردد