مقارنة بين سيتي - i30 - كيا سول

[Horsepower]

السلام عليكم,
أحب أستعين برأي الإخوة الأعضاء وخاصة ملاك السيارات الثلاث إللي باقارن بينهم إنهم يفيدوني في أفضلية إختيار أي منهم والتصويت للأفضل:
الإحتياجات:

1. أمان
2. نعومة
3. قلة أعطال

غير مهم التسارع ولا سرعة قصوى.
ولو فيه إقتراح بسيارة أخرى أهلا به للمناقشة
و شكرا مقدما,

[amrseba]

طب الاول حضرتك تحدد سياره عائليه او واسعه او ضيقه مش مهم ممكن تكون كوبيه او تكون ايه تحدد بلد المنشاء ياعنى يابانى كورى او اوروبى

بتحب الغرز عايز عربيه عاليه او واطيه ايه هيا متطلباتك

ياريت معلومات اكتر

[aly_hosny]

كل عربية من دول في فئة لوحدها
حسب احتياجاتاك
يعني السيدان عائلية شوية
الهاتش باك شبابية
الكروس اوفر حاجة بين الاتنين
ف حسب احتياجاتك
يعني مثلا محتاج شنطة ولا لا
وك اداء السيتي افضلهم

[mohaismail]

كيا سول
وبعدين
سيتى
وبعدين
هيوزنداى

[Horsepower]

أولا شكرا لمشاركتكم,
بس مافيش عربية فيهم كوبيه وغرز إيه و أنا باقول إن التسارع مش مهم وموضوع الوسع أعتقد إن العربيات التلاتة دول قريبين جدا من بعض في المساحة الداخلية ... بلد المنشاء برضه مش قضية المهم العربية تكون معمرة في حالتها وقطع غيارها.
من الآخر أنا بدور على عربية حريمي, شبابية وعائلية ولو فيه سفرية صغيرة ماتقولش لأ ... بس كدة
أنا عاجبني شكل ال i30 جدا و هاتشباك بس ماعنديش معلومات عن أدائها ورأي وتقييم الناس فيها
و معايا سيفيك والسيتي طبعا ليها مكانة عندي وسيدان بس ما يمنعش إنها تتقارن باللي في السوق
والكيا السول جديدة و إمكانياتها كويسة وبرضه تدخل المقارنة و كروس أوفر.
بصراحة أنا ميال لشكل ال i30 ... شكلا فقط.

[amrseba]

يا باشا قدامك اختيارات كتير زى السوبارو و مازدا 3 و والفيات جارند بونتو تربو و وتيوتا ياريس و فيات لينيا و نيسان تيدا سواء هاتش باك او سيدان و ميتسوبيشى شارك دول احسن من ال 3 بكتير

[Horsepower]

يا باشا قدامك اختيارات كتير زى السوبارو و مازدا 3 و والفيات جارند بونتو تربو و وتيوتا ياريس و فيات لينيا و نيسان تيدا سواء هاتش باك او سيدان و ميتسوبيشى شارك دول احسن من ال 3 بكتير

خليني أكون أكثر تحديدا في الإختيارات ... تكون أوتوماتيك ولا يزيد سعرها عن 120,000

[amrseba]

نيسان تيدا

رينو فلوينس مش متأكد اوتو بالسعر ده ولا

سيات ابيزا

فيات بونتو ايفو ممتازه

كيا سيراتو

كيا سول

انا عن نفسى بكره حاجه اسمها هيونداى

[Horsepower]

نيسان تيدا

رينو فلوينس مش متأكد اوتو بالسعر ده ولا

سيات ابيزا

فيات بونتو ايفو ممتازه

كيا سيراتو

كيا سول

انا عن نفسى بكره حاجه اسمها هيونداى

بونتو إفو 1.4 ... مش عارف أدائها مع الجيربوكس الأوتوماتيك هايبقى عامل إزاي وكتير عليها 100,000
رونو فلوانس كبيرة شوية
سيات إبيزا ... ممكن بس فاضية شوية
نيسان تيدا لأ ... العربية النيسان الوحيدة إللي بحبها سكاي لاين ودي مش موضوعنا
سيراتو كبيرة شوية

حاسا إني بارجع للثلاث عربيات إللي في الأول و معاهم الإبيزا
طيب نرتيبهم

[amrseba]

بونتو إفو 1.4 ... مش عارف أدائها مع الجيربوكس الأوتوماتيك هايبقى عامل إزاي وكتير عليها 100,000
رونو فلوانس كبيرة شوية
سيات إبيزا ... ممكن بس فاضية شوية
نيسان تيدا لأ ... العربية النيسان الوحيدة إللي بحبها سكاي لاين ودي مش موضوعنا
سيراتو كبيرة شوية

حاسا إني بارجع للثلاث عربيات إللي في الأول و معاهم الإبيزا
طيب نرتيبهم

يا باشا حضرتك جربت العربيه عشان تعرف ادائها اولا ال 1400 ده كمان فى الجولف يبقى ادائها وحش

وعلى فكره موفره جدا فى البنزين وفيها اوبشن عالى وسحبها مع التكييف ممتاز

وشوف فى قسم فيات هيسعدوك

[ahmedmohamed7]

بونتو إفو 1.4 ... مش عارف أدائها مع الجيربوكس الأوتوماتيك هايبقى عامل إزاي وكتير عليها 100,000
رونو فلوانس كبيرة شوية
سيات إبيزا ... ممكن بس فاضية شوية
نيسان تيدا لأ ... العربية النيسان الوحيدة إللي بحبها سكاي لاين ودي مش موضوعنا
سيراتو كبيرة شوية

حاسا إني بارجع للثلاث عربيات إللي في الأول و معاهم الإبيزا
طيب نرتيبهم

استحاله الايفو تكون غاليه اومال الابيزا هى السعرها مناسب ؟ ولا البولو ؟
يا فندم انزل شوف العربيه و هتلاقى ان ال100000 اف دول قليلين عليها

[amrseba]

فعلا الكلام غير الي بيشوف على الحقيقه انا كنت معجب بيها من الكلام لما شوفتها على الحقيقه انبهرت و الونها وشكلها و امكانيتها وشكل التابلوه بجد حاجه تحفه بجد

[ahmedmohamed7]

انا شوفتها النهارده على كوبرى اكتوبر بص كفايا بس الفوانيس الخلفيه ما شاء الله العربيه تحفه

[Horsepower]

يا باشا حضرتك جربت العربيه عشان تعرف ادائها اولا ال 1400 ده كمان فى الجولف يبقى ادائها وحش

وعلى فكره موفره جدا فى البنزين وفيها اوبشن عالى وسحبها مع التكييف ممتاز

وشوف فى قسم فيات هيسعدوك

لا ماجربتهاش ... و علشان كدة كنت عايز رأي الناس إللي جربوها.
أنا ماجربتش اي عربية من إللي باعمل بينهم مقارنة ... إلا السيتي ... وعلشان كدة باسأل.
بالنسبة للجولف ال tsi ال 1.4 دي حاجة تانية دي موتور tsi تيربو سوبرتشارجر 160 حصان ... أما البونتو إفو 1.4 سادة.
أنا كمان بافكر في السوزوكي ال sx4 وبرضه ما جربتهاش
شكرا لمساعدتك يا باشا

[amrseba]

يا باشا مافيه برده فى الفيات تربو ياعنى جراند بونتو تربو كوبيه 120 حصان والبرافو 120 حصان او 150 حصان

وكله على حسب ما تدفع صح بس فعلا عربيه جميله

السوزوكى sx4 ضيقه انا شوفت واحد راكب فيها ركبته لازقه فى التابلوه والعربيه ضيقه كده والى قاعد فيها مش مرتاح بس انا مجربتهاش بصراحه